完整藏文原文 · 德格版页 当前仅加载第 54 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པའི་ཚོགས་དང་། རྐྱེན་དུ་འཚམ་པའི་ཞལ་ཟས་དག་དང་ཆས་ཏེ། བཅོམ་ལྡན་འདས་ཀྱི་ཐད་དུ་སོང་ངོ་། །དེའི་གདུགས་ཕལ་པ་ཡང་ཆུ་ཞེང་དུ་འཇིག་རྟེན་གྱི་ཁམས་ཆུང་ངུ་ཁྱབ་པ་ཙམ་སྟེ། དེས་ཀྱང་བཅོམ་ལྡན་འདས་ལ་ཞལ་ཟས་བཞེས་པར་
D120.054.0015b01.01གསོལ་བ་ལས། བཅོམ་ལྡན་འདས་ཀྱིས་མ་བཞེས་ནས་ལངས་ཏེ་ཕྱོགས་གཅིག་ཏུ་འདུག་གོ། །དེ་ནས་བདུད་སྡིག་ཅན་ཆུང་མ་གྲངས་མེད་པའི་འཁོར་དང་ཆས་ཏེ། སེམས་ཅན་དམྱལ་བ་ཐམས་ཅད་ཀྱི་བར་སྲང་ཐམས་ཅད་ཕྱེ་ནས། དེ་དག་ལ་ཆུ་དང་། ཁ་
D120.054.0015b02.01ཟས་ལ་སོགས་པ་ཅི་འདོད་པ་བྱིན་ཏེ། དེ་དག་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པར་གྱིས་ཤིག །སྦྱིན་པའི་ཐ་མ་ལ་རྗེས་སུ་ཡི་རང་བར་གྱིས་ཤིག་ཅེས་སྨྲས་ནས། དེ་དག་ལ་ཁྱེད་བདེ་བར་གྱུར་ཅིག་ཅེས་ཀྱང་དབུགས་
D120.054.0015b03.01ཕྱུང་ངོ་། །སེམས་ཅན་དམྱལ་བའི་གྲོང་ཁྱེར་མཚོན་ཆས་གང་ཞིང་མེ་ཆེན་པོ་འབར་བ་རྣམས་སུ་ཡང་སྤྲིན་ཆེན་པོ་བཞིན་དུ་ཆུ་ཆེན་པོ་ཕབ་ནས། སེམས་ཅན་དམྱལ་བ་པ་རྣམས་ཀྱིས་སྔོན་མ་མྱོང་བའི་བདེ་བ་དང་ལྡན་པའི་འདུ་ཤེས་བསྐྱེད་དེ། དེ་བཞིན་གཤེགས་པའི་མཐུས་
D120.054.0015b04.01བདུད་ཀྱི་སེམས་ཀྱི་གནས་སྐབས་དེ་ལྟ་བུར་གྱུར་ཏོ། །དེའི་འཁོར་གང་ཡིན་པ་དེ་དག་གིས་ཀྱང་གཞུ་དང་། རལ་གྲི་དང་། ཐོ་བ་དང་། དགྲ་སྟ་དང་། རྡོ་རྗེ་རྩེ་གཅིག་པ་དང་། མཚོན་ཀམ་པ་ན་དང་། ལྕགས་ཀྱི་བེར་ཀ་དང་། ལྕགས་མདའ་དང་། ཤ་ཏ་
D120.054.0015b05.01ཀ་ནི་ཧ་དང་། མདའ་དང་། འཕང་མདུང་དང་། མདུང་རྩེ་གཅིག་པ་ལ་སོགས་པ་མཚོན་ཆ་རྣམ་པ་དུ་མ་ཡོངས་སུ་སྤངས་ཏེ་ཆོས་ལྷུར་ལེན་པར་གྱུར་ཏོ། །དེའི་མཆོད་པ་ཡང་ལྷ་སྔ་མ་རྣམས་ལ་མེད་པ་དེ་ལྟ་བུར་གྱུར་ཏེ། དེའི་གདུགས་ཕལ་པའི་ཆུ་ཞེང་དུ་ཡང་འཇིག་རྟེན་
D120.054.0015b06.01གྱི་ཁམས་བར་མའི་ཁྱོན་ཙམ་མོ། །དེ་ལྟར་དེ་མཐུ་ཆེན་པོ་དང་ལྡན་ཞིང་རང་གི་ཆུང་མ་རྣམས་ཀྱི་རྔ་ཡབ་ཀྱིས་གཡོབ་བཞིན་དུ་བཅོམ་ལྡན་འདས་ག་ལ་བ་དེར་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཐལ་མོ་སྦྱར་ནས་འདི་སྐད་ཅེས་གསོལ་ཏོ། །
D120.054.0015b07.01