完整藏文原文 · 德格版页 当前仅加载第 9 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱང་ངོ་མཚར་དུ་གྱུར་ཏོ། །ཉེ་དབང་པོ་བཞི་དང་། བརྒྱ་བྱིན་ཡང་ཡ་ཡ་པོར་གྱུར་ཏེ། དེ་དག་ཕན་ཚུན་དུ་འདི་ནི་བདག་གི་ཡིན་ནོ། །འདི་ནི་བདག་གི་ཡིན་ནོ་ཞེས་སྨྲ་བར་གྱུར་ཏོ། །དེ་ནས་བརྒྱ་བྱིན་གྱིས་སྨྲས་པ། བདག་ཅག་འདོད་ཆགས་
D5.009.0067a01.01ཀྱི་སྐྱོན་གྱིས་སེམས་ལྷག་པར་གདུངས་པས་ཚིགས་སུ་བཅད་པ་སྨྲ་བར་བྱེད་པ་གང་ཡིན་པ་དེའི་ཡིན་པར་འགྱུར་རོ། །དེ་དག་ལས་གཅིག་གིས་སྨྲས་པ། སློང་ཞིང་རབ་ཏུ་སློང་གྱུར་པས། །བདག་ལ་ཕྱོགས་ནི་སྣང་བ་མེད། །དེ་ལ་སེམས་ནི་གནས་གྱུར་པ། །དེ་
D5.009.0067a02.01ཕྱིར་གྲོགས་དག་འདི་འདོད་དོ། །གཉིས་པས་སྨྲས་པ། ཀྱེ་མའོ་ལྷ་དབང་གང་ཞིག་ནི། །ཚིགས་བཅད་སྨྲ་བ་དེ་རེ་བདེ། །གཡུལ་ངོའི་སྣ་ལ་རྔ་བརྡུངས་པ། །དེ་ལྟར་བདག་ནི་འདོད་ཆགས་སྐྱེས། །གསུམ་པས་སྨྲས་པ། རྔ་ཆེན་བརྡུངས་པར་གྱུར་ཀྱང་ནི། །དེ་
D5.009.0067a03.01དང་དེར་ནི་ངལ་བསོར་ཡོད། །ཆུ་ཀླུང་ཆེན་པོ་མི་བཟད་ལྟར། །དེ་ལྟར་བདག་གི་འདོད་ཆགས་སྐྱེས། །བཞི་པས་སྨྲས་པ། མི་བཟད་པ་ཡིས་ཁྱེར་གྱུར་ཀྱང་། །དེ་དང་དེར་ནི་ཐོགས་གྱུར་ཀྱང་། །ཕྱེ་མ་ལེབ་ལྟར་བདག་གི་མིག །རྟག་ཏུ་འཛུམས་པ་མེད་པར་གྱུར། །བརྒྱ་
D5.009.0067a04.01བྱིན་གྱིས་སྨྲས་པ། ཚིགས་བཅད་རབ་ཏུ་སྨྲས་པའི་ཕྱིར། །ཁྱེད་ཅག་ཐམས་ཅད་བདེ་བ་ཡིན། །བདག་ནི་ཇི་ག་འཆི་འགྱུར་བའམ། །གསོན་པར་འགྱུར་བའང་མི་ཤེས་སོ། །དེ་དག་གིས་འདི་སྙམ་དུ་ཡུལ་འདི་ནི་བརྒྱ་བྱིན་འདོད་པས་གནས་འདི་ནས་ཤི་འཕོས་ན་མི་རུང་ངོ་སྙམ་
D5.009.0067a05.01དུ་བསམས་ནས། དེ་དག་གིས་བརྒྱ་བྱིན་ལ་བྱིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དེའི་ཚེ་དེའི་དུས་ན་བྲན་མོར་གྱུར་པ་གང་ཡིན་པ་དེ་ནི་སེར་སྐྱའི་བུ་མོ་བཟང་མོ་འདི་ཡིན་ཏེ། རང་སངས་རྒྱས་དེ་ལ་བསོད་སྙོམས་རབ་ཏུ་ཕུལ་བ་དང་། རས་ཡུག་ཕུལ་བར་གྱུར་པ་
D5.009.0067a06.01ཞེས་བྱ་བའི་བར་ནས་རྒྱུ་དེས་གཟུགས་བཟང་བ་དང་མཛེས་པར་གྱུར་ཏོ། །ཡང་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ་རེ་ཞིག་ལྷའི་བུ་མོས་ཉེ་དབང་པོ་བཞི་དང་། བརྒྱ་བྱིན་ཡ་ཡ་བོར་བགྱིས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་
D5.009.0067a07.01