完整藏文原文 · 德格版页 当前仅加载第 9 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
བརྟན་རྣམས་སོ། །ངན་པ་དག་སྦྱིན་པར་བར་མ་རྣམས་སོ། །བསོད་པ་དག་སྦྱིན་པར་གཞོན་རབས་རྣམས་ཏེ། དེ་ལྟར་ཚུལ་དེ་ལྟ་བུས་དགེ་སློང་རྣམས་ཟས་ལ་སྐོ་བར་བྱེད་དོ། །ཡང་དགེ་སློང་གློ་བུར་བ་གང་ཡིན་པ་དེ་དག་ཉི་མ་དང་པོ་ལ་ནི་བསོད་
D5.009.0108a01.01པ་སྦྱིན་པ་དག་ཏུའོ། །ཉི་མ་གཉིས་པ་ལ་ནི་འབྲིང་སྦྱིན་པ་དག་ཏུའོ། །ཉི་མ་གསུམ་པ་ལ་ནི་ངན་པ་སྦྱིན་པ་དག་ཏུ་སྐོ་བར་བྱེད་ཅིང་། ཉི་མ་བཞི་པ་ལ་ནི་ལམ་སྲང་གི་སྤྱོད་ཡུལ་ལ་མཁས་པར་བྱེད་དོ། །དེས་རིམ་པར་བཀླགས་པ་དེ་བཞིན་དུ་དགེ་འདུན་རྣམས་ཟས་ལ་
D5.009.0108a02.01བཀོད་པ་ན་རྒན་རིམས་ཇི་ལྟ་བ་བཞིན་དང་རིམ་པར་བཀླགས་པ་ཇི་ལྟ་བ་བཞིན་དུ་ཐོད་རྒལ་མེད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་རྣམས་གནས་མལ་འབོགས་པ་རྣམས་
D5.009.0108a03.01དང་། ཟས་ལ་བསྐོས་པ་རྣམས་ཀྱི་ནང་ན་གྱད་བུ་ནོར་འདི་མཆོག་ཡིན་ནོ། །དེའི་ཚེ་དགེ་སློང་མཛའ་བོ་དང་། ས་ལས་སྐྱེས་གཉིས་ལྗོངས་རྒྱུ་ཞིང་འགྲོ་བ་ན་རིམ་གྱིས་རྒྱལ་པོའི་ཁབ་ཏུ་ཕྱིན་པ་དང་། ཚེ་དང་ལྡན་པ་གྱད་བུ་ནོར་གྱིས་དེ་གཉིས་ཀྱི་གནས་མལ་དང་
D5.009.0108a04.01གནས་ཁང་ཡང་བསྐོས་སོ། །དེ་ནས་ནམ་ནངས་པ་དང་མཛའ་བོ་དང་། ས་ལས་སྐྱེས་ཀྱིས་འདི་སྐད་ཅེས་སྨྲས་སོ། །ཚེ་དང་ལྡན་པ་དག་ཟས་ལས་བསྐོ་བ་སུ་ཡོད། དགེ་སློང་ཞིག་གིས་དེ་གཉིས་ལ་སྨྲས་པ། གྱད་བུ་ནོར་ཡིན་ནོ། །དེ་གཉིས་ཀྱིས་ཚེ་དང་
D5.009.0108a05.01ལྡན་པ་གྱད་བུ་ནོར་ལ་འདི་སྐད་ཅེས་སྨྲས་སོ། །གྱད་བུ་ནོར་བདག་ཅག་གི་ཟས་སྐོས་ཤིག །དེ་ནས་ཚེ་དང་ལྡན་པ་གྱད་བུ་ནོར་གྱིས་དེ་གཉིས་ཉི་མ་དང་པོ་ལ་ཟས་བསོད་པ་སྦྱིན་པ་དག་ཏུ་བསྐོས་སོ། །དེ་ནས་མཛའ་བོ་དང་། ས་ལས་སྐྱེས་སྔ་དྲོ་ཆོས་
D5.009.0108a06.01གོས་བགོས། ལྷུང་བཟེད་ཐོགས་ནས་སྦྱིན་བདག་གི་ཁྱིམ་གང་ན་བར་དོང་ངོ་། །ཁྱིམ་བདག་དེ་ཡང་བུ་གཅིག་པ་སྡུག་པ། ཡིད་དུ་འོང་བ་ཤི་བས་དེ་བུ་ཤི་བའི་མྱ་ངན་གྱིས་གདུངས་པའི་ཕྱིར་དགེ་སློང་གི་ཟས་བཤམ་པ་མ་བྱས་སོ། །དེ་གཉིས་ཀྱིས་ཀྱང་
D5.009.0108a07.01