完整藏文原文 · 德格版页 当前仅加载第 9 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ཏ་མཱི་སྐེམ་མོའི་དྲུང་དུ་སོང་ནས། དེ་དག་གིས་གཽ་ཏ་མཱི་སྐེམ་མོ་ལ་སྦོམ་དགའ་མོས་བསྟན་པ་དག་རྒྱས་པར་སྨྲས་པ་དང་། དེས་འདི་སྐད་ཅེས་སྨྲས་སོ། །ཕུ་ནུ་མོ་དག་རེ་ཞིག་འཇིག་རྟེན་ཕ་རོལ་གྱི་སྡུག་བསྔལ་ལྟ་ཞོག་གི། ཁོ་མོས་འཇིག་རྟེན་འདིར་སྡུག་བསྔལ་ཉམས་སུ་
D5.009.0282b01.01མྱོང་བ་གང་ཡིན་པ་དེ་ཉོན་ཅིག །ཁྱིམ་ཐབ་ཤི་བ་དང་། བུ་དང་བྲལ་བ་དང་། ཕ་དང་མ་ཐོག་གིས་བསད་པ་དང་། བུའི་ཤ་ཟོས་པ་དང་། དུར་དུ་བཅུག་པ་དང་། སེམས་འཁྲུགས་པ་དང་། སྒྲེན་མོར་འཕྱན་པ་སྟེ། འདི་དག་དང་གཞན་ཡང་འཇིག་རྟེན་འདི་ཁོ་ན་ལ་
D5.009.0282b02.01སྡུག་བསྔལ་ཁོ་ན་ཉམས་སུ་མྱོང་ན་འཇིག་རྟེན་ཕ་རོལ་ལྟ་སྨོས་ཀྱང་ཅི་དགོས། །ཕུ་ནུ་མོ་དག་དེ་ལྟ་བུ་མ་བྱེད་ཅིག་ཅེས་གཽ་ཏ་མཱི་སྐེམ་མོས་ཤཱཀྱའི་བུ་མོ་རབ་ཏུ་མང་པོ་དེ་དག་མི་དགེ་བ་ལས་སེམས་བཟློག་སྟེ་དགེ་བ་ལ་སེམས་བཀོད་པ་དང་། དེ་དག་གིས་འདི་སྐད་ཅེས་བདག་ཅག་
D5.009.0282b03.01སྦོམ་དགའ་མོས་ཕྱིར་མི་གཙང་བའི་དོང་དུ་བཅུག་གོ་ཞེས་སྨྲས་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། ལོ་གཉིས་སུ་ཆོས་དྲུག་དང་། རྗེས་སུ་མཐུན་པའི་ཆོས་དྲུག་
D5.009.0282b04.01གི་བསླབ་པའི་སྡོམ་པ་བྱིན་ཅིག །དེ་དག་ལོ་གཉིས་སུ་བསླབ་པ་དང་མངོན་པར་དགའ་བར་གྱུར་ཏོ། །གང་གི་ཚེ་བཅོམ་ལྡན་འདས་ཀྱིས་ཆོས་དྲུག་དང་། རྗེས་སུ་མཐུན་པའི་ཆོས་དྲུག་གི་བསླབ་པའི་སྡོམ་པ་བྱིན་ཅིག་ཅེས་གསུངས་པ་ན་དེ་དག་གིས་ཇི་ལྟར་སྦྱིན་པ་མ་ཤེས་
D5.009.0282b05.01ནས། བཅོམ་ལྡན་འདས་ཀྱིས་བཀའ་སྩལ་པ། གནས་མལ་བཤམས་པ་བྱས་ལ་གཎྜཱི་བརྡུངས་ཏེ་ཞེས་བྱ་བ་ནས། དྲིས་པའི་ལན་གྱིས་དགེ་སློང་མ་རྣམས་ལ་ཡང་དག་པར་བསྒོ་ལ། ཁྱིམ་སོ་བཟུང་བ་ལོ་བཅུ་གཉིས་ལོན་པ་དེས་རྒན་པའི་མཐར་འདུག་སྟེ་འདུད་
D5.009.0282b06.01པ་དང་བཅས་པས་ཐལ་མོ་སྦྱར་བ་བྱས་ཏེ། ཚིག་འདི་སྐད་ཅེས་འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ་གསོལ། བདག་མིང་འདི་ཞེས་བགྱི་བ་མཁན་མོ་མིང་འདི་ཞེས་བགྱི་བས་བསྙེན་པར་རྫོགས་པར་འཚལ་ཏེ། བདག་མིང་འདི་ཞེས་བགྱི་བ་མཁན་མོ་མིང་
D5.009.0282b07.01