完整藏文原文 · 德格版页 当前仅加载第 54 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། མི་ལྷག་མ་རྣམས་བསྲུང་བའི་ཕྱིར་ཡང་བྲམ་ཟེ་གཙང་སྦྲ་ཅན་རིག་བྱེད་ཀྱི་མཐར་ཕྱིན་པ་གང་ངའི་རྒྱལ་སྲིད་ཀྱི་ཕྱེད་ལོངས་སྤྱད་པར་འདོད་པ་དེས་ནི་ངའི་མདུན་ན་འདོན་གྱིས་ཤིག་ཅེས་བསྒྲགས་ཏེ། དེ་ལྟར་གྲོང་ཁྱེར་དུ་ཞག་བདུན་གྱི་བར་དུ་རྔ་བོ་ཆེ་བརྡུངས་
D120.054.0087a01.01ཀྱང་བྲམ་ཟེ་གཙང་སྦྲ་ཅན་གདོལ་པའི་བླ་མཁྱེན་བྱེད་པ་སུ་ཡོད་ཅེས་ཟེར་ནས་སུ་ཡང་མ་བཏུབ་བོ། །དེ་ནས་གདོལ་པ་དེས་བསྒོ་བ། གལ་ཏེ་སུའང་དེ་ལྟར་བྱེད་དུ་མི་བཏུབ་ན་བྲམ་ཟེ་ཐམས་ཅད་གདོལ་པའི་ཁྱིམ་དུ་གདོལ་པ་རྣམས་དང་ལྷན་ཅིག་ཏུ་ཟན་ཟོ་ཤིག །ཉོལ་ཅིག །གལ་
D120.054.0087a02.01ཏེ་མི་བཏུབ་ན་དེ་ཡང་ངས་ནན་གྱིས་བྱེད་དུ་གཞུག་གོ། །དེ་སྟེ་ལ་ལ་ཞིག་བཏུབ་ན་ནི་ངས་རྒྱལ་སྲིད་ཀྱི་ཕྱེད་ཀྱང་སྦྱིན་ནོ། །སུམ་ཅུ་རྩ་གསུམ་པའི་ལྷ་རྣམས་ཀྱི་བདུད་རྩི་འཐུངས་ན་ལྷར་འགྱུར་བ་ཐོབ་པར་འགྱུར་བ་འཇིག་རྟེན་ན་དཀོན་པ་གང་ཡིན་པ་དེ་ང་དང་ལྷན་ཅིག་ཏུ་འཐུངས་ལ་ལྷར་
D120.054.0087a03.01འགྱུར་བར་བྱའོ་ཞེས་བསྒོའོ། །དེ་ནས་དེར་བྲམ་ཟེའི་གཞོན་ནུ་གཙང་སྦྲ་ཅན་ཐོར་ཚུགས་དང་ལྡན་པ། རིགས་བྱེད་ཀྱི་མཐར་ཕྱིན་པ། གཞོན་ནུ་ཚངས་པར་སྤྱོད་པ་ཞིག་གིས་བསྒོ་བ་དེ་ཐོས་ནས་རང་གི་ཐོར་ཚུགས་བཤིག་སྟེ། གདོལ་པ་དེའི་ཐད་དུ་སོང་ནས་དེ་ལ་ཕྱག་འཚལ་ཏེ་སྨྲས་
D120.054.0087a04.01པ། རྒྱལ་པོའི་ཞལ་སྔ་ནས་བཀའ་ཅི་སྩལ་པ་དེ་བཞིན་དུ་བགྱིའོ་ཞེས་བྱས་ཏེ། དེ་ནས་རྒྱལ་པོ་དེས་དེ་མདུན་ན་འདོན་དུ་དབང་བསྐུར་ཏོ། །དེ་ནས་བྲམ་ཟེ་རྣམས་ན་རེ་གདོལ་པའི་མདུན་ན་འདོན་པར་ཁས་བླངས་པ་ངན་པ་འདི་ངན་པ་འདི་ཞེས་འཛེར་ཏོ། །དེ་ནས་དེ་བཞིན་དུ་རྒྱལ་པོས་དེ་ལ་
D120.054.0087a05.01རྒྱལ་སྲིད་ཀྱི་ཕྱེད་བྱིན་ནས་དེ་དང་ལྷན་ཅིག་ཏུ་རྒྱལ་པོ་བྱེད་དོ། །དེ་ནས་སྐབས་ཤིག་ཏུ་བྲམ་ཟེ་དེས་གདོལ་པའི་རྒྱལ་པོ་དེ་ལ་སྨྲས་པ། རྒྱལ་པོ་ཆེན་པོ་བདག་གི་བྲམ་ཟེའི་ཚུལ་བོར་ནས་ཁྱོད་ཀྱི་མདུན་ན་འདོན་བགྱི་བར་ཁས་བླངས་ཏེ་ཁྱོད་ལ་རིག་པ་རེ་རེ་ནས་བསླབ་སྙམ་ན་ཁྱོད་ད་དུང་བདག་
D120.054.0087a06.01ལ་ཐུགས་མི་བསྟེན་ཏོ། །དེ་ནས་རྒྱལ་པོ་དེས་དེ་ལ་སྨྲས་པ། ཁྱོད་ལ་ང་ཅི་སྟེ་ཡིད་མི་རྟོན། འདི་ལྟ་བུའི་ཡོན་ཏན་དང་ལྡན་པ་ཁྱོད་ལ་ཡིད་རྟོན་གྱིས། ད་ནི་རྒྱལ་པོ་ཤི་བ་དེའི་བདུད་རྩིའི་བུམ་པ་འདི་ཕྱེད་ཕྱེད་མཉམ་དུ་བཏུང་ངོ་ཞེས་བྱས་སོ། །དེ་ནས་ཐོག་མ་ཁོ་ནར་བློན་པོ་དེས་འཐུངས་
D120.054.0087a07.01