完整巴利原文 · 稳定分页 当前仅加载第 92 阅读页；保留 Bilara 原生段落标识，每页最多 120 段。
<b>Mānañca parijāneyyā</b>ti.
mnd15:108.1Mānaṁ tīhi pariññāhi parijāneyya—
mnd15:108.2ñātapariññāya ,
mnd15:108.3tīraṇapariññāya ,
mnd15:108.4pahānapariññāya.
mnd15:108.5Katamā ñātapariññā?
mnd15:108.6Mānaṁ jānāti ayaṁ ekavidhena māno—
mnd15:108.7yā cittassa unnati.
mnd15:108.8Ayaṁ duvidhena māno—
mnd15:108.9attukkaṁsanamāno paravambhanamāno …pe…
mnd15:108.10ayaṁ dasavidhena māno—
mnd15:108.11idhekacco mānaṁ janeti jātiyā vā gottena vā …pe… aññataraññatarena vā vatthunāti jānāti passati—
mnd15:108.12ayaṁ ñātapariññā.
mnd15:108.13Katamā tīraṇapariññā?
mnd15:109.1Etaṁ ñātaṁ katvā mānaṁ tīreti aniccato dukkhato …pe…
mnd15:109.2nissaraṇato tīreti—
mnd15:109.3ayaṁ tīraṇapariññā.
mnd15:109.4Katamā pahānapariññā?
mnd15:110.1Evaṁ tīrayitvā mānaṁ pajahati vinodeti byantiṁ karoti anabhāvaṁ gameti—
mnd15:110.2ayaṁ pahānapariññā.
mnd15:110.3<b>Mānañca parijāneyyā</b>ti mānaṁ imāhi tīhi pariññāhi parijāneyyāti—
mnd15:110.4mānañca parijāneyya.
mnd15:110.5<b>Sāhasā virato care</b>ti.
mnd15:111.1Katamā sāhasā cariyā?
mnd15:111.2Rattassa rāgacariyā sāhasā cariyā ,
mnd15:111.3duṭṭhassa dosacariyā sāhasā cariyā ,
mnd15:111.4mūḷhassa mohacariyā sāhasā cariyā ,
mnd15:111.5vinibaddhassa mānacariyā sāhasā cariyā ,
mnd15:111.6parāmaṭṭhassa diṭṭhicariyā sāhasā cariyā ,
mnd15:111.7vikkhepagatassa uddhaccacariyā sāhasā cariyā ,
mnd15:111.8aniṭṭhaṅgatassa vicikicchācariyā sāhasā cariyā ,
mnd15:111.9thāmagatassa anusayacariyā sāhasā cariyā—
mnd15:111.10ayaṁ sāhasā cariyā.
mnd15:111.11<b>Sāhasā virato care</b>ti sāhasā cariyāya ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyya careyya vicareyya iriyeyya vatteyya pāleyya yapeyya yāpeyyāti—
mnd15:111.12sāhasā virato care.
mnd15:111.13Tenāha bhagavā—
mnd15:112.1“Mosavajje na niyyetha,
mnd15:113.1rūpe snehaṁ na kubbaye;
mnd15:113.2Mānañca parijāneyya,
mnd15:113.3sāhasā virato care”ti.
mnd15:113.4<b>Purāṇaṁ nābhinandeyya,</b>
mnd15:114.1<b>nave khantiṁ na kubbaye;</b>
mnd15:114.2<b>Hīyamāne na soceyya,</b>
mnd15:114.3<b>ākāsaṁ na sito siyā.</b>
mnd15:114.4<b>Purāṇaṁ nābhinandeyyā</b>ti.
mnd15:115.1Purāṇaṁ vuccati atītā rūpavedanāsaññāsaṅkhāraviññāṇā.
mnd15:115.2Atīte saṅkhāre taṇhāvasena diṭṭhivasena nābhinandeyya nābhivadeyya na ajjhoseyya, abhinandanaṁ abhivadanaṁ ajjhosānaṁ gāhaṁ parāmāsaṁ abhinivesaṁ pajaheyya vinodeyya byantiṁ kareyya anabhāvaṁ gameyyāti—
mnd15:115.3purāṇaṁ nābhinandeyya.
mnd15:115.4<b>Nave khantiṁ na kubbaye</b>ti.
mnd15:116.1Navā vuccati paccuppannā rūpavedanāsaññāsaṅkhāraviññāṇā.
mnd15:116.2Paccuppanne saṅkhāre taṇhāvasena diṭṭhivasena khantiṁ na kareyya chandaṁ na kareyya pemaṁ na kareyya rāgaṁ na kareyya na janeyya na sañjaneyya na nibbatteyya nābhinibbatteyyāti—
mnd15:116.3nave khantiṁ na kubbaye.
mnd15:116.4<b>Hīyamāne na soceyyā</b>ti.
mnd15:117.1Hīyamāne hāyamāne parihāyamāne vemāne vigacchamāne antaradhāyamāne na soceyya na kilameyya na parāmaseyya na parideveyya na urattāḷiṁ kandeyya na sammohaṁ āpajjeyya.
