完整藏文原文 · 德格版页 当前仅加载第 54 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་ཁྲིམས་ཕུན་སུམ་ཚོགས་པ་མ་ཞིག་མ་རལ་བ་ཡང་ཤིན་ཏུ་རྙེད་པར་དཀའོ། །འཇིག་རྟེན་ན་དགྲ་བཅོམ་པ་འཐོབ་པ་ནི་གསེར་གྱི་ཕྱེ་མ་དང་། ཨུ་དུམ་བཱ་རའི་མེ་ཏོག་བཞིན་དུ་རྙེད་པར་དཀའོ། །དགེ་སློང་དག་འདི་ལྟ་སྟེ། ས་ནི་
D120.054.0030a01.01ཐམས་ཅད་ཀྱི་སྒོ་ནས་སེམས་ཅན་ཐམས་ཅད་ཀྱི་འཚོ་བ་ཡིན་ཏེ། དེ་བཞིན་དུ་ངའི་ཆོས་བསྟན་པ་རྣམ་པ་སྣ་ཚོགས་གསང་བ་ཐར་པའི་གྲོང་ཁྱེར་གྱི་བདུད་རྩིའི་ཟས་ཀྱང་དེ་དང་འདྲ་བར་བལྟ་བར་བྱའོ། །སེམས་ཅན་ཐམས་ཅད་དང་ངའི་སྲས་དགེ་སློང་ཐམས་
D120.054.0030a02.01ཅད་ལ་དམ་པའི་ཆོས་མང་པོ་བརྟན་པོར་བཞག་གོ །གཞན་ཡང་སེམས་ཅན་ཐམས་ཅད་ལ་ཕན་པའི་ཕྱིར་དེ་བཞིན་གཤེགས་པའི་ཡོན་ཏན་ཆེ་བ་ཉིད་བསྒྲགས་ཏེ། ཡི་གེ་འབྲུ་གཅིག་པའི་ཐིག་ལེའི་གཏམ་ཡང་བཞག་ནས་ཡོངས་སུ་མྱ་ངན་ལས་འདའ་བར་
D120.054.0030a03.01བྱའོ། །དེ་ནས་དགེ་སློང་དེ་དག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདའོ་ཞེས་ཐོས་ནས་མི་དགའ་བར་གྱུར་ཏེ། སྐྱི་བུང་ཞེས་བྱས་ནས་མིག་མཆི་མས་གང་བཞིན་དུ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་
D120.054.0030a04.01འདས་ལ་ལན་མང་དུ་བསྐོར་བ་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སྡུག་བསྔལ་བ་དང་། མི་རྟག་པ་དང་། བདག་མེད་པ་དང་། རྗེས་ཐམས་ཅད་ཀྱི་ནང་ན་གླང་པོ་ཆེའི་རྗེས་ཆེས་མཆོག་ཡིན་པར་བསྟན་ཏོ་ཞེས་
D120.054.0030a05.01གསུངས་ཏེ། དེ་ལྟར་མི་རྟག་པའི་འདུ་ཤེས་བརྟེན་ཅིང་བསྒོམས་ཏེ་མང་དུ་བགྱིས་པས་འདོད་པའི་འདོད་ཆགས་ཐམས་ཅད་ཟད་པར་འགྱུར། གཟུགས་ཀྱི་འདོད་ཆགས་ཐམས་ཅད་ཟད་པར་འགྱུར། གཟུགས་མེད་པའི་འདོད་ཆགས་ཐམས་ཅད་ཟད་པར་འགྱུར།
D120.054.0030a06.01མ་རིག་པ་ཐམས་ཅད་ཟད་པར་འགྱུར། ལྷག་པའི་ང་རྒྱལ་ཐམས་ཅད་མ་ལུས་པ་ཡང་དག་པར་ཆད་པར་འགྱུར་བ་ལགས་སོ། །བཅོམ་ལྡན་འདས་དཔེར་གསོལ་ན་སྟོན་གྱི་དུས་སུ་ཞིང་པས་རྨོས་ཆེར་བཏབ་སྟེ་རྩ་བ་འཛིངས་པ་ཐམས་ཅད་སེལ་བར་བགྱིད་པ་དེ་
D120.054.0030a07.01