完整藏文原文 · 德格版页 当前仅加载第 9 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་གཞན་པ་གང་ཡང་རུང་བའོ། །ཆགས་པ་ཞེས་བྱ་བ་ནི་ཆགས་པ་དང་། ཡང་དག་པར་ཞེན་པ་དང་། ཀུན་ནས་དཀྲིས་པའོ། །མིག་མན་ཆད་པུས་མོ་ཡན་ཆད་ཅེས་བྱ་བ་ནི་དེའི་བར་དུའོ། །སྤྲད་ཀུན་དུ་སྤྲད་པ་ཞེས་བྱ་བ་ནི་གཏུགས་ཤིང་ཀུན་དུ་གཏུགས་པའོ། །བདག་
D5.009.0076b01.01གིར་བྱེད་པ་ཞེས་བྱ་བ་ནི་ཀུན་ནས་ཉམས་སུ་མྱོང་བར་བྱེད་པའོ། །དགེ་སློང་མ་ཞེས་བྱ་བ་ནི་གང་ལ་དགེ་སློང་མའི་དངོས་པོ་ཡོད་པའོ། །དགེ་སློང་མའི་དངོས་པོ་གང་ཞེ་ན། བསྙེན་པར་རྫོགས་པའོ། །བསྙེན་པར་རྫོགས་པ་གང་ཞེ་ན། གསོལ་བ་དང་བཞིའི་ལས་ཀྱི་
D5.009.0076b02.01བྱ་བ་བྱེད་པ་ཉིད་དང་། རྟོག་པ་ཉིད་དང་། ཡང་དག་པར་རྟོག་པ་ཉིད་དང་། མཐར་ཕྱིན་པར་བྱེད་པ་ཉིད་དང་། དེའི་ཁས་ལེན་པ་དང་། མངོན་པར་ཁས་ལེན་པ་དང་། དེ་ཡང་བསྙེན་པར་རྫོགས་པའི་ཚེ་ངག་དང་། ཚིག་དང་། ཐ་སྙད་དང་། སྐད་དང་། བརྗོད་
D5.009.0076b03.01པ་དང་། ངེས་པའི་ཚིག་དང་། ཚིག་གི་ལམ་དང་། ཚིག་ཏུ་བརྗོད་པ་དང་། ངག་གི་ལས་དང་། ངག་གི་རྣམ་པར་རིག་བྱེད་ཀྱིས་ཁས་ལེན་པ་གང་ཡིན་པ་འདི་ནི་བསྙེན་པར་རྫོགས་པ་ཞེས་བྱའོ། །དེ་ཞེས་བྱ་བ་འདི་ནི་ཉེ་བར་བསྟན་པ་དང་། ཀུན་དུ་བསྟན་པའི་ཚིག་བླ་
D5.009.0076b04.01དགས་སོ། །ཕས་ཕམ་པར་གྱུར་པ་ཡིན་པས་ཞེས་བྱ་བ་ནི་དེ་ཐ་མ་དང་ལྟུང་བ་དང་། དམན་པ་དང་། ཐ་ཆད་དང་། བསྙིལ་བ་དང་། ཡིད་དང་མི་མཐུན་པའོ། །ཡང་གང་གིས་ལྟུང་བ་དེ་བྱས་ན་བྱས་མ་ཐག་ཏུ་དགེ་སློང་མར་མི་རུང་བར་འགྱུར། ཤཱཀྱའི་སྲས་སུ་མི་རུང་།
D5.009.0076b05.01དེའི་དགེ་སྦྱོང་གི་ཚུལ་ཞིག་པར་འགྱུར་ཞིང་ཉམས་པ། བཅོམ་པ། ལྟུང་བ། ཕམ་པ། རྒྱབ་ཀྱིས་ཕྱོགས་པར་བྱས་པ་སྟེ། དེའི་དགེ་སྦྱོང་གི་ཚུལ་ཕྱིར་བསླང་དུ་མེད་པར་བྱས་པ་ཡིན་ནོ། །འདི་ལྟ་སྟེ། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ་འཕེལ་
D5.009.0076b06.01ཞིང་རྒྱས་པ་དང་ཡངས་པར་འགྱུར་དུ་མི་རུང་བ་དེ་བཞིན་དུ། དགེ་སློང་མ་གང་གིས་ལྟུང་བ་དེ་བྱས་ན་བྱས་མ་ཐག་ཏུ་ཞེས་བྱ་བ་སྔ་མ་བཞིན་ནོ། །གནས་པར་མི་བྱའོ་ཞེས་བྱ་བ་ནི་དགེ་སློང་མ་རྣམས་ཀྱིས་དེ་དང་གསོ་སྦྱོང་དང་། དགག་དབྱེ་དང་། གསོལ་བ་དང་། གསོལ་
D5.009.0076b07.01