完整藏文原文 · 德格版页 当前仅加载第 54 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
བུད་མེད་དེས་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་ཀྱིས་ནི་བདག་གི་སེམས་ཀྱི་རྟོག་པ་ཐུགས་སུ་ཆུད་ནས་ལྷག་ཆད་མེད་པར་བཀའ་སྩལ་ཏེ། བདག་སློབ་ཏུ་སྩལ་པ་ཁོ་ན་བཞིན་ལགས་སོ། །བཅོམ་ལྡན་འདས་བདག་གིས་དེང་བྱིས་
D120.054.0053a01.01པ་ལ་མཛུབ་མོའི་ཐོར་ཏོས་ཆབ་མར་སྩལ་པ་དྲག་པར་འགྱུར་ཏེ་དེས་ན་འདི་མ་ཞུ་བར་གྱུར་ལགས་སོ། །བཅོམ་ལྡན་འདས་ཅི་ལགས། བདག་གི་ཁྱེའུ་འདི་ཚེ་རིང་བར་འགྱུར་རམ། འོན་ཏེ་ཚེ་ཐུང་བར་གྱུར་པ་བཅོམ་ལྡན་འདས་དེ་བཞིན་གཤེགས་པས་བསྟན་དུ་གསོལ། བཀའ་
D120.054.0053a02.01སྩལ་པ། ཁྱོད་ཀྱི་བུ་འདི་བདེ་བ་དང་ལྡན་ཞིང་ཚེ་རིང་བར་འགྱུར་རོ། །དེ་ནས་བུད་མེད་དེ་མགུ་བར་གྱུར་ནས་གསོལ་པ། ཁྱོད་ཀྱི་བདེན་པའི་ཚིག་གིས་བདག་ཤིན་ཏུ་མགུ་ལགས་སོ། །དེ་ལྟར་དེ་བཞིན་གཤེགས་པ་ནི་གདུལ་བར་བྱ་བའི་དབང་ལ་གཟིགས་ཤིང་འཇུ་བ་
D120.054.0053a03.01དང་མི་འཇུ་བའི་ཉམས་སྟོབས་དང་སྦྱར་ནས་ཆོས་ཐམས་ཅད་བདག་མེད་པ་དང་། སྡུག་བསྔལ་བར་སྟོན་པར་མཛད་དོ། །གལ་ཏེ་བཅོམ་ལྡན་འདས་ཀྱིས་སྟོབས་ཆེ་ཆུང་དང་མ་སྦྱར་བར་སེམས་ཅན་རྣམས་ལ་རྟག་པའི་གསང་བ་བསྟན་པ་ལགས་ན་ཆབ་མར་མ་ཞུ་བ་དང་འདྲ་
D120.054.0053a04.01བར་སེམས་ཅན་རྣམས་ཆབ་འཚལ་བར་འགྱུར་ལགས་སོ། །བཀའ་སྩལ་པ། ཆེ་ཞེ་ལེགས་སོ་ལེགས་སོ། །རིགས་ཀྱི་བུ་མོས་ནི་དེ་ལྟར་བྱ་དགོས་སོ། །ཆེ་ཞེ་གཞན་ཡང་གང་གི་ཚེ་ཁྱོད་ཀྱི་བུ་གོམ་པ་འདོར་ནུས་པར་གྱུར་པ་དེའི་ཚེ་ཁ་ཟས་སྣུམ་པ་གང་དང་གང་བྱིན་
D120.054.0053a05.01པ་དེ་དང་དེ་འཇུ་ནུས་པར་འགྱུར་རོ། །བཅོམ་ལྡན་འདས་དེ་ནི་བཀའ་མད་དོ། །བཀའ་སྩལ་པ། ཅི་དང་པོའི་ཟས་ཀྱིས་མགུ་བར་འགྱུར་རམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། ཆེ་ཞེ་དེ་བཞིན་དུ་གང་གི་ཚེ་ངའི་ཉན་ཐོས་རྣམས་ཀྱིས་
D120.054.0053a06.01བྱིས་པ་ཆུང་ངུ་ཉུང་ངུ་ཟ་བ་དང་འདྲ་བ་དེའི་ཚེ་ང་མར་དང་འདྲ་བ་སྡུག་བསྔལ་དང་། མི་རྟག་པ་དང་སྟོང་པ་དང་བདག་མེད་པའི་དོན་དུ་སྟོན་ཏོ། །གང་གི་ཚེ་ཁྱོད་ཀྱི་བུ་སྐྱེས་པ་བཞིན་དུ་ཉན་ཐོས་ཆེན་པོར་གྱུར་ཏེ། སྟོབས་ཆེར་སྐྱེས་ཤིང་ཐེག་པ་ཆེན་པོ་འདོད་པར་གྱུར་པ་
D120.054.0053a07.01