完整巴利原文 · 稳定分页 当前仅加载第 85 阅读页；保留 Bilara 原生段落标识，每页最多 120 段。
Evampi etañca dhammamaññāya.
mnd14:215.5Atha vā sammāpaṭipadaṁ anulomapaṭipadaṁ apaccanīkapaṭipadaṁ aviruddhapaṭipadaṁ anvatthapaṭipadaṁ dhammānudhammapaṭipadaṁ sīlesu paripūrakāritaṁ indriyesu guttadvārataṁ bhojane mattaññutaṁ jāgariyānuyogaṁ satisampajaññaṁ, cattāro satipaṭṭhāne cattāro sammappadhāne cattāro iddhipāde pañcindriyāni pañca balāni satta bojjhaṅge ariyaṁ aṭṭhaṅgikaṁ maggaṁ, nibbānañca nibbānagāminiñca paṭipadaṁ dhammaṁ aññāya jānitvā tulayitvā tīrayitvā vibhāvayitvā vibhūtaṁ katvāti.
mnd14:215.6Evampi tañca dhammamaññāya.
mnd14:215.7<b>Vicinaṁ bhikkhu sadā sato sikkhe</b>ti.
mnd14:216.1<b>Vicinan</b>ti vicinanto pavicinanto tulayanto tīrayanto vibhāvayanto vibhūtaṁ karonto.
mnd14:216.2“Sabbe saṅkhārā aniccā”ti …pe…
mnd14:216.3“yaṁ kiñci samudayadhammaṁ sabbaṁ taṁ nirodhadhamman”ti vicinanto pavicinanto tulayanto tīrayanto vibhāvayanto vibhūtaṁ karontoti—
mnd14:216.4vicinaṁ bhikkhu.
mnd14:216.5<b>Sadā</b>ti sadā sabbadā sabbakālaṁ …pe…
mnd14:216.6pacchime vayokhandhe.
mnd14:216.7<b>Sato</b>ti catūhi kāraṇehi sato—
mnd14:216.8kāye kāyānupassanāsatipaṭṭhānaṁ bhāvento sato …pe…
mnd14:216.9so vuccati sato.
mnd14:216.10<b>Sikkhe</b>ti tisso sikkhāyo—
mnd14:216.11adhisīlasikkhā, adhicittasikkhā, adhipaññāsikkhā …pe…
mnd14:216.12ayaṁ adhipaññāsikkhā.
mnd14:216.13Imā tisso sikkhāyo āvajjanto sikkheyya …pe…
mnd14:216.14sikkheyya ācareyya samācareyya samādāya vatteyyāti—
mnd14:216.15vicinaṁ bhikkhu sadā sato sikkhe.
mnd14:216.16<b>Santīti nibbutiṁ ñatvā</b>ti.
mnd14:217.1Rāgassa nibbutiṁ santīti ñatvā, dosassa … mohassa …pe…
mnd14:217.2sabbākusalābhisaṅkhārānaṁ nibbutiṁ santīti ñatvā jānitvā tulayitvā tīrayitvā vibhāvayitvā vibhūtaṁ katvāti—
mnd14:217.3santīti nibbutiṁ ñatvā.
mnd14:217.4<b>Sāsane gotamassa nappamajjeyyā</b>ti.
mnd14:218.1Gotamassa sāsane buddhasāsane jinasāsane tathāgatasāsane devasāsane arahantasāsane.
mnd14:218.2<b>Nappamajjeyyā</b>ti sakkaccakārī assa sātaccakārī aṭṭhitakārī anolīnavuttiko anikkhittacchando anikkhittadhuro kusalesu dhammesu.
mnd14:218.3“Kadāhaṁ aparipūraṁ vā sīlakkhandhaṁ paripūreyyaṁ …pe…
mnd14:218.4aparipūraṁ vā samādhikkhandhaṁ …
mnd14:218.5paññākkhandhaṁ …
mnd14:218.6vimuttikkhandhaṁ …
mnd14:218.7vimuttiñāṇadassanakkhandhaṁ?
mnd14:218.8Kadāhaṁ apariññātaṁ vā dukkhaṁ parijāneyyaṁ, appahīne vā kilese pajaheyyaṁ, abhāvitaṁ vā maggaṁ bhāveyyaṁ, asacchikataṁ vā nirodhaṁ sacchikareyyan”ti?
mnd14:218.9Yo tattha chando ca vāyāmo ca ussāho ca ussoḷhī ca thāmo ca appaṭivānī ca sati ca sampajaññañca ātappaṁ padhānaṁ adhiṭṭhānaṁ anuyogo appamādo kusalesu dhammesūti—
mnd14:218.10sāsane gotamassa nappamajjeyya.
