完整藏文原文 · 德格版页 当前仅加载第 9 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཞེས་བྱ་བ་ནི་བློ་གྲོས་མཐུན་པར་བྱས་པའོ། །དེའི་འོག་ཏུ་ཞེས་བྱ་བ་ནི་དུས་གཞན་ནའོ། །འདི་སྐད་ཅེས་ཟེར་ན་ཞེས་བྱ་བ་ནི་སྨྲ་ནའོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་མའི་དགེ་འདུན་གྱིའོ། །རྙེད་པ་ཞེས་བྱ་བ་ལ་རྙེད་པ་ནི་གཉིས་
D5.009.0208b01.01ཏེ། ཟང་ཟིང་གི་རྙེད་པ་དང་། གོས་ཀྱི་རྙེད་པ་སྟེ། དོན་འདི་ལ་ནི་གོས་ཀྱི་རྙེད་པ་ཡིན་པར་དགོངས་སོ། །བཤེས་ངོར་ཞེས་བྱ་བ་ལ་གང་གི་བཤེས་གང་ཡིན་ཞེ་ན། ལྷན་ཅིག་གནས་པའི་བཤེས་པ་ནི་མཁན་མོ་ཡིན་ལ། མཁན་མོའི་ནི་ལྷན་ཅིག་གནས་པ་
D5.009.0208b02.01ཡིན་ནོ། །ཉེ་གནས་ཀྱི་ནི་སློབ་དཔོན་ཡིན་ལ། སློབ་དཔོན་གྱི་ཡང་ཉེ་གནས་ཡིན་ནོ། །འགྲོགས་བཤེས་ཀྱི་ཡང་འགྲོགས་བཤེས་ཡིན་ནོ། །སྨོས་འདྲིན་གྱི་ཡང་སྨོས་འདྲིན་ཡིན་ནོ། །གནས་གཅིག་པའི་ཡང་གནས་གཅིག་པ་ཡིན་ནོ། །སྔོན་ཞེས་བྱ་བ་ནི་སྒྱུར་ནའོ། །
D5.009.0208b03.01གང་ཟག་ལ་ཞེས་བྱ་བ་ནི་གང་ཟག་ལ་སྦྱིན་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དེ་དགེ་སློང་མས་ཇི་ཙམ་དུ་སྔར་ལེགས་པར་རུང་བར་བྱས་ནས་དེའི་འོག་ཏུ་དགེ་སློང་མ་རྣམས་ལ་འདི་སྐད་ཅེས་དགེ་སློང་མས་བཤེས་
D5.009.0208b04.01ངོར་དགེ་འདུན་གྱི་རྙེད་པར་བསྔོས་པ་གང་ཟག་གིར་སྒྱུར་བར་བྱེད་དོ། །ཞེས་ཟེར་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་བདེན་པ་ཁོ་ན་ཡིན་ན་ལྟུང་བ་མེད་དོ། །ལྟུང་བྱེད་དགུ་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེའི་ཚེ་དགེ་སློང་མ་
D5.009.0208b05.01བཅུ་གཉིས་སྡེ་རྣམས་སོ་སོར་ཐར་པའི་མདོ་གདོན་པ་འདོན་པ་ན་འདི་སྐད་ཅེས་ཕུ་ནུ་མོ་དག་ཇི་ཙམ་གྱིས་དགེ་སློང་མ་རྣམས་འགྱོད་པ་དང་། ཡིད་ལ་གཅགས་པ་དང་། ཡིད་མི་བདེ་བ་དང་། གནོད་པ་དང་། གདུང་བར་འགྱུར་བའི་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་གང་
D5.009.0208b06.01ལ་གཞི་ཡང་མངོན་ལ། གང་ཟག་དང་། གྲོང་དང་། ཞིང་ཡང་མངོན་པ་དེ་དག་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་བཏོན་པས་ཅི་ཞིག་བྱ་ཞེས་སྨྲས་པ་ན་དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་
D5.009.0208b07.01