完整藏文原文 · 德格版页 当前仅加载第 54 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཀྱིས་བདེ་བླག་ཏུ་རྟོགས་པར་བགྱི་བའི་སླད་དུ་བཅོམ་ལྡན་འདས་ཀྱིས་གསལ་ཞིང་ཟུར་ཕྱིན་པར་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་ཁྱིམ་བདག་གམ་ཁྱིམ་བདག་གི་བུ་ཞིག་ལ་བ་ལང་གི་ལྷས་མང་པོ་ཡོད་
D120.054.0138b01.01དེ། བ་ལང་སྤུ་ག་ཐ་དད་པ་དག་བདོག་ལ་དེའི་ནང་ན་བ་སྔོན་མོ་དག་ཀྱང་ཡོད་དེ། བ་དེ་དག་བ་རྫི་གཅིག་འཚོར་བཅུག་གོ། །དེ་ནས་ཁྱིམ་བདག་དེས་ལན་ཅིག་གཅིག་ན་རང་གི་ལྷ་མཆོད་པའི་ཕྱིར་བ་ལང་གི་ལྷས་རྣམས་གཅིག་ཏུ་བསྡུས་ནས་འོ་མ་འཇོར་བཅུག་གོ། །དེ་ནས་
D120.054.0138b02.01འོ་མ་དེ་དག་དུང་གི་མདོག་བཞིན་དུ་དཀར་པོར་འདུག་པ་མཐོང་ནས་ངོ་མཚར་དུ་བཟུང་སྟེ་བསམས་པ། འདི་ན་བ་འདི་དག་སྤུ་ཁ་ཐ་དད་པར་འདུག་ན། བ་སྔོན་མོ་འདི་རྣམས་ཀྱི་འོ་མ་ཡང་སྔོན་པོར་མི་འདུག་ལ། བ་དཀར་མོ་རྣམས་ཀྱི་ཡང་དེ་དང་འདྲ་སྟེ། དུང་གི་མདོག་ལྟར་འདུག་
D120.054.0138b03.01གོ་སྙམ་མོ། །དེ་ནས་ཕྱིས་དེས་རྟོགས་ཏེ་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པའི་རྒྱུ་ལས་གྱུར་པ་ཡིན་པར་བལྟ་བར་བྱའོ་སྙམ་མོ། །རིགས་ཀྱི་བུ་དེ་བཞིན་དུ་ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཡང་འོ་མ་དང་འདྲའོ། །
D120.054.0138b04.01ཅིའི་ཕྱིར་ཞེ་ན། དེ་དག་ནི་ཟག་པ་ཟད་པའི་ཕྱིར་རོ། །སེམས་ཅན་ཐམས་ཅད་ཀྱིས་ནི་ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཐ་དད་པ་དང་། དབྱིབས་ཐ་དད་པར་འཛིན་མོད་ཀྱི། དེ་དག་གིས་ཀྱང་ཁྱིམ་བདག་བཞིན་དུ་མཐར་གྱིས་ཤེས་
D120.054.0138b05.01པར་འགྱུར་རོ། །རིགས་ཀྱི་བུ་དཔེར་ན་གསེར་ཁུང་ངམ། ཟངས་ཀྱི་ཁུང་ནས་རྡོ་དང་གསེག་མ་མེད་པའི་གསེར་གྱི་རང་བཞིན་རིན་ཐང་མེད་པར་འབྱུང་བ་དེ་བཞིན་དུ། ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱང་གསེར་དང་འདྲ་བར་རིན་ཐང་དང་རང་
D120.054.0138b06.01བཞིན་གཅིག་གོ། །ཅིའི་ཕྱིར་ཞེ་ན། རྡོ་དང་གསེག་མ་ལྟ་བུའི་ཉོན་མོངས་པ་དང་བྲལ་བའི་ཕྱིར་ཏེ། དེ་བས་ན་སངས་རྒྱས་ཀྱི་ཡེ་ཤེས་འདི་ལ་ནི་དབྱེར་མེད་དོ། །སེམས་ཅན་ཐམས་ཅད་ལ་སངས་རྒྱས་ཀྱི་ཁམས་ཡོད་པ་ཡང་དེ་དང་འདྲ་སྟེ། ཁྱིམ་བདག་གིས་འོ་མ་ཇི་ལྟ་བ་བཞིན་དུ་དེ་
D120.054.0138b07.01