完整藏文原文 · 德格版页 当前仅加载第 9 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་ནི་འཆི་ལྟས་དང་། ཉེ་བའི་འཆི་ལྟས་ལའོ། །དགེ་སློང་མ་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །འདི་སྐད་ཅེས་བརྗོད་པར་བྱ་སྟེ་ཞེས་བྱ་བ་ནི་འདི་སྐད་ཅེས་སྨྲ་བར་བྱ་བའོ། །ཕུ་ནུ་མོ་ཁྱེད་འདྲེས་པར་མ་གནས་ཤིག །ཁྱེད་འདྲེས་པར་
D5.009.0131b01.01གནས་ན་དགེ་བའི་ཆོས་རྣམས་ཉམས་པ་ཁོ་ནར་འགྱུར་གྱི་འཕེལ་བར་ནི་མ་ཡིན་པར་རིག་པར་བྱའོ་ཞེས་བྱ་བ་ནི་ཁྱེད་འདྲེས་པར་གནས་ན་དགེ་བའི་ཕྱོགས་སུ་མི་འགྱུར་བས་ཁྱེད་སོ་སོ་ཐ་དད་དུ་གནས་པར་གྱིས་ཤིག །ཁྱོད་ཐ་དད་དུ་གནས་ན་དགེ་བའི་ཕྱོགས་འཕེལ་བ་
D5.009.0131b02.01ཁོ་ནར་འགྱུར་བའོ། །གལ་ཏེ་དགེ་སློང་མ་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །དགེ་སློང་མ་དེ་དག་ལ་དེ་སྐད་ཅེས་བརྗོད་པ་ན་ཞེས་བྱ་བ་ནི་འཆི་ལྟས་དང་། ཉེ་བའི་འཆི་ལྟས་དག་ལ་ཇི་ལྟར་སྔར་བཞམས་ཏེ་བསྒོ་བ་བཞིན་དུ་བསྒོ་ནའོ། །གཞི་དེ་
D5.009.0131b03.01གཏོང་ན་དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ། །གལ་ཏེ་གཞི་དེ་མི་གཏོང་ན་གཞི་དེ་གཏོང་དུ་གཞུག་པའི་ཕྱིར་ལན་གཉིས་ལན་གསུམ་དུ་ཇི་ལྟར་སྔར་བསྒོ་བ་བཞིན་གསོལ་བ་དང་བཞིའི་ལས་ཀྱིས་ཡང་དག་པར་བསྒོ་བར་བྱ། ཡང་དག་པར་བསྟན་པར་
D5.009.0131b04.01བྱ་སྟེ། ཡང་དག་པར་བསྒོ་བ་ནི་འདི་ཡིན། ཡང་དག་པར་བསྟན་པ་ནི་འདི་ཡིན་ནོ། །ཆོས་འདི་ཡང་ཞེས་བྱ་བ་ནི་ཆོས་མ་ཡིན་པ་ལ་ཆོས་ཀྱི་སྒྲར་གསུངས་པའོ། །ངེས་པར་འབྱུང་བ་དང་བཅས་པ་ནི་རྟོན་པར་བྱ་བ་དང་བཅས་པའོ། །དེ་ལ་ལྟུང་བར་ཇི་ལྟར་
D5.009.0131b05.01འགྱུར་ཞེ་ན། ཇི་ཙམ་དུ་ཅུང་ཟད་དགེ་སློང་མ་དག་ཐ་དད་དུ་གནས་པར་གྱིས་ཤིག །ཅེས་བརྗོད་པ་ལས་འདྲེས་པར་གནས་ནས་ཐམས་ཅད་དུ་ཉེས་བྱས་སུ་འགྱུར་རོ། །བཞམས་ཏེ་བསྒོ་བ་ལས་མ་མཉན་ན་སྦོམ་པོར་འགྱུར་རོ། །རིམ་པ་གཞན་ནི་ཇི་ལྟར་སྔར་
D5.009.0131b06.01དགེ་འདུན་ལྷག་མ་བཅུ་གཉིས་པ་ལས་བཤད་པ་བཞིན་ནོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་{བཅྭ་,བཅོ་}ལྔ་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེའི་ཚེ་དེ་སྐད་ཅེས་བཀའ་སྩལ་པ་དང་། དགེ་སློང་མ་དེ་དག་ཐ་དད་དུ་གནས་སོ། །
D5.009.0131b07.01