完整藏文原文 · 德格版页 当前仅加载第 54 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་འཇིག་པ་ན་གཞི་གསུམ་འཇིག་པར་འགྱུར་རོ་ཞེས་ཟེར་བ་ནི་བདག་ཉིད་ཀྱི་འབྲས་བུ་འཇིག་པར་བྱེད་པ་སྟེ། སྒྲུབ་པ་ལས་ཉམས་པས་ན་དེའི་ཕྱིར་ཕ་ཞེས་བྱའོ། །བ་ཞེས་བྱ་བ་ནི་དེ་བཞིན་གཤེགས་པ་རྣམས་ཀྱི་སྟོབས་རྣམས་ཀྱི་ཚིག་{བླ་དགས་,བླ་དྭགས་}ཏེ། སྟོབས་བཅུ་
D120.054.0117b01.01དང་ལྡན་པས་ན་དེའི་ཕྱིར་བ་ཞེས་བྱའོ། །བྷ་ཞེས་བྱ་བ་ནི་བྱང་ཆུབ་སེམས་དཔའ་རྣམས་ནི་དམ་པའི་ཆོས་ཀྱི་ཁུར་ཁྱེར་བ་ཡིན་ནོ་ཞེས་བྱ་བའི་དོན་ཏེ་དེ་བས་ན་བྷ་ཞེས་བྱའོ། །མ་ཞེས་བྱ་བ་ནི་ངེས་པར་རང་གི་ཁུར་ཁྱེར་བར་བྱེད་པ་འདི་ནི་བྱང་ཆུབ་སེམས་དཔའ་རྣམས་ཀྱི་ཆོས་
D120.054.0117b02.01ལུགས་ཡིན་ཏེ་དེ་བས་ན་མ་ཞེས་བྱའོ། །ཡ་ཞེས་བྱ་བ་ནི་དོན་བཞི་པོ་རྣམས་བྱང་ཆུབ་སེམས་དཔས་བྱ་དགོས་པས་ན་དེའི་ཕྱིར་ཡ་ཞེས་བྱའོ། །ར་ཞེས་བྱ་བ་ནི་འདོད་ཆགས་དང་། ཞེ་སྡང་དང་། གཏི་མུག་གི་འཇིགས་པ་བསལ་བས་དེ་ཁོ་ན་ཉིད་ཀྱི་དོན་ལ་ཆོས་ལ་འཇུག་
D120.054.0117b03.01པས་ན་དེའི་ཕྱིར་ར་ཞེས་བྱའོ། །ལ་ཞེས་བྱ་བ་ནི་ཉན་ཐོས་ཀྱི་ཐེག་པ་ལས་གྱེན་དུ་བསྐྱོད་ནས་ཐེག་པ་ཆེན་པོ་མི་གཡོ་བ་ཉིད་བརྩམ་པར་བྱ་བ་ཡིན་པས་ན་དེའི་ཕྱིར་ལ་ཞེས་བྱའོ། །ཝ་ཞེས་བྱ་བ་ནི་འཇིག་རྟེན་ཐམས་ཅད་ཀྱི་རིག་སྔགས་དང་། གསང་སྔགས་དང་། སྨན་
D120.054.0117b04.01རྣམས་བྱང་ཆུབ་སེམས་དཔའ་མཆོག་རྣམས་ཀྱིས་བསྟན་པས་ན་དེའི་ཕྱིར་ཝ་ཞེས་བྱའོ། །ཤ་ཞེས་བྱ་བ་ནི་ཟུག་རྔུ་གསུམ་དང་བྲལ་བའི་དོན་ཏེ་དེ་བས་ན་ཤ་ཞེས་བྱའོ། །ཥ་ཞེས་བྱ་བ་ནི་ཡོངས་སུ་རྫོགས་པའི་དོན་ཏེ་མདོ་སྡེ་ཆེན་པོ་འདི་ཐོས་ན་ཤིན་ཏུ་རྒྱས་པ་ཐམས་ཅད་
D120.054.0117b05.01ཐོས་པར་འགྱུར་བས་ན་དེའི་ཕྱིར་ཥ་ཞེས་བྱའོ། །ས་ཞེས་བྱ་བ་ནི་དམ་པའི་ཆོས་དབྱུང་བའི་སེམས་ཀྱི་དོན་ཏེ་དེ་བས་ན་ས་ཞེས་བྱའོ། །ཧ་ཞེས་བྱ་བ་ནི་ཀྱེ་མ་བདག་གིས་འཁོར་བ་མཐར་གཏུགས་སོ། །ཀྱེ་མ་དེ་བཞིན་གཤེགས་པ་ཡོངས་སུ་མྱ་ངན་ལས་འདའོ་སྙམ་
D120.054.0117b06.01དུ་དགའ་བ་དང་ཡོངས་སུ་གདུང་བའི་དོན་ཏེ་དེ་བས་ན་ཧ་ཞེས་བྱའོ། །ཀྵ་ཞེས་བྱ་བ་ནི་བདུད་ཀྱི་དོན་ཏེ། བདུད་བྱེ་བ་སྙེད་ཀྱིས་ཀྱང་དགེ་འདུན་དབྱེ་བར་མི་ནུས་མོད་ཀྱི། དེ་བཞིན་གཤེགས་པ་ནི་འཇིག་རྟེན་དང་འཐུན་པར་མཛད་པ་སྟོན་ཏོ། །ཡང་ཀྵ་ཞེས་བྱ་བ་ནི་འཇིག་རྟེན་
D120.054.0117b07.01