完整藏文原文 · 德格版页 当前仅加载第 9 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེའུ་དེ་ལ་བུ་མོ་བྱིན་ནོ་ཞེས་བྱ་བ་ནས། ཞིང་པ་དེས་ཆུང་མའི་ཚིག་མཉན་ནས་ཡང་མ་བྱིན་ནོ་ཞེས་བྱ་བའི་བར་རོ། །དེས་དེའི་གླང་དེ་དག་བརྡེགས་པ་ལས་གླང་དེ་གཉིས་ཀྱིས་ཁྱེའུ་དེ་ལ་དྲིས་པ་དང་། དེས་ཀྱང་སྨྲས་སོ། །དེ་ན་དེ་དག་ལས་གླང་གཉིས་ཤིག་གིས་རྒྱལ་
D5.009.0194b01.01པོའི་ཕོ་བྲང་དུ་སོང་ཤིག་དང་། ཁོ་བོ་ཅག་གིས་དཔང་བྱའོ་ཞེས་བྱ་བ་ནས། དེས་ཡང་དང་ཡང་དུ་རྭ་ཆག་མཇུག་རྡུམ། ཞར་བ་ཞེས་ཀུན་དུ་སྨྲས་པ་གཅིག་ཅིག་ཡོད་པ་དེ་མ་བཏུབ་པོ་ཞེས་བྱ་བའི་བར་དང་། རྒྱལ་པོ་འཁོར་དང་བཅས་པའི་ཞེས་བྱ་བ་ནས། མོན་སྲན་
D5.009.0194b02.01གྲེའུའི་ཞིང་ཕུན་སུམ་ཚོགས་པ་ལ་ཉི་མ་བདུན་དུ་མ་གཟན་པར་སྐྱེ་ཡང་ཅུང་ཟད་ཀྱང་མ་ཟོས་སོ་ཞེས་བྱ་བའི་བར་རོ། །དགེ་སློང་མ་དག་རེ་ཞིག་དུད་འགྲོའི་སྐྱེ་གནས་སུ་སོང་བའི་སྲོག་ཆགས་དེ་དག་ཀྱང་མིའི་སྐྱོན་ནས་སྨྲ་བས་ཀུན་དུ་སྤྱོད་པ་ན་གནོད་པར་བྱ་བར་སེམས་པར་བྱེད་ན་
D5.009.0194b03.01མིར་གྱུར་པ་རྣམས་ལྟ་སྨོས་ཀྱང་ཅི་དགོས་ཞེས་བྱ་བ་ནས། སྔོན་གྱི་སྦྱོར་བ་འདི་རྒྱས་པར་བརྗོད་པར་བྱའོ། །ཡང་བཅོམ་ལྡན་འདས་ཀྱིས་དགེ་སློང་མ་རྣམས་ལ་བཀའ་སྩལ་པ། དགེ་སློང་མ་དག་སྔོན་བྱུང་བ་འདས་པ་ན་ཤིང་རྟས་སྤྱོད་པའི་མི་ཞིག་ལ་དགའ་བྱེད་མ་དང་། ས་
D5.009.0194b04.01རི་མོ་ཞེས་བྱ་བའི་བ་བཞོན་གཉིས་ཤིག་ཡོད་པ་ལས་ཞེས་བྱ་བ་ནས། བེའུ་གཉིས་ཡོད་པའི་བར་རོ། །དེ་གཉིས་འཐབ་པ་ལས་གཅིག་གི་ནི་རྭ་ནི་ཆག་པར་གྱུར་ཏོ། །ཅིག་ཤོས་ནི་གདེངས་པར་གྱུར་ནས་དེས་རུ་རྡུམ་དང་། རུ་འདི་ལ་ཞེས་བྱ་བའི་བར་རོ། །ཤིང་རྟས་སྤྱོད་
D5.009.0194b05.01པས་འདྲེན་པ་ན་ཞེས་བྱ་བ་ནས་སྐུགས་ཡལ་ལོ་ཞེས་བྱ་བའི་བར་རོ། །དགའ་བྱེད་དང་། ས་རི་ཞེས་སྨྲས་ནས་ཞེས་བྱ་བ་ནས། ཉིས་འགྱུར་ཐོབ་བོ་ཞེས་བྱ་བའི་བར་དང་། ཚིགས་སུ་བཅད་པས་སྨྲས་པ། གང་ཚེ་ལམ་ནི་ཆེས་དམའ་ལ། །གང་ཚེ་ཁལ་ནི་ཆེས་ལྕི་བ། །དེ་
D5.009.0194b06.01ཚེ་ཁལ་དག་ཁྱེར་བྱེད་ཅིང་། །དེ་ཚེ་སྣ་ལ་འདྲེན་པར་བྱེད། །ཡིད་དུ་འོང་བ་སྨྲས་པ་ན། །ཁུར་ལྕི་བ་ཡང་སྒྲོལ་བར་བྱེད། །ཅེས་བྱ་བའི་བར་དུའོ། །དུད་འགྲོའི་སྐྱེ་གནས་སུ་སོང་བའི་སྲོག་ཆགས་དག་ཀྱང་མིའི་སྐྱོན་ནས་སྨྲས་པ་ན་གནོད་པར་བྱ་བར་སེམས་པར་བྱེད་ན་མིར་
D5.009.0194b07.01