完整藏文原文 · 德格版页 当前仅加载第 54 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
འམ། བུ་མོ་ཡང་རུང་སྟེ། དེ་དག་གིས་དགོངས་ཏེ་གསུངས་པའི་མདོའི་ཚིག་སྣ་ཚོགས་ཐོས་ན་དེ་མི་སྐྲག་མི་དངང་བ་དེ་དག་ནི་སྔོན་སངས་རྒྱས་དུ་མ་ལ་བསྙེན་བཀུར་བྱེད་བྱེད་པ་ཡིན་ཏེ་དེས་ན་དེ་དག་གིས་ཐེག་པ་ཆེན་པོ་འདི་ཁོང་དུ་ཆུད་ནས་མངོན་པར་དད་པར་འགྱུར་ཏེ། བདུད་
D120.054.0082a01.01དམ། བདུད་བྱེ་བ་ཡང་རུང་དེ་དག་མཐོང་ན་ཐེག་པ་ཆེན་པོ་པ་རྣམས་སྐྲག་པར་མི་འགྱུར་ཏེ་ཅུང་ཟད་ཀྱང་ཡ་མཚན་དུ་མི་འཛིན་ཏོ། །དཔེར་ན་སྦྲུལ་འཛིན་པའི་མི་ལ་ལ་ཞིག་གིས་སྨན་གནོད་སེལ་དང་སྔགས་ཀྱི་མཐུས་སྦྲུལ་གདུག་པ་རྣམས་ཀྱི་དུག་མེད་པར་བྱེད་ལ་དེ་དག་གིས་མི་
D120.054.0082a02.01འཇིགས་པ་དེ་བཞིན་དུ་བདུད་བྱེ་བ་རྣམས་ཀྱང་ཐེག་པ་ཆེན་པོའི་མདོའི་ཚིག་གི་སྔགས་ཀྱི་གཟི་བྱིན་དང་མཐུས་རྒྱགས་པ་མེད་པར་འགྱུར་རོ། །རིགས་ཀྱི་བུ་གཞན་ཡང་ཀླུའི་སྦྲུལ་གདུག་པ་རྣམས་ཀྱི་ནི་གླང་པོ་ཆེ་དང་། སྟག་དང་། གཟིག་དང་། ཁྱི་རྣམས་ཀྱང་བལྟས་པ་ཙམ་གྱིས་
D120.054.0082a03.01སྐྲག་པར་བྱེད་དེ། ཁ་ཅིག་ནི་འཆི་བར་ཡང་འགྱུར། ཁ་ཅིག་ནི་ཤིར་དོགས་ནས་སྒྲ་ཐོས་པ་ཙམ་གྱིས་ཀྱང་འབྱེར་བར་འགྱུར་རོ། །མི་ཁ་ཅིག་ནི་ཀླུའི་སྦྲུལ་གདུག་པ་དང་། ནམ་མཁའ་ལྡིང་དང་། གླང་པོ་ཆེ་དང་། སེང་གེ་དང་། སྟག་རྣམས་ལ་ཞོན་ཏེ་རྒྱུ་བར་བྱེད་པ་ཡང་ཡོད་དོ། །
D120.054.0082a04.01མི་ཁ་ཅིག་ནི་ཀླུ་དང་། ནམ་མཁའ་ལྡིང་དང་། སེང་གེ་དང་། སྲིན་པོ་དེ་དག་མཐོང་ན་རྒྱགས་པ་མེད་པར་འགྱུར་ཏེ། མི་སྡར་མ་དེ་དང་འདྲ་བར་ཉན་ཐོས་དང་རང་སངས་རྒྱས་རྣམས་ནི་བདུད་མཐོང་ན་སྐྲག་པར་འགྱུར་ལ་བདུད་ནི་དེ་དག་གིས་འཇིགས་པ་མེད་དེ་བདུད་ཀྱི་ལས་ཀྱང་བྱེད་དོ། །
D120.054.0082a05.01ཐེག་པ་ཆེན་པོ་པ་རྣམས་ནི་བདུད་ལ་ཞོན་ཏེ་དེ་དག་གི་གཟི་བྱིན་ཆེན་པོ་དང་། སྟོབས་ཆེན་པོ་དང་། སྙིང་སྟོབས་བཏུལ་ནས་ཆོས་སྟོན་པར་བྱེད་དེ། ཀླུ་ལ་སོགས་པ་དང་འདྲ་བའི་བདུད་སྟོབས་པོ་ཆེ་དེ་དག་སྐྲག་ནས་མོད་ལ་དམ་པའི་ཆོས་ལ་དགའ་བར་འགྱུར་ཏེ། འདི་སྐད་དུ་
D120.054.0082a06.01ད་ཕྱིན་ཆད་དམ་པའི་ཆོས་ཀྱི་བར་ཆད་མི་བགྱིད་དོ་ཞེས་ཀྱང་ཟེར་རོ། །ཉན་ཐོས་ཀྱི་ཐེག་པ་པ་རྣམས་ནི་ཉོན་མོངས་པའི་རྣམ་པས་སྐྲག་གོ། །ཐེག་པ་ཆེན་པོ་པ་རྣམས་ནི་ཉོན་མོངས་པ་རྣམས་ཆུང་བར་འཛིན་ཏེ། དེ་ལྟར་ན་ཐེག་པ་ཆེན་པོ་པ་རྣམས་ནི་རྟུལ་ཕོད་པ་ཡིན་ནོ། །དེ་
D120.054.0082a07.01