完整藏文原文 · 德格版页 当前仅加载第 9 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ན་ཐ་ན་བཏའ་བར་བྱ་ཞིང་གར་སོན་ཡང་ཐ་ན་བཏའ་བར་བྱ་ལ། ལྟུང་བ་དེ་ཡང་སླར་ཆོས་བཞིན་དུ་བྱའོ། །དགེ་སློང་མ་ཡོད་པ་ལ་མ་བཅོལ་བར་ཞེས་བྱ་བ་ནི་དེ་ན་ཡོད་པའི་དགེ་སློང་མ་གང་ཡིན་པའོ། །དེ་ལྟ་བུ་མ་གཏོགས་ཏེ་ཞེས་བྱ་བ་ནི་དེའི་སྲོག་གི་བར་
D5.009.0217a01.01ཆད་དུ་འགྱུར་བ་གང་ཡིན་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་འདུན་གྱི་གཙུག་ལག་ཁང་དུ་དགེ་འདུན་གྱི་ཁྲི་དང་། ཁྲིའུ་དང་། སྟན་ནང་ཚངས་ཅན་དང་ཞེས་བྱ་བ་ནས། གནས་མལ་བླ་
D5.009.0217a02.01གབ་མེད་པར་བཏིང་ངམ། འདིང་དུ་བཅུག་པ་མ་བསྡུས་སམ། སྡུད་དུ་མ་བཅུག་པར་སོང་ན་ཐམས་ཅད་དུ་ལྟུང་བྱེད་དུ་འགྱུར་རོ། །དགེ་སློང་མས་དགེ་འདུན་གྱི་གཙུག་ལག་ཁང་དུ་གནས་མལ་བླ་གབ་མེད་པར་བཏིང་ངམ། འདིང་དུ་བཅུག་ལ། གཙུག་ལག་ཁང་དུ་ཞུགས་
D5.009.0217a03.01ནས་དྲན་པ་ཉེ་བར་མ་བཞག་པ་ཉེ་བར་གཞག་པའམ། སེམས་མཉམ་པར་མ་བཞག་པ་མཉམ་པར་གཞག་པའམ། སེམས་རྣམ་པར་མ་གྲོལ་བ་རྣམ་པར་གྲོལ་བར་བྱའོ་ཞེས་ནང་དུ་ཡང་དག་བཞག་ལ་ཐུན་དང་པོ་ཕྱེད་ཁོར་ན་བྱུང་བ་ན་ཕན་ཕུན་དུ་གྱུར་ན་ལྟུང་བྱེད་དོ། །
D5.009.0217a04.01ཕན་ཕུན་དུ་མ་གྱུར་ན་ཉེས་བྱས་སོ། །དེ་བཞིན་དུ་ཐུན་དང་པོ་ལ་བྱུང་བ་ན་ཕན་ཕུན་དུ་གྱུར་ན་ལྟུང་བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །དེ་བཞིན་དུ་ཐུན་དབུ་མ་ཕྱེད་ཁོར་ན་བྱུང་བ་ན་ཕན་ཕུན་དུ་གྱུར་ན་ལྟུང་བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །དེ་བཞིན་
D5.009.0217a05.01དུ་ཐུན་དབུ་མ་ལ་བྱུང་བ་ན་ཕན་ཕུན་དུ་གྱུར་ན་ལྟུང་བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །དེ་བཞིན་དུ་ཐུན་ཐ་མ་ཕྱེད་ཁོར་ན་བྱུང་བ་ན་ཕན་ཕུན་དུ་གྱུར་ན་ལྟུང་བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །དེ་བཞིན་དུ་ཐུན་ཐ་མ་ལ་བྱུང་བ་ན་ཕན་ཕུན་དུ་གྱུར་ན་ལྟུང་
D5.009.0217a06.01བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །དེ་བཞིན་དུ་སྐྱ་རེངས་ཤར་ཀའི་དུས་ཀྱི་ཚེ་བྱུང་བ་ན་ཕན་ཕུན་དུ་གྱུར་ན་ལྟུང་བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །དེ་བཞིན་དུ་སྐྱ་རེངས་ཐ་མ་དང་། དེ་བཞིན་དུ་གླང་པོ་ཆེ་འདོན་པའི་དུས་ཀྱི་ཚེ་དང་། དེ་བཞིན་དུ་
D5.009.0217a07.01