完整藏文原文 · 德格版页 当前仅加载第 54 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལའི་ཁ་ནས་ནི་ཁུ་བ་སྐྱུར་བ་འབྱུང་། ལ་ལའི་ཁ་ནས་ནི་ལན་ཚྭའི་རོ་འབྱུང་། ལ་ལའི་ཁ་ནས་ནི་མངར་བ་འབྱུང་། ལ་ལའི་ཁ་ནས་ནི་ཚ་བ་འབྱུང་། ལ་ལའི་ཁ་ནས་ནི་ཁ་བ་འབྱུང་། ལ་ལའི་ཁ་ནས་ནི་བསྐ་བ་འབྱུང་སྟེ། བཅུད་ཀྱི་ཁམས་དེ་ལྟ་བུ་དེ་ནགས་
D120.054.0106a01.01ཀྱི་ནང་ན་ནམ་མཁའ་ལ་ལྡིང་ངོ་། །བཅུད་རོ་གཅིག་པུ་དེ་འདྲ་བ་དེ་ལས་རོ་ཐ་དད་པ་སྣ་ཚོགས་འབྱུང་ལ། རོ་དེ་དག་ཀྱང་ཕན་ཚུན་འདྲེ་བར་མི་འགྱུར་ཏེ། བཅུད་ཀྱི་ཁམས་དེ་ཡང་ཟླ་བའི་དཀྱིལ་འཁོར་བཞིན་དུ་ཡོངས་སུ་ཁྱབ་པར་འདུག་གོ། །དེ་དེ་ལྟར་འདུག་ཀྱང་སེམས་ཅན་གཞན་
D120.054.0106a02.01དག་གིས་ནི་ཤིང་གེལ་པའི་ནགས་དེའི་ནང་དུ་ཞུགས་ཏེ། གཞོར་དག་གིས་བརྐོས་ཀྱང་སེམས་ཅན་སྐལ་བ་ཆུང་ངུ་རྣམས་ཀྱིས་ཐོབ་པར་མི་འགྱུར་ལ། འཁོར་ལོས་སྒྱུར་བའི་རྒྱལ་པོས་ནི་བསོད་ནམས་ཀྱི་མཐུས་ཐོབ་པར་འགྱུར་བ་དེ་བཞིན་དུ་རིགས་ཀྱི་བུ་དེ་བཞིན་གཤེགས་
D120.054.0106a03.01པའི་སྙིང་པོ་ནི་བཅུད་ཀྱི་ཁམས་དང་འདྲ་བ་ལ་ཉོན་མོངས་པའི་རྣམ་པས་བསྒྲིབས་ཤིང་འདུག་སྟེ། སངས་རྒྱས་སུ་འགྱུར་བའི་རྒྱུར་རོ་གཅིག་ཏུ་ཟིན་ཀྱང་དེ་ལས་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པས་རོ་མང་པོར་འགྱུར་ཏེ། སྐྱེས་པ་དང་། བུད་མེད་དང་། མ་ནིང་རྣམས་
D120.054.0106a04.01འབྱུང་བར་འགྱུར་རོ། །དེ་བཞིན་གཤེགས་པའི་ཁམས་དེ་ནི་སྐྱེས་བུའི་རང་བཞིན་ཡིན་ཏེ། དེ་བས་ན་སྲོག་བཅད་པས་སྲོག་ཆགས་གསད་པར་མི་འགྱུར་རོ། །གལ་ཏེ་སྲོག་ཆགས་བསད་པར་གྱུར་ན་ནི་འཚོ་བ་པོ་གཏན་མེད་པར་བྱས་པར་འགྱུར་ལ། འཚོ་བ་པོ་གཏན་མེད་པར་
D120.054.0106a05.01འགྱུར་བ་ནི་མི་སྲིད་དོ། །དེ་ལ་འཚོ་བ་པོ་ཞེས་བྱ་བ་ནི་དེ་བཞིན་གཤེགས་པའི་སྙིང་པོ་ཡིན་ལ་ཁམས་དེ་ནི་གཞིག་པའམ། གསད་པའམ། གཏན་མེད་པར་བྱ་མི་ནུས་ལ་སངས་རྒྱས་ཉིད་མ་ཐོབ་ཀྱི་བར་དུ་ཤིན་ཏུ་རྣམ་པར་དག་པར་མཐོང་བར་ཡང་མི་ནུས་སོ། །དེ་བས་ན་སྲོག་ཆགས་
D120.054.0106a06.01གསོད་པའི་མི་མེད་དོ། །གསོལ་པ། མ་མཆིས་ཞེས་བགྱིར་མི་རུང་སྟེ། གལ་ཏེ་མ་མཆིས་སུ་ལགས་ན་སྲོག་ཆགས་བཀུམ་པས་སྡིག་པར་མི་འགྱུར་བའི་རིགས་ལགས་སོ། །བཀའ་སྩལ་པ། ཡོད་དོ་ཞེས་བརྗོད་པར་བྱ་སྟེ། ཇི་ལྟ་ཞེ་ན། ཕྱི་རོལ་གྱི་བསགས་པའི་
D120.054.0106a07.01