完整藏文原文 · 德格版页 当前仅加载第 9 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཚུལ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་པ་མཛད་ནས་དགེ་སློང་མའི་དགེ་འདུན་ལ་བཀའ་
D5.009.0089a01.01སྩལ་པ། དགེ་སློང་མ་དག་དེ་ལྟ་བས་ན་ངས་ཕན་ཡོན་བཅུ་པོ་འདི་ལྟ་སྟེ། དགེ་འདུན་བསྡུ་བར་བྱ་བའི་ཕྱིར་དང་ཞེས་བྱ་བ་ནས། ཡང་དག་པར་གཟིགས་ནས་འདུལ་བ་ལ་ཉན་ཐོས་མ་རྣམས་ཀྱི་བསླབ་པའི་གཞི་བཅའ་བར་བྱའོ་ཞེས་བྱ་བ་བསླབ་པ་བཅས་པའི་བར་དུ་
D5.009.0089a02.01བརྗོད་པར་བྱའོ། །ཡང་དགེ་སློང་མ་གང་བུད་མེད་ལ་སྐྱེས་པའི་ཚིག་གམ། སྐྱེས་པ་ལ་བུད་མེད་ཀྱི་ཚིག་གིས་ཆུང་མ་ཉིད་དམ། མཛའ་ན་མོ་ཉིད་དུ་སྨྱན་བྱེད་ན། ཐ་ན་ཐང་འགའ་ཕྲད་པ་ཡང་རུང་སྟེ་ཆོས་ཉིད་འདི་ནི་དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་
D5.009.0089a03.01དང་བཅས་པ་སྟེ་དགེ་འདུན་ལྷག་མར་འགྱུར་རོ། །ཡང་དགེ་སློང་མ་གང་ཞེས་བྱ་བ་ནི་དགེ་སློང་མ་བཅུ་གཉིས་སྡེའོ། །བུད་མེད་ལ་སྐྱེས་པའི་ཚིག་གམ། སྐྱེས་པ་ལ་བུད་མེད་ཀྱི་ཚིག་གིས་བྱ་བ་ནི་བུད་མེད་ཀྱི་ཚིག་སྐྱེས་པ་ལ་བརྗོད་ནས་སམ། སྐྱེས་པའི་ཚིག་བུད་
D5.009.0089a04.01མེད་ལ་བརྗོད་ནས་སོ། །ཆུང་མ་ཉིད་ཅེས་བྱ་བ་ནི་ཆུང་མ་བདུན་པོ་ཆུ་ཚིགས་ཀྱིས་བྱིན་པ་དང་། རིན་ཆས་ཉོས་པ་དང་། བཙན་ཕྲོགས་སུ་ཐོབ་པ་དང་། དང་སམ་དུ་འདུས་པ་དང་། གོས་ཟས་ཀྱིས་འཚོས་པ་དང་། ཁ་དུམ་པ་དང་། བདུན་པ་ནི་ཐང་འགའ་
D5.009.0089a05.01ཕྲད་པའོ། །དེ་ལ་ཆུ་ཚིགས་ཀྱིས་བྱིན་པ་གང་ཞེ་ན། བུད་མེད་དམ། གཞོན་ནུ་མ་གང་ཕ་མ་དག་གིས་སྐྱེས་པ་ལ་འདི་ནི་ཁྱོད་ཀྱི་ཆུང་མ་སྐྱེ་དགུའི་བདག་མོ་བྱོས་ཤིག་ཅེས་སྐྱོར་ཆུས་བྱིན་ཞིང་། དེ་དེའི་ཆུང་མ་སྐྱེ་དགུའི་བདག་མོར་གྱུར་ནས། དེས་དེ་འདི་ལ་
D5.009.0089a06.01གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ། ཤིན་ཏུ་བསྲུངས་པ། སྦས་པ། ཤིན་ཏུ་སྦས་པ་དེ་ནི་ཆུ་ཚིགས་ཀྱིས་བྱིན་པ་ཞེས་བྱའོ། །རིན་ཆས་ཉོས་པའི་ཆུང་མ་གང་ཞེ་ན། བུད་མེད་དམ། གཞོན་ནུ་མ་གང་སྐྱེས་པས་འདི་ནི་བདག་
D5.009.0089a07.01