完整藏文原文 · 德格版页 当前仅加载第 9 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་འདུན་མཐུན་ཞིང་མི་ཕྱེད་ལ། ཀུན་དུ་དགའ་ཞིང་མི་རྩོད་དེ། རྩེ་གཅིག་ལ་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཕུ་ནུ་མོ་དག་དགེ་
D5.009.0137b01.01འདུན་འབྱེད་པ་ལ་ཕྱོགས་པ་མི་མཐུན་པར་སྨྲ་བ་འདི་ལྟ་བུ་འདི་ཐོང་ཤིག །གལ་ཏེ་དགེ་སློང་མ་དེ་དག་ལ་དེ་སྐད་ཅེས་བསྒོ་ཡང་གཞི་དེ་ཉིད་ལ་ནན་གྱིས་ཞེས་བྱ་བ་ནས། གཞན་ནི་{བརྫུན་,རྫུན་}པའོ་ཞེས་བྱ་བའི་བར་དུ་རྗེས་སུ་སྒྲུབ་བོ། །སྐབས་དེ་དགེ་སློང་མ་རྣམས་
D5.009.0137b02.01ཀྱིས་དགེ་སློང་རྣམས་ལ་བརྗོད་ཅིང་། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་ཁྱེད་ཀྱིས་གྲོགས་བྱེད་པ་དེ་དག་དང་། གཞན་ཡང་དེ་ལྟ་བུའི་རང་བཞིན་ཅན་རྣམས་ལ་གསོལ་བ་དང་བཞིའི་
D5.009.0137b03.01ལས་ཀྱིས་སྒོ་ཤིག །བསྒོ་བ་ཡང་འདི་ལྟར་བྱ་སྟེ། གནས་མལ་བཤམས་པ་བྱས་ལ་ཞེས་བྱ་བ་ནས། དགེ་སློང་མ་གཅིག་གིས་གསོལ་བ་བྱས་ཏེ་ལས་བྱ་བའི་བར་དུའོ། །འཕགས་མའི་དགེ་འདུན་ཕུ་ནུ་མོ་རྣམས་བདག་ལ་གསན་དུ་གསོལ། རྗེས་སུ་ཕྱོགས་
D5.009.0137b04.01པ་འདི་དག་དགེ་སློང་མ་གང་དགེ་འདུན་མཐུན་པ་དབྱེ་བའི་སླད་དུ་ཞུགས་ཏེ། དབྱེ་བའི་སླད་དུ་རྩོད་པ་ཡང་དག་པར་བླངས་ནས། རབ་ཏུ་འཛིན་ཅིང་རྗེས་སུ་སྒྲུབ་པར་འཚལ་བཞིན་དུ་དེའི་གྲོགས་བགྱིད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་བགྱིད་ནས། དེ་ལ་དགེ་
D5.009.0137b05.01སློང་མ་རབ་ཏུ་མང་པོས་བཞམས་ཏེ་བསྒོ་ཡང་གཞི་དེ་ཉིད་ལ་ཞེས་བྱ་བ་ནས་གཞན་ནི་{བརྫུན་,རྫུན་}པའོ་ཞེས་བྱ་བའི་བར་དུ་རྗེས་སུ་སྒྲུབ་ན་དེའི་སླད་དུ་འཕགས་མའི་དགེ་འདུན་གྱིས་དགེ་སློང་མ་གྲོགས་བགྱིད་པ་དག་ལ་དགེ་སློང་མ་ཁྱེད་དགེ་སློང་མ་གང་དགེ་འདུན་མཐུན་པ་དབྱེ་བའི་
D5.009.0137b06.01ཕྱིར་ཞུགས་ཏེ། དབྱེ་བའི་ཕྱིར་རྩོད་པ་ཡང་དག་པར་བླངས་ནས་རབ་ཏུ་འཛིན་ཅིང་འདུག་པར་ཤེས་བཞིན་དུ་དེའི་གྲོགས་བྱེད་ཅིང་མི་མཐུན་པ་སྨྲ་བའི་རྗེས་སུ་ཕྱོགས་ནས་དེ་དག་ལ་དགེ་སློང་མ་མང་པོས་བཞམས་ཏེ་བསྒོ་ཡང་གཞི་དེ་ཉིད་ལ་ཞེས་བྱ་བ་ནས་གཞན་ནི་{བརྫུན་,རྫུན་}པའོ་
D5.009.0137b07.01