完整藏文原文 · 德格版页 当前仅加载第 54 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
པ། བཅོམ་ལྡན་འདས་དགོངས་པའི་ཚིག་གསུང་གི་མཆོག་ཤེས་པར་འཚལ་ལགས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཁ་ཅིག་བདུད་རྩི་འཐུངས་པས་འཆི་མི་འགྱུར། །ཁ་ཅིག་གིས་ནི་འཐུངས་ན་འཆི་བར་འགྱུར། །
D120.054.0107a01.01ཁ་ཅིག་དུག་འཐུངས་པས་ཀྱང་འཆི་མི་འགྱུར། །ཁ་ཅིག་གིས་ནི་འཐུངས་ན་འཆི་བར་འགྱུར། །ཐེག་པ་ཆེན་པོ་འདི་ལ་ནི། །ཆགས་མེད་ཡེ་ཤེས་བདུད་རྩི་ཡིན། །མཚུངས་པ་མེད་པའི་ཡེ་ཤེས་མཆོག །དེ་ཉིད་དུག་ཡིན་ཞེས་ཀྱང་བསྟན། །ཞུ་བའི་འོག་ཏུ་ཟ་བ་ལ། །མར་གྱི་
D120.054.0107a02.01སྙིང་ཁུ་སྦྲང་རྩི་དང་། །ཁ་ར་རྣམས་ནི་བདུད་རྩི་བཞིན། །མ་ཞུ་ཟ་ལ་དུག་ཏུ་འགྱུར། །དེ་བཞིན་རབ་རྒྱས་བདུད་རྩིའི་མཆོག །དགོངས་པའི་ཚིག་ལ་མི་མཁས་ཤིང་། །བྱིས་པའི་བློ་དང་ལྡན་རྣམས་ལ། །མི་བཟད་པ་ཡི་དུག་ཏུ་འགྱུར། །རང་རྒྱལ་ཉན་ཐོས་རྣམས་
D120.054.0107a03.01ཀྱང་ནི། །རྟག་ཏུ་དེ་དང་འདྲ་བ་ཡིན། །ཐེག་ཆེན་སྨན་མཆོག་དེ་དག་ལ། །བ་ཡི་འོ་མ་འཐུངས་པ་བཞིན། །བྱང་ཆུབ་སེམས་དཔའ་འཇིགས་མེད་པ། །མི་མཆོག་བརྟན་པོ་དེ་དག་ནི། །ཐེག་པ་ཆེན་པོས་ངེས་པར་འབྱུང་། །འོད་སྲུང་དེ་ལྟར་ཤེས་ནས་ནི། །བདུད་རྩི་
D120.054.0107a04.01རྟག་པ་ཁམས་ཀྱི་དབྱིངས། །དེ་ལ་དེང་འདིར་སྐྱབས་མཆོག་སོང་། །བདུད་རྩི་མཆོག་གི་ཁམས་དེ་ནི། །ང་ཡི་ཁམས་ཡིན་སེམས་ཅན་ཁམས། །རྟག་ཏུ་ང་ལ་སྐྱབས་སོང་ན། །སྐྱབས་གསུམ་བདག་ཉིད་ཁམས་སུ་འགྱུར། །ང་ཡི་སྐུ་ལ་ཁམས་ཡོད་ཀྱིས། །བདག་
D120.054.0107a05.01ཉིད་འདི་ལ་ཁྱོད་ཞུགས་ཤིག །སངས་རྒྱས་ཆོས་དང་དགེ་འདུན་རྣམས། །ང་ཡི་ཁམས་ཀྱི་རང་བཞིན་ཏེ། །གསུམ་པོ་རིན་ཆེན་མཆོག་ཡིན་ཞེས། །བཅོམ་ལྡན་འདས་ཀྱིས་ཚིགས་བཅད་གསུངས། །གསོལ་པ། འཇིགས་མེད་ཇི་ལྟར་སྐྱབས་མཆི་བ། །བདག་གིས་གློ་
D120.054.0107a06.01བར་མ་ཆུད་ལགས། །དཀོན་མཆོག་གསུམ་ཡང་མ་འཚལ་ཏེ། །བདག་མེད་ལ་ནི་ཇི་ལྟར་མཆི། །སངས་རྒྱས་སྐྱབས་སུ་མཆིས་ན་ཡང་། །ཇི་ལྟར་དབུགས་ནི་ཕྱིན་པར་འགྱུར། །ཅི་ཡི་སླད་དུ་མི་རྣམས་ནི། །ཆོས་ལ་སྐྱབས་སུ་མཆི་བར་བགྱིད། །ཇི་ཞིག་གིས་ནི་རང་དགར་
D120.054.0107a07.01