完整藏文原文 · 德格版页 当前仅加载第 9 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
སྲོག་ཆགས་ནི་གཉིས་ཏེ། གང་དག་མིག་ལམ་དུ་སྣང་བ་དང་། གང་དག་ཆུ་ཚགས་ཀྱིས་ཟིན་པར་འགྱུར་བའོ། །སྤྱོད་ན་ཞེས་བྱ་བ་ལ་སྤྱོད་པ་ནི་གཉིས་ཏེ། ནང་དང་ཕྱིའིའོ། །ཕྱིའི་ནི་ཁྲུས་བྱེད་པ་དང་། ཆག་ཆག་དང་། གོས་ལ་སོགས་པའི་བཀྲུ་བཤལ་དང་། སྲེ་བ་དང་། འཚོད་
D5.009.0227b01.01པར་བྱེད་པ་དང་། བྱེད་དུ་འཇུག་པ་སྟེ། འདི་ནི་ཕྱིའི་སྤྱོད་པ་ཞེས་བྱའོ། །སོ་ཤིང་བཅའ་བ་དང་། བཏུང་བ་ཡང་ངོ་། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་སྲོག་ཆགས་དང་བཅས་པའི་ཆུ་ལ་སྲོག་ཆགས་དང་བཅས་པའི་
D5.009.0227b02.01ཆུར་འདུ་ཤེས་ནས་གཉིས་པོ་གང་ཡང་རུང་བར་སྤྱོད་ན་ལྟུང་བྱེད་དོ། །དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ། །དགེ་སློང་མས་སྲོག་ཆགས་མེད་པའི་ཆུ་ལ་སྲོག་ཆགས་དང་བཅས་པར་འདུ་ཤེས་ནས་གཉིས་པོ་གང་ཡང་རུང་བར་སྤྱོད་པར་བྱེད་ན་ཉེས་བྱས་སོ། །དེ་བཞིན་དུ་ཡིད་
D5.009.0227b03.01གཉིས་ཟ་ན་ཉེས་བྱས་སོ། །དེ་བཞིན་དུ་སྲོག་ཆགས་དང་བཅས་པའི་ཡལ་ག་དང་། ལོ་མ་དང་། འབྲས་བུ་ལ་སོགས་པ་ལ་ཡང་བརྗོད་པར་བྱའོ། །ལྟུང་བྱེད་གསུམ་པའི་དྲུག་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེའི་ཚེ་སྤོས་འཚོང་གི་ཁྱེའུ་ཆུང་
D5.009.0227b04.01མ་བླངས་ནས་རིང་པོར་མ་ལོན་པ་ཞིག་ཡོད་པ་དེ་ནུབ་མོ་བསྲུང་བའི་ཕྱིར་ཚོང་ཁང་དུ་འདུག་ནས། དེ་ནང་བར་གྱི་དུས་སུ་ཚོང་ཁང་གི་སྒོ་བཅད་དེ་ཁྱིམ་དུ་ཆས་པ་དེ་སྦོམ་དགའ་མོ་སྤྱོད་ཡུལ་དུ་ཞུགས་པས་མཐོང་ངོ་། །མཐོང་ནས་ཀྱང་ཨེ་མའོ་ཁྱེའུ་དེ་ནི་འདོད་ཆགས་ཀྱི་སེམས་ཀྱིས་
D5.009.0227b05.01ཁྱིམ་དུ་སོང་ངོ་སྙམ་དུ་རིག་ནས་དེ་ནས་དེ་རིངས་པར་སོང་སྟེ་ཚོང་པའི་ཁྱེའུ་དེའི་ཁྱིམ་དུ་ཞུགས་ཏེ། སྟན་ལ་འདུག་ནས་བསྡད་དོ། །དེ་ནས་ཚོང་པའི་ཁྱེའུ་དེ་ཁྱིམ་དུ་འོངས་ནས་ཆུང་མ་ལ་བལྟ་བར་བརྩམས་པ་དང་། དེས་འདི་སྐད་ཅེས་སྨྲས་སོ། །རྗེའི་སྲས་འཕགས་མ་
D5.009.0227b06.01སྡོད་ཅིང་བཞུགས་སོ། །དེ་ནས་ཁྱེའུ་དེས་སྦོམ་དགའ་མོ་མཐོང་ནས་ཤཱཀྱའི་སྲས་ཀྱི་དགེ་སྦྱོང་མ་རྣམས་ཀྱི་དགེ་སྦྱོང་གི་ཚུལ་དང་། ཚངས་པའི་ཚུལ་ཚིག་པ་ཡིན་ཏེ། གང་གི་ཕྱིར་འདི་ལྟར་རང་གི་ཆུང་མ་དང་ལྷན་ཅིག་དབེན་པ་ན་འདུག་པའི་སྐབས་ཀྱང་མི་རྙེད་དོ་
D5.009.0227b07.01