完整藏文原文 · 德格版页 当前仅加载第 9 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་སོ་བཟུང་བ་ལོ་བཅུ་གཉིས་ལོན་པ་མ་གསོལ་བར་ཚངས་པར་སྤྱད་པ་ཉེ་བར་གནས་
D5.009.0284b01.01པའི་སྡོམ་པ་དང་། བསྙེན་པར་རྫོགས་པར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཁྱིམ་སོ་བཟུང་བ་ལོ་བཅུ་གཉིས་ལོན་པ་ཞེས་བྱ་བ་ནི་ལོ་བཅུ་གཉིས་སུ་ཁྱིམ་ན་གནས་པར་གྱུར་པ་གང་ཡིན་པའོ། །ཚངས་པར་སྤྱད་པ་ཉེ་བར་གནས་པའི་
D5.009.0284b02.01སྡོམ་པ་ཞེས་བྱ་བ་ནི་གསོལ་བ་དང་། གཉིས་ཀྱི་ལས་ཀྱིས་སོ། །མ་གསོལ་བར་ཞེས་བྱ་བ་ནི་མ་བསླངས་པར་རོ། །བསྙེན་པར་རྫོགས་པར་བྱེད་ན་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་
D5.009.0284b03.01ཞེ་ན། དགེ་སློང་མས་ཇི་ཙམ་ཅུང་ཟད་ཁྱིམ་སོ་བཟུང་བ་ལོ་བཅུ་གཉིས་ལོན་པ་མ་གསོལ་བར་ཚངས་པར་སྤྱོད་པ་ཉེ་བར་གནས་པའི་སྡོམ་པ་དང་། བསྙེན་པར་རྫོགས་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་{བཅྭ་,བཅོ་}ལྔ་པའི་ཚིགས་སུ་བཅད་པའི་སྡོམ་
D5.009.0284b04.01རྫོགས་{སྷོ,སོ}།། །།སྡོམ་ལ། འདོད་ཆེན་སྡོམ་པ་བྱིན་པ་དང་། །སྦྲུམ་པ་དང་ནི་བསླབ་པ་དང་། །བཞག་ནས་ཕན་མི་འདོགས་པ་དང་། །བཀར་བར་བྱ་བ་ཐ་མ་ཡིན། །གླེང་གཞི་ནི་མཉན་ཡོད་ནའོ། །དེའི་ཚེ་སྦོམ་དགའ་མོས་འདོད་ཆེན་གྱི་འཁོར་བཞག་
D5.009.0284b05.01ནས་མི་འཛིན། མི་སྟོན་གདམས་ངག་མི་སྟེར་བས་དེ་དག་མ་དུལ་བ་དང་། མ་ཞི་བ་དང་། མ་སྦས་པ་དང་། མ་བསྲུངས་པར་གྱུར་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་
D5.009.0284b06.01འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་འདོད་ཆེན་གྱི་འཁོར་བཞག་ནས་རྗེས་སུ་སྐྱོང་བར་མི་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །འདོད་ཆེན་ཞེས་བྱ་བ་ནི་ཆོག་མི་ཤེས་
D5.009.0284b07.01