mnd14:218.11Tenāha bhagavā—
mnd14:219.1“Etañca dhammamaññāya,
mnd14:220.1Vicinaṁ bhikkhu sadā sato sikkhe;
mnd14:220.2Santīti nibbutiṁ ñatvā,
mnd14:220.3Sāsane gotamassa nappamajjeyyā”ti.
mnd14:220.4<b>Abhibhū hi so anabhibhūto,</b>
mnd14:221.1<b>Sakkhidhammamanītihamaddasi;</b>
mnd14:221.2<b>Tasmā hi tassa bhagavato sāsane,</b>
mnd14:221.3<b>Appamatto sadā namassamanusikkhe.</b>
mnd14:221.4(Iti bhagavā.)
mnd14:221.5<b>Abhibhū hi so anabhibhūto</b>ti.
mnd14:222.1<b>Abhibhū</b>ti rūpābhibhū saddābhibhū gandhābhibhū rasābhibhū phoṭṭhabbābhibhū dhammābhibhū, anabhibhūto kehici kilesehi, abhibhosi ne pāpake akusale dhamme saṅkilesike ponobhavike sadare dukkhavipāke āyatiṁ jātijarāmaraṇiyeti—
mnd14:222.2abhibhū hi so anabhibhūto.
mnd14:222.3<b>Sakkhidhammamanītihamaddasī</b>ti.
mnd14:223.1<b>Sakkhidhamman</b>ti na itihitihaṁ na itikiriyāya na paramparāya na piṭakasampadāya na takkahetu na nayahetu na ākāraparivitakkena na diṭṭhinijjhānakkhantiyā sāmaṁ sayamabhiññātaṁ attapaccakkhadhammaṁ addasi addakkhi apassi paṭivijjhīti—
mnd14:223.2sakkhidhammamanītihamaddasi.
mnd14:223.3<b>Tasmā hi tassa bhagavato sāsane</b>ti.
mnd14:224.1<b>Tasmā</b>ti tasmā taṅkāraṇā taṁhetu tappaccayā taṁnidānā.
mnd14:224.2<b>Tassa bhagavato sāsane</b>ti.
mnd14:224.3Tassa bhagavato sāsane gotamasāsane buddhasāsane jinasāsane tathāgatasāsane devasāsane arahantasāsaneti—
mnd14:224.4tasmā tassa bhagavato sāsane.
mnd14:224.5<b>Appamatto sadā namassamanusikkhe (iti bhagavā)</b>ti.
mnd14:225.1<b>Appamatto</b>ti sakkaccakārī …pe…
mnd14:225.2appamādo kusalesu dhammesu.
mnd14:225.3<b>Sadā</b>ti sadā sabbakālaṁ …pe…
mnd14:225.4pacchime vayokhandhe.
mnd14:225.5<b>Namassan</b>ti kāyena vā namassamāno vācāya vā namassamāno cittena vā namassamāno anvatthapaṭipattiyā vā namassamāno dhammānudhammapaṭipattiyā vā namassamāno sakkurumāno garukurumāno mānayamāno pūjayamāno apacayamāno.
mnd14:225.6<b>Anusikkhe</b>ti tisso sikkhāyo—
mnd14:225.7adhisīlasikkhā, adhicittasikkhā, adhipaññāsikkhā …pe…
mnd14:225.8ayaṁ adhipaññāsikkhā.
mnd14:225.9Imā tisso sikkhāyo āvajjanto sikkheyya …pe…
mnd14:225.10sacchikātabbaṁ sacchikaronto sikkheyya careyya ācareyya samācareyya samādāya vatteyya.
mnd14:225.11<b>Bhagavā</b>ti gāravādhivacanaṁ …pe… sacchikā paññatti yadidaṁ bhagavāti—
mnd14:225.12appamatto sadā namassamanusikkhe.
mnd14:225.13(Iti bhagavā.)
mnd14:225.14Tenāha bhagavā—
mnd14:226.1“Abhibhū hi so anabhibhūto,
mnd14:227.1Sakkhidhammamanītihamaddasi;
mnd14:227.2Tasmā hi tassa bhagavato sāsane,
mnd14:227.3Appamatto sadā namassamanusikkhe”.
mnd14:227.4(Iti bhagavāti.)
mnd14:227.5Tuvaṭakasuttaniddeso cuddasamo.
mnd14:228.1