完整藏文原文 · 德格版页 当前仅加载第 9 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་བཤད་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྤོབས་པའི་མཐུ་དང་ལྡན་པར་གྱུར་པ་གང་ཡིན་པ་དེས་བཤད་པར་བྱའོ། །དེ་ནས་རྒན་རིམས་མཐུ་དང་ལྡན་པ་མ་ཡིན་པར་གྱུར་ནས། འོག་མ་གཞོན་རིམས་དག་འཆད་པར་
D5.009.0218a01.01བྱེད་པ་ན་དེ་དག་རྒན་རིམས་ནས་གཞོན་རིམས་སུ་དོང་ནས་ཉན་པར་བྱེད་པས་རྒན་རིམས་དེ་དག་མི་བརྗེད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་སྨྲ་བའི་སེང་གེའི་ཁྲི་བཤམ་པར་བྱ་ཞིང་སེང་གེའི་ཁྲི་ལས་སྨྲ་བར་བྱའོ། །གང་གི་ཚེ་བཅོམ་ལྡན་འདས་ཀྱིས་
D5.009.0218a02.01སེང་གེའི་ཁྲི་ལས་སྨྲ་བར་བྱའོ་ཞེས་བཀའ་སྩལ་པ་དེའི་ཚེ་མདོ་རིང་པོ་དག་རྒྱས་པར་སྨྲ་བར་བྱེད་པ་ན་ཁྱིམ་པ་མོ་རྣམས་སྐྱོ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཆ་གསུམ་པ་དང་། ལྔ་པ་ནས་ཆ་གསུམ་པ་དང་། སྟོན་པ་ཡོངས་སུ་བསྒྲགས་པ་ལ་ཚར་བསྲང་
D5.009.0218a03.01སྟེ་སྨྲ་བར་གནང་ངོ་ཞེས་བྱ་བའི་བར་རོ། །ཇི་ཙམ་ན་ཁྱིམ་བདག་མོ་རྣམས་ཟས་དག་གཡོ་བར་བྱེད་པ་ན་དེ་རྣམས་སྣོད་སྤྱད་དག་རྙེན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། རྙོས་ཤིག །སྟན་དག་རྙེན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་
D5.009.0218a04.01པ། རྙོས་ཤིག །དེ་ནས་དེ་དག་གྲོང་དུ་མགྲོན་དུ་འབོད་ནས། བཅོམ་ལྡན་འདས་ཀྱིས་བཀའ་སྩལ་པ། དེར་ཡང་དོང་ལ་ལོངས་སྤྱད་པར་བྱའོ། །དེ་ནས་ཁྱིམ་བདག་མོ་རྣམས་ཀྱིས་དེ་དག་ལ་འདི་སྐད་ཅེས་འཕགས་མ་དག་ཁྱེད་ཅག་ཅིའི་སླད་དུ་ཆབ་སྣོད་དག་སྣོམས་ཏེ་མ་
D5.009.0218a05.01བྱོན་ཞེས་ཟེར་ནས། བཅོམ་ལྡན་འདས་ཀྱིས་བཀའ་སྩལ་པ། དེར་ཡང་བུམ་པ་དང་། རིལ་བ་དང་། སྟན་དང་། སེང་གེའི་ཁྲི་དག་བཀུར་བར་བྱའོ། །ཇི་ཙམ་ན་དགེ་སློང་མ་ནད་པ་ཞིག་ཡོད་པ་དེས་འདི་སྐད་ཅེས་སྨྲས་སོ། །ཀྱེ་ཕུ་ནུ་མོ་དག་འཆི་བར་འགྱུར་རོ། །
D5.009.0218a06.01དེ་དག་གིས་འདི་སྐད་ཅེས་སྨྲས་སོ། །ཅི་སྟེ། དེས་འདི་སྐད་ཅེས་སྨྲས་སོ། །ཁོ་མོ་ནད་པ་ལ་འདྲི་བ་འགའ་ཡང་མེད་དོ་ཞེས་བྱས་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ལ་བལྟ་བར་བྱའོ། །ལྟ་བར་མི་བྱེད་ན་འགལ་ཚབས་ཅན་དུ་འགྱུར་རོ། །གང་
D5.009.0218a07.01