完整藏文原文 · 德格版页 当前仅加载第 54 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
བཞེས་ནས་ཡིད་མི་དགའ་སྟེ། ལངས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་རྒྱལ་པོ་མ་སྐྱེས་དགྲའི་བཙུན་མོ་མ་གཏོགས་པར་ཡངས་པ་ཅན་གྱི་རྒྱལ་པོའི་བཙུན་མོ་འཇིག་རྟེན་གསུམ་ན་མཛེས་མ་ལ་སོགས་པ་འཛམ་བུ་གླིང་པའི་རྒྱལ་པོ་དང་།
D120.054.0009b01.01ཚོང་དཔོན་དང་། ཁྱིམ་བདག་རྣམས་ཀྱི་ཆུང་མ་གང་གཱའི་ཀླུང་བདུན་གྱི་བྱེ་མ་སྙེད་དང་ལྷན་ཅིག་ཏུ་ལྷགས་ཏེ། དེ་དག་ཐམས་ཅད་ཀྱང་བུད་མེད་ཀྱི་གཟུགས་ཀྱིས་སེམས་ཅན་མང་པོ་ངེས་པར་སྒྲོལ་བ། རྟག་ཏུ་ལུས་བསྒོམ་པ་དང་ལྡན་པ། ཆེན་པོ་སྟོང་པ་ཉིད་
D120.054.0009b02.01དང་། མཚན་མ་མེད་པ་དང་། སྨོན་པ་མེད་པས་སེམས་རྣམ་པར་དག་པ་ཤ་སྟག་སྟེ། འདི་ལྟ་སྟེ། ཡངས་པ་ཅན་གྱི་རྒྱལ་པོའི་བཙུན་མོ་འཇིག་རྟེན་གསུམ་ན་མཛེས་མ་ཞེས་བྱ་བ་དང་། བཙུན་མོ་པྲི་ཡང་ཀུ་ཞེས་བྱ་བ་དང་། དེ་ལ་སོགས་པ་ཐམས་ཅད་ཀྱང་
D120.054.0009b03.01སེམས་ཅན་ཐམས་ཅད་ལ་བུ་གཅིག་པ་ལ་བྱ་བ་བཞིན་དུ་སྙིང་རྗེ་དང་ལྡན་པ་ཤ་སྟག་སྟེ། གཅིག་ལ་གཅིག་འཇུས་ནས། དེ་བཞིན་གཤེགས་པའི་གདུང་ཞུགས་ལ་བཞེན་པའི་ཕྱིར། ཡམ་སྲེག་ཤིང་རྣམས་ཁྱེར་ཏེ། མཆོད་པ་སྔ་མ་ཐམས་ཅད་རང་རང་གི་
D120.054.0009b04.01མཆོད་པ་རྣམས་ཀྱིས་ཟིལ་གྱིས་མནན་ནས། བཅོམ་ལྡན་འདས་ལ་ཉིས་འགྱུར་དུ་མཆོད་པ་བྱས་ཏེ། དེ་དག་གི་མཆོད་པའི་ཡོ་བྱད་རྣམས་ཀྱི་རྒྱལ་མཚན་དང་། བ་དན་དང་། གདུགས་རྣམས་ཀྱི་འཕང་དང་ཆུ་ཞེང་གི་ཚད་ཀྱང་སྔ་མའི་ཉིས་འགྱུར་བས་ལྷག་གོ། །ཁ་ཟས་
D120.054.0009b05.01རྣམས་ཀྱི་དྲི་བསུང་ནི་དཔག་ཚད་བརྒྱད་དུ་ཁྱབ་པར་གྱུར་ཏེ། བཅོམ་ལྡན་འདས་ལ་ཕྱག་འཚལ་ནས་ཞལ་ཟས་བཞེས་པར་གསོལ་བ་བཏབ་ཀྱང་ཞལ་ཟས་མ་བཞེས་ནས། བཅོམ་ལྡན་འདས་ལ་སྐོར་བ་བྱེད་ཅིང་སྐྲ་འབལ་ལ་རང་རང་གི་རྒྱན་རྣམས་འཐོར་ཞིང་། སྐད་མི་སྙན་
D120.054.0009b06.01པས་ངུས་ཏེ་བུ་གཅིག་པ་ཤི་བ་བཞིན་དུ་མཆོག་ཏུ་སྡུག་བསྔལ་བར་གྱུར་ནས་བཅོམ་ལྡན་འདས་ཀྱི་མཐུས་སཱ་ལ་ཟུང་གི་དྲུང་ཉིད་དུ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷ་མིག་ཡངས་ཞེས་བྱ་བ་ལ་སོགས་པ་ལྷའི་ཚོགས་གང་གཱའི་ཀླུང་བརྒྱད་ཀྱི་བྱེ་མ་སྙེད་དང་
D120.054.0009b07.01