完整藏文原文 · 德格版页 当前仅加载第 9 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་དང་། འཇིག་རྟེན་རྣམས་ཀྱི་ཕར་གྱུར་པ་ཁྱོད་ཀྱིས་འགྲོ་བ་ཕྱུང་བ་མ་ལགས་སམ། འོ་ན་བདག་ཅག་གི་འཁོར་དུ་གཏོགས་པ་ས་ལ་རྒྱུ་བ་ཞིག་མཆིས་ཏེ། དེ་ལྗོན་ཤིང་གི་གནས་ནས་བསྐྲད་པར་འགྱུར་གྱིས། གྲོང་ཁྱེར་ཤིང་ནྱ་གྲོ་དྷ་ཅན་དེར་
D5.009.0028a01.01བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷས་བུ་རྙེད་པར་འགྱུར་བར་སྤྲོ་བ་བསྐྱེད་དུ་གསོལ། དེས་འདི་སྙམ་དུ་བདག་གིས་སུ་ལ་ཡང་བུའམ་བུ་མོ་སྦྱིན་པར་མི་ནུས་ན། གལ་ཏེ་བདག་གིས་བུ་དང་བུ་མོ་སྦྱིན་པར་མི་ནུས་སོ་ཞེས་སྨྲས་ན་ནི་བདག་གི་མིང་གང་ཚངས་པ་དང་། ཚངས་པ་ཆེན་པོ་
D5.009.0028a02.01དང་། དབང་ཕྱུག་དང་། བྱེད་པ་པོ་དང་། འབྱིན་པ་པོ་དང་། སྤྲུལ་པ་པོ་ཞེས་བྱ་བའི་མིང་དེར་ཡང་མི་འགྱུར་རོ། །འོན་ཏེ་བུའམ་བུ་མོ་སྦྱིན་ནོ་ཞེས་སྨྲས་ན་ནི་གང་གི་ཚེ་བདག་ལ་དབང་མེད་ན་ཇི་ལྟར་སྦྱིན་པར་བྱ་སྙམ་དུ་དེ་ལྟར་བསམས་ཏེ། ལྷའི་དབང་པོ་བརྒྱ་བྱིན་ལ་
D5.009.0028a03.01གསང་སྟེ་སྨྲས་པ། ཀཽ་ཤི་ཀ་ཁོ་བོ་ནི་འཇིག་རྟེན་གྱིས་མ་ཕྱུང་ལ། ཁོ་བོས་ཀྱང་འཇིག་རྟེན་མ་ཕྱུང་ངོ་། །དེས་སྨྲས་པ། ཚངས་པ་ཆེན་པོ་གལ་ཏེ་དེ་ལྟ་ལགས་ན། འོན་ཀྱང་རང་གི་གནས་སུ་གཟིགས་ལ། གལ་ཏེ་འཆི་བའི་ཆོས་ཅན་འགའ་ཞིག་མཆིས་ན་དེ་བྲམ་ཟེ་
D5.009.0028a04.01ཤིང་སཱ་ལ་ཆེན་པོའི་ཁྱིམ་དེར་ཉིང་མཚམས་སྦྱོར་བ་ལེན་དུ་སྩོལ་ཅིག །ཚངས་པས་སྨྲས་པ། ཀཽ་ཤི་ཀ་ཅིའི་ཕྱིར་ཁྱོད་རང་གི་གནས་སུ་མི་ལྟ། བརྒྱ་བྱིན་གྱིས་སྨྲས་པ། གནས་འདི་ན་ནི་ལྷ་རྣམས་དབང་ཆུང་བར་གྲགས་པ་ལགས་ལ། བྲམ་ཟེ་དེ་ནི་དབང་ཆེ་བར་གྲགས་
D5.009.0028a05.01པ་ལགས་པས། དེར་དབང་ཆུང་བར་གྲགས་པ་ཉིད་ཀྱིས་ཉིང་མཚམས་སྦྱོར་བ་ལེན་པར་མི་བཟོད་དོ། །དེ་ནས་ཚངས་པས་གནང་ནས་རང་གི་གནས་སུ་སོན་ན། དེ་ན་ཚངས་པ་ཞིག་ཚེ་ཟད་དེ་སྔ་ལྟས་བྱུང་བ་མཐོང་ནས་དེས་དེ་ལ་སྨྲས་པ། གྲོགས་པོ་གལ་ཏེ་ཁྱོད་སྡུག་པའི་
D5.009.0028a06.01གནས་ནས་འཆི་འཕོ་བར་བྱེད་ན་ཉིང་མཚམས་སྦྱོར་བར་འདྲས། དེའི་ཕྱིར་གྲོང་ཁྱེར་ཤིང་ནྱ་གྲོ་དྷ་ཅན་དུ་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷའི་ཁྱིམ་དུ་ཉིང་མཚམས་སྦྱོར་བ་ལོང་ཤིག་དང་ཁྱོད་ཡོ་བྱད་དག་གིས་མི་བྲེལ་བར་འགྱུར་རོ། །དེ་སྙིང་མི་དགའ་ནས་སླར་སྨྲས་པ། ཚངས་
D5.009.0028a07.01