完整藏文原文 · 德格版页 当前仅加载第 9 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་བཀའ་སྩལ་པ། དགེ་སློང་དག་མི་གཏི་མུག་ཅན་དེ་དག་གཉིས་ཀྱིས་འདི་ལྟར་ཟང་ཟིང་ཅུང་ཟད་ཙམ་གྱི་རྒྱུས་ཤེས་བཞིན་དུ་{བརྫུན་,རྫུན་}གྱི་ཚིག་སྨྲས་པར་གྱུར་ཏོ། །དེ་ཡང་བཅོམ་ལྡན་འདས་ཀྱིས་བྱུང་བ་དེ་ཉིད་ལས་ཚིགས་སུ་བཅད་པ་
D5.009.0111a01.01གཉིས་བཀའ་སྩལ་པ། ལུས་ཅན་{བརྫུན་,རྫུན་}དུ་སྨྲ་བ་ཡི། །ཆོས་གཅིག་ལས་ནི་འདས་གྱུར་ཅིང་། །འཇིག་རྟེན་ཕ་རོལ་བཤིག་པ་ཡིས། །འདི་ན་སྡིག་པ་མི་བྱ་མེད། །ལྕགས་སྒོང་མེ་ལྕེ་འདྲ་བ་དག །ཟོས་པར་གྱུར་པ་ཆེས་བླ་ཡི། །ཚུལ་འཆལ་
D5.009.0111a02.01ཡང་དག་སྡོམ་མེད་པས། །ཡུལ་འཁོར་བསོད་སྙོམས་ཟ་བ་མིན། །དེ་ནས་ནམ་མཁའི་དཀྱིལ་ན་གནས་པའི་ལྷ་རྣམས་ཀྱིས་ཀྱེ་མའོ། །ཨ་ལ་ལ་རྙེད་པ་དང་བཀུར་སྟི་འདི་ནི་མི་བཟད་པའོ། །མཆོག་ཏུ་མི་བཟད་པའོ་ཞེས་བྱ་བ་ནས། ཟང་ཟིང་ཅུང་ཟད་
D5.009.0111a03.01ཙམ་གྱི་རྒྱུས་དགེ་སློང་ལ་སྐུར་པ་འདེབས་པར་བྱེད་པ་ནི་ངན་པའོ་ངན་པའོ་ཞེས་སྨྲས་སོ། །དེ་ནས་དགེ་སློང་ཞིག་གིས་དེའི་ཚེ་ཚིགས་སུ་བཅད་པ་སྨྲས་པ། ཉེས་མེད་སྲིད་གསུམ་འགྲོ་བ་ཡི། །ནོར་ལའང་སྐུར་པ་བཏབ་པའི་ཕྱིར། །འཇིག་རྟེན་དག་ན་བློ་ལྡན་
D5.009.0111a04.01གང་། །འཁོར་བ་ལ་ནི་དགའ་བར་བྱེད། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གང་ཟག་གསུམ་པོ་འདི་དག་ནི་འདི་དག་མ་སྤངས་ན་ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་དག་ཡིན་ནོ། །
D5.009.0111a05.01གསུམ་གང་ཞེ་ན། དགེ་སློང་དག་འདི་ལ་གཅིག་ནི་འདོད་པ་རྣམས་ལ་སྟེན་ཅིང་སྡིག་པ་མི་དགེ་བ་དག་བྱེད་པ་སྟེ། དགེ་སློང་དག་དེ་མ་སྤངས་ན་གང་ཟག་འདི་ནི་ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་དང་པོ་ཡིན་ནོ། །གཞན་ཡང་དགེ་སློང་
D5.009.0111a06.01དག་འདི་ལ་གང་ཟག་གཅིག་ནི་འདོད་པ་རྣམས་ནི་གཙང་བའོ། །འདོད་པ་རྣམས་ནི་བསོད་པའོ། །འདོད་པ་རྣམས་ནི་ལོངས་སྤྱད་པར་བྱ་བའོ། །འདོད་པ་རྣམས་ལ་ཉེས་པ་མེད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་སྟེ། དགེ་སློང་དག་དེ་མ་སྤངས་ན་གང་ཟག་འདི་ནི་
D5.009.0111a07.01