完整藏文原文 · 德格版页 当前仅加载第 54 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
བོ། །སྐུལ་བྱེད་འཇིག་རྟེན་ན་ཨུ་དུམ་བཱ་རའི་མེ་ཏོག་བཞིན་དུ་མཛེས་པ་ནི་རྙེད་པར་དཀའོ། །དེ་བས་ཀྱང་ཆེས་དེ་བཞིན་གཤེགས་པ་འབྱུང་བ་རྙེད་པར་དཀའོ། །དེ་བས་ཀྱང་དད་པ་རྙེད་པ་ཤིན་ཏུ་དཀའོ། །དེ་བས་ཀྱང་ཆེས་ཆོས་ཐོས་པ་རྙེད་པར་དཀའོ། །དེ་
D120.054.0021b01.01བས་ཀྱང་ཆེས་དེ་བཞིན་གཤེགས་པ་ལ་ཞལ་ཟས་ཀྱི་ཐ་མ་དབུལ་བ་རྙེད་པར་དཀའོ། །དེ་བས་ན་ཞལ་ཟས་ཀྱི་ཐ་མ་སྦྱིན་པའི་ཕ་རོལ་ཏུ་ཕྱིན་པ་ཐོབ་པ་མགར་བའི་བུ་སྐུལ་བྱེད་ཁྱོད་ལ་ཕྱག་འཚལ་ལོ། །དཔེར་ན་སྟོན་ཟླ་འབྲིང་པོ་ཉ་ལ་སྤྲིན་མེད་པའི་ཚེ་ཟླ་བའི་དཀྱིལ་འཁོར་
D120.054.0021b02.01དྲི་མ་མེད་པ་མཛེས་པ་མཐོང་བ་ན་ཟླ་བ་འབའ་ཞིག་མངོན་དུ་སྣང་བ་དེ་བཞིན་དུ། ཁྱོད་ཀྱིས་ཕུལ་བའི་ཞལ་ཟས་ཀྱི་ཐ་མ་དེ་བཞིན་གཤེགས་པས་བཞེས་པས་ན་ཁྱོད་འབའ་ཞིག་སེམས་ཅན་ཐམས་ཅད་ལ་མངོན་དུ་སྣང་ངོ་། །ཁྱོད་ལ་ཡང་དང་ཡང་དུ་ཕྱག་འཚལ་ལོ། །
D120.054.0021b03.01སྐུལ་བྱེད་ཁྱོད་ནི་མིའི་ལུས་བྱེད་བཞིན་དུ་ལྷའི་ཡང་ལྷ་ཡིན་ནོ། །དེ་བཞིན་གཤེགས་པའི་སྲས་སྒྲ་གཅན་ཟིན་དང་འདྲའོ་ཞེས་བྱས་ནས་ཚིགས་སུ་བཅད་པ་འདི་དག་ཀྱང་སྨྲས་སོ། །ཁྱོད་ནི་མི་མ་ཡིན་ཏེ་ལྷ་མཆོག་ཡིན། །མི་མཆོག་གཙོ་བོ་ཁྱད་པར་འཕགས་
D120.054.0021b04.01པ་སྟེ། །དེ་ཕྱིར་ཁྱོད་ལ་གསོལ་བ་འདི་སྐད་འདེབས། །སྟོན་པ་ཡོངས་སུ་མྱ་ངན་འདའ་བར་ཆས། །བདག་ཅག་ཀུན་ལ་བརྩེ་བས་སྐུལ་བྱེད་ཁྱོད། །སྐྱེ་བོ་རྣམས་ལ་ཡུན་དུ་ཕན་པའི་ཕྱིར། །འདིར་ནི་སྟོན་པ་དཔག་མེད་མགོན་པོ་ལ། །བཞུགས་ཤིང་རྒྱུན་དུ་
D120.054.0021b05.01བདུད་རྩི་སྟོན་ཅེས་གསོལ། །སྲིད་ལས་རྣམ་གྲོལ་མྱ་ངན་འདའ་བཞེད་ལ། །གལ་ཏེ་ཁྱོད་ཀྱིས་དེ་རིང་མ་གསོལ་ན། །བདག་ཅག་ཐམས་ཅད་མ་རུང་ཤེས་པར་གྱིས། །དེ་བས་ཕན་ཕྱིར་མགོན་ལ་གསོལ་བ་ཐོབ། །དེ་ནས་ལ་ལ་ཞིག་ཕ་མ་གཉིས་ཤི་བ་ལས་
D120.054.0021b06.01ཕྱིར་སོས་ཏེ་གསོན་པོར་འདུག་པ་མཐོང་ན་མཆོག་ཏུ་དགའ་བར་གྱུར་པ་དེ་ཁོ་ན་བཞིན་དུ་མགར་བའི་བུ་སྐུལ་བྱེད་དེ་མཆོག་ཏུ་དགའ་བར་གྱུར་ནས་ལག་པ་བརྐྱང་སྟེ། བཅོམ་ལྡན་འདས་ལ་མགོ་བོས་ཕྱག་འཚལ་ནས་ལངས་ཏེ་ཚིགས་སུ་བཅད་པ་འདི་དག་སྨྲས་སོ། །
D120.054.0021b07.01