完整藏文原文 · 德格版页 当前仅加载第 9 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
གླེང་གཞི་ནི་མཉན་ཡོད་ནའོ། །གང་གི་ཚེ་དགའ་སྡེ་གཉིས་ལས་གླེངས་ནས་དེ་ནས་བྲམ་ཟེའི་དགའ་སྡེ་རྣམས་གླུའི་ཆེད་དུ་སྦོམ་དགའ་མོ་གང་ན་བ་དེར་དོང་སྟེ་ཞེས་བྱ་བ་ནས། འཕགས་མ་བདག་ཅག་ལ་ཡང་གླུ་སློབས་ཤིག་ཅེས་བྱ་བའི་བར་རོ། །དེ་ཡང་དྲུག་ལྡན་དང་
D5.009.0311a01.01ཞེས་བྱ་བ་ནས། ཤེས་གསལ་ཞེས་བྱ་བ་དང་། ཀཻ་ཤི་ཀེ་ཞེས་བྱ་བ་དང་། ས་འཛིན་པ་དག་གི་བར་དེ་ལྟ་བུ་རོལ་མོའི་དབྱངས་བདུན་རྒྱས་པར་བསླབས་པ་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གླུ་སློབ་ཏུ་འཇུག་ན་ལྟུང་བྱེད་དོ། །ཡང་གང་ཞེས་
D5.009.0311a02.01བྱ་བ་ནི་སྦོམ་དགའ་མོའོ། །གླུ་ཞེས་བྱ་བ་ནི་ཁར་འབྱིན་པའོ། །སློབ་ཏུ་འཇུག་ན་ཞེས་བྱ་བ་ནི་སྟོན་པར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གླུ་སློབ་ཏུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་
D5.009.0311a03.01བྱེད་ཉི་ཤུ་བདུན་པའི་བདུན་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་བཞིན་དུ་གླུ་སྟོན་པ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གླུ་སྟོན་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ལྟུང་བའི་རིམ་པ་ནི་གོང་མ་ཇི་ལྟ་བ་དེ་
D5.009.0311a04.01བཞིན་དུ་རྗེས་སུ་མཐུན་པར་བྱའོ། །ལྟུང་བྱེད་ཉི་ཤུ་བདུན་པའི་བརྒྱད་པའོ།། །།གླེང་གཞི་ནི་མཉན་ཡོད་ནའོ། །དེ་བཞིན་དུ་གླུ་ལ་ལྟར་འགྲོ་བ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གླུ་ལ་ལྟར་འགྲོ་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་
D5.009.0311a05.01དགའ་མོའོ། །ལྟུང་བའི་རིམ་པ་ནི་གོང་མ་ཇི་ལྟ་བ་དེ་བཞིན་དུ་རྗེས་སུ་མཐུན་པར་བྱའོ། །ལྟུང་བྱེད་ཉི་ཤུ་བདུན་པའི་དགུ་པའོ།། །།གླེང་གཞི་ནི་མཉན་ཡོད་ནའོ། །ཞེས་བྱ་བ་ནས་རྒྱལ་རིགས་ཀྱི་དགའ་སྡེ་དག་རོལ་མོའི་ཆེད་དུ་སྦོམ་དགའ་མོ་གང་ན་བ་དེར་སོང་སྟེ་ཕྱིན་ནས་འདི་སྐད་
D5.009.0311a06.01ཅེས་སྨྲས་སོ། །འཕགས་མ་བདག་ཅག་ལ་རོལ་མོ་དག་སློབས་ཤིག་དེས་པི་བང་དང་། གླིང་བུ་དང་། རྫ་རྔ་དང་། པི་བང་རྒྱུད་གཅིག་པ་དང་། བ་བྷི་ས་ཀེ་དང་། ལྕགས་ཀྱི་སིལ་ཀྲོལ་དང་། ཤིན་ཏུ་དབྱངས་སྙན་ལ་སོགས་པ་དབྱངས་བདུན་པོ་དག་བསླབས་ནས། ཞེས་བྱ་བ་
D5.009.0311a07.01