完整藏文原文 · 德格版页 当前仅加载第 9 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེ་བར་བཞག་ནས་ན་བ་ན་རིམ་གྲོ་མི་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་གསུམ་པའི་གཉིས་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་བསམས་པ། བདག་གིས་དགེ་སློང་མ་གང་ཞིག་དབྱར་ཁང་འདི་ནས་བསྐྲད་པར་བྱ་
D5.009.0277b01.01སྙམ་པ་ལས་འདི་སྙམ་དུ་སྐྱེ་དགུའི་བདག་མོ་ཆེན་མོ་འདི་ནི་སྤོང་བ་པ་འཁོར་རྒྱ་ཆེན་པོ་ཅན་ཡིན་ནོ། །ཆོས་སྦྱིན་མ་འདི་ཡང་ལུང་འབོགས་པ་པ་འཁོར་རྒྱ་ཆེན་པོ་ཅན་ཡིན་ནོ། །གཽ་ཏ་མཱི་སྐེམ་མོ་འདི་ནི་དོན་ཉུང་བ། འཁོར་དོན་ཉུང་བ་ཅན་ཡིན་གྱིས། གཽ་ཏ་མཱི་ཆུང་ངུ་བསྐྲད་པར་བྱའོ་སྙམ་དུ་
D5.009.0277b02.01དེས་བསམས་སོ། །དེ་ནས་སྦོམ་དགའ་མོ་སྔ་དྲོའི་ཚེ་ལྟོའི་གཏམ་དག་གླེངས་ནས་སྔ་དྲོ་ཤམ་ཐབས་བགོས་ཏེ་མ་ལུས་པར་ཆས་ཏེ་དོང་ངོ་། །ཇི་ཙམ་ན་གཽ་ཏ་མཱི་སྐེམ་མོས་དགེ་སློང་མ་དེ་དག་དགེ་བའི་ཕྱོགས་ལ་སྦྱར་ནས། དེ་ནས་གཽ་ཏ་མཱི་སྐེམ་མོ་འདི་སྙམ་དུ་མ་ལ་བདག་གིས་སྦོམ་དགའ་མོ་
D5.009.0277b03.01ལ་ཡང་ཆོས་བཤད་པར་བྱའོ་སྙམ་དུ་བསམས་སོ། །དེ་ནས་གཽ་ཏ་མཱི་སྐེམ་མོས་སྦོམ་དགའ་མོ་ལ་ཕུ་ནུ་མོ་ཅི་ཁྱོད་ལྟོ་ཁོ་ན་སེམས་ཤིང་འདུག་གི །དགེ་བའི་ཕྱོགས་ལ་མ་ཡིན་ནམ་ཞེས་ཆོས་བཤད་པར་བརྩམས་པ་དང་། དེ་ནས་སྦོམ་དགའ་མོ་འདི་སྙམ་དུ་བདག་གིས་ཡུན་རིང་མོ་ཞིག་ལོན་
D5.009.0277b04.01ནས་གླགས་རྙེད་དོ་སྙམ་དུ་བསམས་ཏེ། དེས་དེ་ལ་བུའི་ཤ་ཟན་མོ། སེམས་འཁྲུགས་མ། དུར་དུ་བཅུག་མ་ཞེས་སྤྱོས་ནས་དབྱར་གྱི་ནང་ལོགས་སུ་དབྱར་ཁང་ནས་བསྐྲད་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་
D5.009.0277b05.01བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྲོས་འཁྲུགས་རྔམ་ཡི་མ་རངས་པར་གྱུར་ནས། དགེ་སློང་མ་དབྱར་ཁང་ནས་སྐྲོད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཁྲོས་འཁྲུགས་རྔམ་
D5.009.0277b06.01ཞེས་བྱ་བ་ནི་ཁྲོ་བའི་ཀུན་ནས་དཀྲིས་པ་གནས་ནས་སོ། །དགེ་སློང་མ་ཞེས་བྱ་བ་ནི་གཽ་ཏ་མཱི་སྐེམ་མོའོ། །དབྱར་ཁང་ནས་ཞེས་བྱ་བ་ནི་གནས་ནས་སོ། །སྐྲོད་ན་ཞེས་བྱ་བ་ནི་འབྱིན་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ལུས་སྐྱོད་
D5.009.0277b07.01