mnd15:117.2Cakkhusmiṁ hīyamāne hāyamāne parihāyamāne vemāne vigacchamāne antaradhāyamāne,
mnd15:117.3sotasmiṁ …pe…
mnd15:117.4ghānasmiṁ …
mnd15:117.5jivhāya …
mnd15:117.6kāyasmiṁ …
mnd15:117.7rūpasmiṁ …
mnd15:117.8saddasmiṁ …
mnd15:117.9gandhasmiṁ …
mnd15:117.10rasasmiṁ …
mnd15:117.11phoṭṭhabbasmiṁ …
mnd15:117.12kulasmiṁ …
mnd15:117.13gaṇasmiṁ …
mnd15:117.14āvāsasmiṁ …
mnd15:117.15lābhasmiṁ …
mnd15:117.16yasasmiṁ …
mnd15:117.17pasaṁsāya …
mnd15:117.18sukhasmiṁ …
mnd15:117.19cīvarasmiṁ …
mnd15:117.20piṇḍapātasmiṁ …
mnd15:117.21senāsanasmiṁ …
mnd15:117.22gilānapaccayabhesajjaparikkhārasmiṁ hīyamāne hāyamāne parihāyamāne vemāne vigacchamāne antaradhāyamāne na soceyya na kilameyya na parāmaseyya na parideveyya na urattāḷiṁ kandeyya na sammohaṁ āpajjeyyāti—
mnd15:117.23hīyamāne na soceyya.
mnd15:117.24<b>Ākāsaṁ na sito siyā</b>ti.
mnd15:118.1Ākāsaṁ vuccati taṇhā.
mnd15:118.2Yo rāgo sārāgo …pe… abhijjhā lobho akusalamūlaṁ.
mnd15:118.3Kiṅkāraṇā ākāsaṁ vuccati taṇhā?
mnd15:118.4Yāya taṇhāya rūpaṁ ākassati samākassati gaṇhāti parāmasati abhinivisati,
mnd15:118.5vedanaṁ …pe…
mnd15:118.6saññaṁ …
mnd15:118.7saṅkhāre …
mnd15:118.8viññāṇaṁ …
mnd15:118.9gatiṁ …
mnd15:118.10upapattiṁ …
mnd15:118.11paṭisandhiṁ …
mnd15:118.12bhavaṁ …
mnd15:118.13saṁsāraṁ …
mnd15:118.14vaṭṭaṁ ākassati samākassati gaṇhāti parāmasati abhinivisati;
mnd15:118.15taṅkāraṇā ākāsaṁ vuccati taṇhā.
mnd15:118.16<b>Ākāsaṁ na sito siyā</b>ti.
mnd15:118.17Taṇhānissito na siyā.
mnd15:118.18Taṇhaṁ pajaheyya vinodeyya byantiṁ kareyya anabhāvaṁ gameyya, taṇhāya ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti—
mnd15:118.19ākāsaṁ na sito siyā.
mnd15:118.20Tenāha bhagavā—
mnd15:119.1“Purāṇaṁ nābhinandeyya,
mnd15:120.1nave khantiṁ na kubbaye;
mnd15:120.2Hīyamāne na soceyya,
mnd15:120.3ākāsaṁ na sito siyā”ti.
mnd15:120.4<b>Gedhaṁ brūmi mahoghoti,</b>
mnd15:121.1<b>ājavaṁ brūmi jappanaṁ;</b>
mnd15:121.2<b>Ārammaṇaṁ pakampanaṁ,</b>
mnd15:121.3<b>kāmapaṅko duraccayo.</b>
mnd15:121.4<b>Gedhaṁ brūmi mahoghotī</b>ti.
mnd15:122.1Gedho vuccati taṇhā.
mnd15:122.2Yo rāgo sārāgo …pe… abhijjhā lobho akusalamūlaṁ.
mnd15:122.3Mahogho vuccati taṇhā.
mnd15:122.4Yo rāgo sārāgo …pe… abhijjhā lobho akusalamūlaṁ.
mnd15:122.5<b>Gedhaṁ brūmi mahoghotī</b>ti.
mnd15:122.6Gedhaṁ “mahogho”ti brūmi ācikkhāmi desemi paññāpemi paṭṭhapemi vivarāmi vibhajāmi uttānīkaromi pakāsemīti—
mnd15:122.7gedhaṁ brūmi mahoghoti.
mnd15:122.8<b>Ājavaṁ brūmi jappanan</b>ti.
mnd15:123.1Ājavā vuccati taṇhā.
mnd15:123.2Yo rāgo sārāgo …pe… abhijjhā lobho akusalamūlaṁ.
mnd15:123.3Jappanāpi vuccati taṇhā.
mnd15:123.4Yo rāgo sārāgo …pe… abhijjhā lobho akusalamūlaṁ.
mnd15:123.5<b>Ājavaṁ brūmi jappanan</b>ti ājavaṁ “jappanā”ti brūmi ācikkhāmi …pe… uttānīkaromi pakāsemīti—
mnd15:123.6ājavaṁ brūmi jappanaṁ.
mnd15:123.7