完整藏文原文 · 德格版页 当前仅加载第 54 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་མྱུ་གུ་སྐྱེ་བར་མི་ནུས་ཏེ། དེ་དག་ལས་མྱུ་གུ་འབྱུང་མི་སྲིད་དོ། །དེ་བཞིན་དུ་འདོད་ཆེན་པ་རྣམས་ཀྱིས་ཡོངས་སུ་མྱ་ངན་ལས་འདས་པ་ཆེན་པོ་འདི་ཐོས་སུ་ཟིན་ཀྱང་བྱང་ཆུབ་ཀྱི་རྒྱུ་ཐོབ་མི་སྲིད་དེ། དེ་དག་ནི་དགེ་བའི་རྩ་བ་ཟད་པ་ཡིན་
D120.054.0128a01.01པའི་ཕྱིར་ས་བོན་ཚིག་པ་དང་འདྲའོ། །རིགས་ཀྱི་བུ་དཔེར་ན་ཀ་ཏ་ཀའི་འབྲས་བུ་ཆུ་རྙོག་པ་ཅན་གྱི་ནང་དུ་བཅུག་ན་རྙོག་པ་བསལ་ཏེ་ཆུ་དང་བར་བྱེད་པ་དེ་བཞིན་དུ་ཡོངས་སུ་མྱ་ངན་ལས་འདས་པའི་མདོ་ཆེན་པོ་འདི་ཡང་ཀ་ཏ་ཀའི་འབྲས་བུ་བཞིན་དུ་སེམས་ཅན་རྣམས་
D120.054.0128a02.01ཀྱི་ཕམ་པ་རྣམས་དང་། མཚམས་མེད་པའི་ལས་རྣམས་ཀྱི་ལས་ཀྱི་འདམ་རྫབ་དང་རྙོག་པ་བསལ་ནས་བྱང་ཆུབ་ཀྱི་རྒྱུ་ལ་འགོད་པར་བྱེད་དེ། འདོད་ཆེན་པ་ནི་མ་གཏོགས་སོ། །ཀ་ཏ་ཀའི་འབྲས་བུས་ཀྱང་རྙོག་པ་དང་བར་བྱེད་པར་ཟད་ཀྱི། ལོ་སྟོང་
D120.054.0128a03.01གི་བར་དུ་བདར་དུ་ཟིན་ཀྱང་འདམ་རྫབ་དེ་ལས་ཆུ་དབྱུང་བ་ནི་མི་ནུས་སོ། །དེ་བཞིན་དུ་འདོད་ཆེན་པ་ཡང་དགེ་བའི་རྩ་བ་ཟད་ཅིང་གཞི་མེད་པར་འགྱུར་བ་ཡིན་པས་དེ་ནི་ཡོངས་སུ་མྱ་ངན་ལས་འདས་པ་ཆེན་པོ་འདི་ལོ་བྱེ་བར་ཐོས་སུ་ཟིན་ཀྱང་བྱང་ཆུབ་ཀྱི་རྒྱུ་སྐྱེད་པར་
D120.054.0128a04.01ཡང་ཡེ་མི་ནུས་ཏེ། དེ་ལ་དགེ་བ་མེད་པའི་ཕྱིར་རོ། །རིགས་ཀྱི་བུ་དཔེར་ན་དུག་སྨན་གྱི་སྡོང་པོ་སྨན་གྱི་རྒྱལ་པོ་ཆེན་པོ་ནི་དར་བའམ། བུ་རམ་མམ། ཞུན་མར་རམ། འོ་མའམ། ཆུ་དང་སྦྱར་རམ། ཕྱེའམ། ལྡེ་གུའམ། ཐུག་པར་བྱས་སམ། ཁ་བསྐུས་
D120.054.0128a05.01སམ། དུད་པས་བདུགས་སམ། མིག་བསྐུས་སམ། དྲི་ཚོར་རམ། མཐོང་ངམ། རེག་པར་གྱུར་ཀྱང་རུང་སྟེ། སེམས་ཅན་ཐམས་ཅད་ཀྱི་ནད་སེལ་བར་བྱེད་ལ། ཤིང་ལྗོན་པ་དེ་འདི་སྙམ་དུ་བདག་གི་ལོ་མ་ཁྱེར་ན་རུང་ངོ་། །རྩ་བ་ཁྱེར་ན་མི་རུང་ངོ་སྙམ་པའམ།
D120.054.0128a06.01བདག་གི་རྩ་བ་ཁྱེར་ན་རུང་ངོ་། །ལོ་མ་ཁྱེར་ན་མི་རུང་ངོ་སྙམ་པའམ། སྡོང་བུ་ཁྱེར་ན་རུང་ངོ་། །ཤུན་པགས་ཁྱེར་ན་མི་རུང་ངོ་སྙམ་པའམ། ཤུན་པགས་ཁྱེར་ན་རུང་ངོ་། །སྡོང་བུ་ཁྱེར་ན་མི་རུང་ངོ་སྙམ་དུ་མི་སེམས་ཏེ་དེ་དེ་ལྟར་སེམས་མི་སྐྱེད་མོད་ཀྱི། འོན་ཀྱང་དེ་ནི་
D120.054.0128a07.01