完整藏文原文 · 德格版页 当前仅加载第 54 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
འཛམ་བུའི་གླིང་གི་སེམས་ཅན་ཡང་ཚེ་དང་ལྡན་པ་འོད་སྲུང་དང་། གནས་བརྟན་ཀུན་དགའ་བོ་དང་། རྒྱལ་པོ་མ་སྐྱེས་དགྲ་རྣམས་མ་གཏོགས་པར་དེར་མ་འོངས་པ་སུ་ཡང་མེད་དེ། ཐ་ན་མི་གདུག་པ་དང་། སྦྲུལ་གདུག་པ་དང་། སྡིག་པ་
D120.054.0020a01.01དང་། སྡོམ་ལ་སོགས་པ་ལས་མི་བཟད་པ་བཅུ་དྲུག་བྱེད་པ་ཡན་ཆད་ཀྱང་དེར་ལྷགས་སོ། །སྦྱིན་བྱེད་མའི་བུ་དང་། ལྷ་མ་ཡིན་རྟག་ཏུ་འཁོན་གྱི་བསམ་པ་ཅན་ཐམས་ཅད་ཀྱང་སྡིག་པའི་ལས་སྤངས་ནས་གཅིག་ལ་གཅིག་བུ་དང་། མ་དང་། སྲིང་མོ་དང་འདྲ་བར་
D120.054.0020a02.01སེམས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འཁོད་པའི་སེམས་ཅན་ཐམས་ཅད་ཀྱང་གཅིག་ལ་གཅིག་བུ་གཅིག་པ་ལ་བྱ་བ་བཞིན་དུ་བྱམས་པར་བྱེད་དེ། འདོད་ཆེན་པོ་ནི་མ་གཏོགས་སོ། །མི་མཇེད་ཀྱི་འཇིག་རྟེན་གྱི་ཁམས་འདི་ཡང་དེ་
D120.054.0020a03.01བཞིན་གཤེགས་པའི་མཐུས་བོང་བ་དང་། རྡོ་དང་། གསེག་མ་དང་། རྡུ་བ་དང་། ཚེར་མ་མེད་པར་གྱུར་ཏེ། ཤིང་ལྗོན་པ་རིན་པོ་ཆེའི་འཁྲི་ཤིང་གིས་དཀྲིས་པ། མཉེན་ཞིང་རེག་ན་འཇམ་པ་དག་དང་ལྡན་ཞིང་། འཇིག་རྟེན་གྱི་ཁམས་བདེ་བ་ཅན་དང་འདྲ་བར་གྱུར་
D120.054.0020a04.01ཏོ། །སེམས་ཅན་དེར་ལྷགས་པ་ཐམས་ཅད་ཀྱིས་ཀྱང་དེ་ན་འཁོད་བཞིན་དུ། ཇི་ལྟར་མེ་ལོང་གི་ངོས་ལ་རང་གི་གཟུགས་བརྙན་སྣང་བ་བཞིན་དུ། རྡུལ་ཕྲ་རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་དང་། སངས་རྒྱས་ཀྱི་ཞིང་འབྱོར་པ་དང་ལྡན་པ་གཞན་དག་ཀྱང་
D120.054.0020a05.01མཐོང་ངོ་། །དེ་ནས་དེ་བཞིན་གཤེགས་པའི་ཞལ་ནས་འོད་ཟེར་ཁ་དོག་སྣ་ཚོགས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། བཙོད་ཀ་དང་། ཤེལ་གྱི་ཁ་དོག་ལྟ་བུ་དང་། མེ་ལྕེ་ལྟ་བུ་དག་བྱུང་བ་གང་ཡིན་པ་དེ་དག་གིས་བྱ་བ་གང་ཡིན་པ་དེ་དག་གི་བྱ་
D120.054.0020a06.01བ་ཐམས་ཅད་བྱས་ཏེ་ཕྱིར་ལོག་ནས། བཅོམ་ལྡན་འདས་ཉིད་ཀྱི་ཞལ་དུ་ཞུགས་ཏེ་མི་སྣང་བར་གྱུར་ཏོ། །འཁོར་ཐམས་ཅད་ཀྱི་འོད་ཀྱང་དེས་ཟིལ་གྱིས་གནོན་པར་གྱུར་ཏོ། །དེ་ནས་ལྷ་དང་། མི་དང་། ལྷ་མ་ཡིན་དང་བཅས་པའི་འཇིག་རྟེན་གྱིས་འོད་ཟེར་དེ་དག་བཅོམ་
D120.054.0020a07.01