完整藏文原文 · 德格版页 当前仅加载第 54 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་ཀྱང་དེ་བཞིན་གཤེགས་པའི་སྙིང་པོའི་མདོ་སྡེ་ཐོས་ནས་ཉོན་མོངས་པའི་རྣམ་པ་ཟད་པར་བྱས་ཏེ་སངས་རྒྱས་ཀྱི་ཁམས་རྟོགས་པར་འགྱུར་རོ། །གསོལ་པ། བཅོམ་ལྡན་འདས་ཅི་ལགས། སེམས་ཅན་ཐམས་ཅད་དང་དེ་བཞིན་གཤེགས་པ་རྣམས་ཐ་དད་པ་
D120.054.0139a01.01མ་མཆིས་ལགས་སམ། གལ་ཏེ་དེ་བཞིན་གཤེགས་པ་བསྟན་པ་དེ་ལྟར་སྟོན་པར་གྱུར་ན་འདི་ལ་སྐྱོན་ཆེན་པོ་མཆིས་ཏེ། ད་དེའི་གཏན་ཚིགས་བཀའ་སྩལ་དུ་འཚལ་ལགས་སོ། །སེམས་ཅན་ཐམས་ཅད་དང་རང་སངས་རྒྱས་རྣམས་ལྟ་ཞོག་ལགས་ཀྱི། དེ་ལྟར་ན་ཤཱ་རིའི་བུ་དང་
D120.054.0139a02.01མཽད་གལ་གྱི་བུ་གཉིས་ཅིའི་སླད་དུ་ཉན་ཐོས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་བགྱིད་ལགས། རང་སངས་རྒྱས་རྣམས་ཀྱང་ཅིའི་སླད་དུ་རང་སངས་རྒྱས་རྣམས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་བགྱིད་ལགས། བྱང་
D120.054.0139a03.01ཆུབ་སེམས་དཔའ་རྣམས་ཀྱང་ཅིའི་སླད་དུ་བྱང་ཆུབ་སེམས་དཔའི་ཡོངས་སུ་མྱ་ངན་ལས་འདས་པ་ཆེན་པོས་ཡོངས་སུ་མྱ་ངན་ལས་འདའ་བར་བགྱིད་ལགས། བཀའ་སྩལ་པ། སངས་རྒྱས་རྣམས་ཀྱི་ཡོངས་སུ་མྱ་ངན་ལས་འདས་པ་ཆེན་པོ་ནི་ཉན་ཐོས་དང་། རང་སངས་རྒྱས་དང་། བྱང་
D120.054.0139a04.01ཆུབ་སེམས་དཔའ་རྣམས་ཀྱི་མ་ཡིན་ཏེ། ཡོངས་སུ་མྱ་ངན་ལས་འདས་པ་ཆེན་པོ་འདི་ལ་ནི་སངས་རྒྱས་རྣམས་མ་གཏོགས་པར་གཞན་དག་གི་གནས་མེད་དོ། །གསོལ་པ། ཇི་ལྟ་བུ་ལགས། བཀའ་སྩལ་པ། དེ་བཞིན་གཤེགས་པ་ནི་བསྐལ་པ་བྱེ་བ་ཕྲག་གྲངས་མེད་པ་མང་པོ་
D120.054.0139a05.01ཞིག་ན་དེ་བཞིན་གཤེགས་པ་འབྱུང་བ་སྟོན་པར་མཛད་ན། དེ་བཞིན་གཤེགས་པ་དང་། ཉན་ཐོས་དང་། རང་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཁྱད་པར་ཅི་ཡོད་ཅེ་ན། རིགས་ཀྱི་བུ་དེ་བཞིན་གཤེགས་པའི་མྱ་ངན་ལས་འདས་པ་གསང་བ་ལ་དགྲ་བཅོམ་པ་རྣམས་ཀྱི་
D120.054.0139a06.01གནས་མེད་དོ་ཞེས་ངས་བསྟན་ཏེ་དེ་ནི་གནས་མེད་པ་ཡིན་ནོ། །དེ་བས་ན་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའི་ཚུལ་གྱིས་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་མེད་དོ། །དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །གསོལ་པ། ཐ་དད་
D120.054.0139a07.01