完整藏文原文 · 德格版页 当前仅加载第 9 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
མས་ནང་དུ་ཆོས་གོས་དག་བཞག་སྟེ། ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་
D5.009.0153b01.01བར་བྱེད་ཅིང་། སྐྱ་རེངས་ཤར་ན་སྤང་བའི་ལྟུང་བྱེད་དོ། །འོབས་ཀྱིས་བསྐོར་བའི་གྲོང་གང་ཞེ་ན། འོབས་ཀྱིས་བསྐོར་བའི་གྲོང་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་ཞེས་བྱ་བ་ནས། ཁྱེའུ་སུས་བྱེད་པ་ཞེས་བྱ་བའི་བར་རམ་གང་དུ་བ་ལང་དང་།
D5.009.0153b02.01ལུག་དག་འགྲོ་བའི་རྡུལ་ལངས་པ་རླུང་གིས་མ་བསྐྱོད་པའམ། ཕྱག་དར་བོར་བའི་བོང་བ་འདྲིལ་བས་སླེབས་པ་ཡིན་ཏེ། དགེ་སློང་མས་ནང་དུ་ཆོས་གོས་དག་ཅེས་བྱ་བ་ནས། སྤང་བའི་ལྟུང་བྱེད་དོ་ཞེས་བྱ་བའི་བར་རོ། །གྲོང་ཉེན་ཀོར་གཅིག་པ་གང་ཞེ་ན། གྲོང་
D5.009.0153b03.01གང་ན་སྐྱེད་མོས་ཚལ་ལམ། འདུན་སའམ། ལྷའི་གནས་གཅིག་ཡོད་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ཞེས་བྱ་བ་ནས། ཁྱེའུ་སུས་བྱེད་པ་ཞེས་བྱ་བའི་བར་རོ། །དགེ་སློང་མས་ནང་དུ་ཆོས་གོས་དག་ཅེས་བྱ་བ་
D5.009.0153b04.01ནས། སྤང་བའི་ལྟུང་བྱེད་དོ་ཞེས་བྱ་བའི་བར་རོ། །གྲོང་ཉེན་ཀོར་ཐ་དད་པ་གང་ཞེ་ན། གྲོང་གང་ན་སྐྱེད་མོས་ཚལ་ལམ། འདུན་སའམ། ལྷའི་གནས་མང་པོ་ཡོད་པའོ། །དེ་རྣམས་ཀྱི་ཉེན་ཀོར་གང་ཞེ་ན། སོ་སོ་བའོ། །ཅི་ཞིག་ཐུན་མོང་ཡིན་
D5.009.0153b05.01ཞེ་ན་སྒོའོ། །གལ་ཏེ་དགེ་སློང་མས་ནང་ངམ། ཕྱི་རོལ་དུ་ཆོས་གོས་དག་བཞག་ལ་སྐྱ་རེངས་འཆར་ན་དགེ་སློང་མ་ཉེན་ཀོར་དང་བྲལ་བས་སྒོར་འདུག་ནས་སྐྱ་རེངས་འཆར་བར་བྱའོ། །གལ་ཏེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དོ། །གྲོང་
D5.009.0153b06.01རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། གྲོང་རབ་ཏུ་མང་པོ་དག་ལ་སྐྱེད་མོས་ཚལ་ལམ། འདུན་སའམ། ལྷའི་གནས་གཅིག་ཡོད་པའོ། །དེ་རྣམས་ཀྱི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ཞེས་བྱ་བ་ནས་གཞན་དུ་
D5.009.0153b07.01