完整藏文原文 · 德格版页 当前仅加载第 9 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ལྷུང་བཟེད་ཆེན་པོ་གསུམ་བླངས་ན་ལྟུང་བྱེད་དོ། །ཆེན་པོ་གཉིས་དང་། བར་མ་གཅིག་བླངས་ན་ལྟུང་བྱེད་དོ། །བར་མ་གཉིས་དང་། ཆེན་པོ་གཅིག་ལེན་ན་ལྟུང་
D5.009.0224b01.01བྱེད་དོ། །དགེ་སློང་མས་ཇི་ཙམ་ཅུང་ཟད་བྲེའུ་ཆུང་དོ་ལས་ལྷག་པར་ལེན་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་གསུམ་པའི་དང་པོ་རྫོགས་{སྷོ,སོ}།། །།གླེང་གཞི་ནི་རྒྱལ་པོའི་ཁབ་ནའོ། །གང་གི་ཚེ་བཅོམ་ལྡན་འདས་ཀྱིས་ལྷ་སྦྱིན་ལས་བརྟེན་ཏེ་ཚོགས་
D5.009.0224b02.01ཤིང་ཟ་བ་བཀག་པ་དང་། དེ་ནས་དགེ་སློང་མ་དེ་དག་གིས་གཉི་གའི་ཐུན་མོང་ཡིན་ནོ་ཞེས་རྗེས་སུ་སྒྲུབ་པར་བྱེད་དོ། །དེ་ནས་ཕྱིས་ན་བ་དག་ཏུ་གྱུར་ཏེ་ཟས་གཅིག་གིས་འཚོ་བར་མ་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། ན་བ་དུས་ཡིན་ནོ་ཞེས་བྱས་ཏེ་
D5.009.0224b03.01བཟའ་བར་བྱའོ། །དེ་བཞིན་དུ་ལམ་དུ་ཞུགས་པ་བཀྲེས་ནས་དགེ་བའི་ཕྱོགས་བྱེད་མི་ནུས་པར་གྱུར་ནས་ཞེས་བྱ་བ་ནས། བཟའ་བར་བྱའོ་ཞེས་བྱ་བའི་བར་རོ། །དེ་བཞིན་དུ་ལས་བྱེད་པ་དང་། དེ་བཞིན་དུ་གྲུར་ཞུགས་པས་ཀྱང་བཟའ་བར་བྱའོ། །དེ་བཞིན་དུ་
D5.009.0224b04.01མང་པོ་འདུས་པའི་དུས་སུ་རྙེད་པ་བྱུང་བ་ནས་བཅོམ་ལྡན་འདས་ཀྱིས་བཀའ་སྩལ་པ། བཟའ་བར་བྱའོ། །དེ་བཞིན་དུ་ཀུན་དུ་རྒྱུའམ། ཀུན་དུ་རྒྱུ་མོ་སངས་རྒྱས་ཀྱི་བསྟན་པ་ལ་དད་པ་རྙེད་པ་དེ་ལས་ཀྱང་བཟའ་བར་བྱ་སྟེ། དགེ་སློང་མ་དག་ཀུན་དུ་རྒྱུ་སངས་
D5.009.0224b05.01རྒྱས་ཀྱི་བསྟན་པ་ལ་དད་པ་རྙེད་པ་ནི་དཀོན་པའི་ཕྱིར་རོ། །དེ་ནས་བཅོམ་ལྡན་འདས་ཀྱིས་དགེ་སློང་མ་རྣམས་ལ་བསླབ་པ་འདོད་པ་དང་། བསླབ་པ་ལ་གུས་པ་དང་། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་འདི་སྐད་ཅེས་བཀའ་སྩལ་ཏོ། །དུས་མ་
D5.009.0224b06.01གཏོགས་ཏེ་འདུས་ཤིང་ཟ་ན་ལྟུང་བྱེད་དོ། །དེ་ལ་དུས་ནི་འདི་ཡིན་ཏེ། ན་བ་དུས་དང་ལས་དུས་དང་། ལམ་དུས་དང་། གྲུར་ཞུགས་པ་དང་། འདུས་པ་ཆེན་པོ་དང་། དགེ་སྦྱོང་གི་ཟས་དུས་སོ། །འདུས་ཤིང་ཟ་བ་ཞེས་བྱ་བ་ནི་མི་མཐུན་ཞིང་ཟ་བའོ། །དུས་མ་
D5.009.0224b07.01