完整藏文原文 · 德格版页 当前仅加载第 54 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
སེར་སྣ་དང་། གཡོའི་ཞགས་པ་ཆེན་པོ་བཅད་ནས་གླང་པོ་ཆེའི་འདུལ་སྦྱོང་གི་མཁན་པོ་ཆེན་པོ་དེ་བཞིན་གཤེགས་པའི་ལག་ཏུ་འོངས་ནས། སེམས་ཅན་ཐམས་ཅད་ལས་ཉོན་མོངས་པའི་གླང་པོ་ལྔ་བཅུ་རྩ་བདུན་ཡོངས་སུ་བསལ་བར་
D120.054.0031a01.01བགྱིའོ། །བཅོམ་ལྡན་འདས་དཔེར་གསོལ་ན་གྲང་བའི་རིམས་ཀྱིས་ཐེབས་པ་སྨན་པ་ཆེན་པོའི་ཐད་དུ་མཆིས་ན་སྡུག་བསྔལ་ལས་ཐར་བར་འགྱུར་བ་དེ་བཞིན་དུ། བཅོམ་ལྡན་འདས་བདག་ཅག་ཀྱང་ཉོན་མོངས་པ་དང་། ལོག་པར་ལྟ་བ་དང་། ལོག་པའི་
D120.054.0031a02.01འཚོ་བའི་ཉེས་དམིགས་མཐའ་ཡས་པའི་གྲང་བའི་རིམས་ནད་ཅན་གྱི་ལུས་དང་ལྡན་པ་ལས་སྨན་པ་ཆེན་པོ་བཅོམ་ལྡན་འདས་ཀྱི་ཐད་དུ་མཆིས་ནས་སྡུག་བསྔལ་ཐམས་ཅད་ལས་རྣམ་པར་ཐར་བར་གྱུར་ཏེ་མི་གཡོ་བའི་བདེ་བ་ཡང་ཐོབ་ལགས་སོ། །བཅོམ་ལྡན་
D120.054.0031a03.01འདས་གཞན་ཡང་དཔེར་གསོལ་ན་མི་ཞིག་གིས་འབྲས་སྐྱེམས་འཚལ་ཏེ་ར་རོ་བར་གྱུར་ནས་བདག་ཉིད་ཀྱིས་ཀྱང་བདག་ཉིད་མ་འཚལ་ཏེ། ཆོས་ཀྱང་མ་འཚལ། ཆོས་མ་ལགས་པ་ཡང་མ་འཚལ། འདི་ནི་བདག་གི་མའོ། །འདི་ནི་བདག་གི་སྲིང་མོའོ། །
D120.054.0031a04.01འདི་ནི་བདག་གི་བུ་མོའོ་སྙམ་དུ་ཡང་མ་འཚལ་ལ། སྨད་ཅིང་བླ་སྟེ་ཕྱི་ས་དང་གཅིན་གྱིས་རང་གི་ལུས་ཀུན་བསྒོས་ཤིང་མཆིས་པ་ལས། དེའི་འོག་ཏུ་བདག་ཉིད་སངས་ཏེ་གཞི་ཅི་ལས་གྱུར་པ་ལ་མཁས་པར་གྱུར་ནས་ཆང་ནི་ཅིར་ཡང་མི་རུང་ངོ་སྙམ་དུ་སེམས་ཏེ།
D120.054.0031a05.01བདག་ནི་སྡིག་པ་ཐམས་ཅད་ལས་ཐར་ཏོ་སྙམ་ནས་ཆང་བཏུང་བ་ཅིར་ཡང་མི་རུང་བར་ཤས་ཆེར་བསྒོམས་ཏེ་སྤོང་བར་བགྱིད་པ་དེ་བཞིན་དུ། བཅོམ་ལྡན་འདས་འཚོ་བའི་འཇིག་རྟེན་འདི་ནི་ཟློས་གར་མཁན་བཞིན་དུ་ཐོག་མ་མ་མཆིས་པ་ན་འཁོར་བ་ན་འཁོར་ཞིང་
D120.054.0031a06.01ཡོངས་སུ་འཁྱམ་པ་ན་འདི་ནི་བདག་གི་མའོ། །འདི་ནི་བདག་གི་སྲིང་མོའོ། །འདི་ནི་བདག་གི་བུ་མོའོ་སྙམ་དུ་མ་འཚལ་ནས། མ་དང་སྲིང་མོ་དང་བུ་མོ་རྣམས་དང་ལྷན་ཅིག་ཏུ་འདོད་པའི་འདུ་ཤེས་སྤྱོད་པར་བགྱིད་དེ། འབྲས་སྐྱེམས་ཀྱིས་ར་རོ་བར་གྱུར་པ་དེ་བཞིན་
D120.054.0031a07.01