完整藏文原文 · 德格版页 当前仅加载第 9 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་ཀྱིས་ཕོངས་པར་གྱུར་ཏོ། །དེ་ནས་དེ་རྣམས་ཕན་ཚུན་དུ་བགྲོས་པ། ཅིའི་ཕྱིར་བདག་ཅག་གི་ཡོན་ཏན་བསྒྲགས་པར་མི་བྱ། དེ་དག་གིས་འདི་སྐད་ཅེས་སྨྲས་སོ། །ཅི་ཡང་དག་པས་སམ། ཡང་དག་པ་མ་ཡིན་པས་དེ་དག་གིས་
D5.009.0206a01.01འདི་སྐད་ཅེས་སྨྲས་སོ། །ཡང་དག་པས་སོ། །དེ་དག་གིས་ཕན་ཚུན་དུ་ཡོན་ཏན་ཡང་དག་པས་བསྒྲགས་པ་བྱས་པ་དང་། འཇིག་རྟེན་ནི་ཡོན་ཏན་ལ་དགའ་བ་ཡིན་པས་དེ་རྣམས་ཀྱིས་དེ་དག་བསོད་སྙོམས་ཀྱིས་མ་ཕོངས་པར་བྱས་སོ། །གང་གི་ཚེ་དགེ་སློང་མ་དེ་དག་
D5.009.0206a02.01ལྗོངས་རྒྱུ་ཞིང་དོང་ནས་ཡངས་པ་ཅན་དུ་ཕྱིན་ནོ། །དེ་ནས་གནས་པ་དང་། གཉུག་མར་གནས་པའི་དགེ་སློང་མ་རྣམས་ཀྱིས་མཐོང་ནས་འདི་སྐད་ཅེས་སྨྲས་སོ། །སངས་རྒྱས་ལྡན། ཆོས་ལྡན། དགེ་འདུན་ལྡན་དག་འོངས་པ་ལེགས་སོ། །འོངས་པ་ལེགས་སོ། །ཇི་ག་
D5.009.0206a03.01ལེགས་པར་སྤྱད་དམ། དེ་དག་གིས་འདི་སྐད་ཅེས་སྨྲས་སོ། །ལེགས་པར་སྤྱད་དོ། །ཚེ་དང་ལྡན་མ་དག་བསོད་སྙོམས་ཀྱིས་ཕོངས་པར་མ་གྱུར་གྲང་། དེ་དག་གིས་འདི་སྐད་ཅེས་སྨྲས་སོ། །མ་གྱུར་ཏོ། །གནས་བརྟན་གནས་བརྟན་འདི་དག་ནི་བསོད་སྙོམས་ཀྱིས་
D5.009.0206a04.01ཕོངས་པར་གྱུར་ན་ཁྱོད་ཀྱིས་ཐབས་ཅི་ཞིག་བྱས་ན་མ་གྱུར། དེ་དག་གིས་འདི་སྐད་ཅེས་སྨྲས་སོ། །ཕན་ཚུན་ཡོན་ཏན་བསྒྲགས་པ་བྱས་པས་སོ། །ཁྱེད་མིའི་ཆོས་བླ་མ་བརྗོད་དུ་རུང་ངམ། དེ་དག་གིས་འདི་སྐད་ཅེས་བདག་ཅག་གིས་བརྗོད་དོ་ཞེས་སྨྲས་པ་ན་དོན་ཉུང་བའི་
D5.009.0206a05.01དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གང་ཟག་བསྙེན་པར་མ་རྫོགས་པ་ལ་མིའི་ཆོས་བླ་མ་བདེན་པ་བརྗོད་ན་
D5.009.0206a06.01ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་ཆོས་འདི་པའོ། །བསྙེན་པར་མ་རྫོགས་པ་ལ་ཞེས་བྱ་བ་ལ་བསྙེན་པར་རྫོགས་པ་ནི་གཉིས་སོ། །ལྷག་མ་རྣམས་ནི་བསྙེན་པར་མ་རྫོགས་པའོ། །བདེན་པ་ཞེས་བྱ་བ་ནི་ཡང་དག་པར་ཡོད་པའོ། །ལྟུང་བྱེད་དོ་ཞེས་
D5.009.0206a07.01