完整藏文原文 · 德格版页 当前仅加载第 9 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཤེས་ཀཽཎྜི་ནྱ་ག་ལ་བ་དེར་སོང་སྟེ་ཕྱིན་ནས་ཀུན་ཤེས་ཀཽཎྜི་ནྱ་ལ་འདི་སྐད་ཅེས་སྨྲས་སོ། །གནས་བརྟན་བདག་ལ་རྫུ་འཕྲུལ་གྱི་ལམ་སྟོན་ཅིག །དེ་ནས་ཚེ་དང་ལྡན་པ་ཀུན་ཤེས་ཀཽཎྜི་ནྱས་བཅོམ་ལྡན་འདས་ཀྱི་ཐུགས་ལ་རྣམ་པར་བལྟས་ཏེ་དེའི་འདོད་པའི་སྡིག་
D5.009.0134b01.01པ་ཅན་དུ་གྱུར་པར་རིག་ནས་ལྷས་བྱིན་ལ་འདི་སྐད་ཅེས་སྨྲས་སོ། །ལྷས་བྱིན་གཟུགས་ཚུལ་བཞིན་ཡིད་ལ་གྱིས་ཤིག་དང་ཁྱོད་ལ་རྫུ་འཕྲུལ་དང་གཞན་ཡང་འབྱུང་བར་འགྱུར་རོ། །རྣམ་པར་ཤེས་པའི་བར་ཚུལ་བཞིན་ཡིད་ལ་གྱིས་ཤིག་དང་ཁྱོད་ལ་རྫུ་འཕྲུལ་
D5.009.0134b02.01དང་གཞན་ཡང་འབྱུང་བར་འགྱུར་རོ་ཞེས་བྱ་བ་ནས། ལྷས་བྱིན་གྱིས་འོད་སྲུང་སྟོབས་བཅུ་པ་ལས་རྫུ་འཕྲུལ་བསྒྲུབས་ཏེ་དེ་གཅིག་ཏུ་གྱུར་ནས་དུ་མར་འགྱུར་ཞེས་བྱ་བའི་བར་དུའོ། །རེ་ཞིག་ན་སེམས་ཡོངས་སུ་གཏུགས་པ་དེ་ལ་འདོད་པ་སྡིག་པ་ཅན་དུ་གྱུར་
D5.009.0134b03.01པ་འདི་ལྟ་བུ་བྱུང་སྟེ། ད་ལྟར་བཅོམ་ལྡན་འདས་བགྲེས་འཁོགས་གཏུགས་པས་འཁོར་བཞི་པོ་ལ་གདམས་པར་མཉེལ་བས། ཀྱེ་མ་བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་གཏད་དེ། བདག་གིས་དགེ་སློང་གི་དགེ་འདུན་ཡོངས་སུ་
D5.009.0134b04.01དྲུང་ཞིང་བཅོམ་ལྡན་འདས་ནི་མཐོང་བའི་ཆོས་ལ་བདེ་བར་གནས་པའི་རྣལ་འབྱོར་ལ་རྗེས་སུ་བརྩོན་ཞིང་ཐུགས་ལས་ཆུང་ངུར་བཞུགས་ཀྱང་ཅི་མ་རུང་སྙམ་མོ། །ཇི་ཙམ་ན་ལྷས་བྱིན་བཅོམ་ལྡན་འདས་ག་ལ་བ་དེར་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་
D5.009.0134b05.01བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ད་ལྟར་བགྲེས་འཁོགས་ཞེས་བྱ་བ་ནས་མཐོང་བའི་ཆོས་ལ་བདེ་བར་གནས་པའི་རྣལ་འབྱོར་ལ་རྗེས་སུ་བརྩོན་ཞིང་ཞེས་བྱ་བའི་བར་དུའོ། །དེ་སྐད་ཅེས་གསོལ་པ་དང་། བཅོམ་
D5.009.0134b06.01ལྡན་འདས་ཀྱིས་ལྷས་བྱིན་ལ་འདི་སྐད་ཅེས་བཀའ་སྩལ་ཏོ། །སྐྱེས་བུ་གཏི་མུག་ངས་རེ་ཞིག་ཚངས་པ་མཚུངས་པར་སྤྱོད་པ་དེས་པ་ཤཱ་རིའི་བུ་དང་། མཽད་གལ་གྱི་བུ་དག་ལ་ཡང་དགེ་སློང་གི་དགེ་འདུན་མི་གཏད་ན་མཆིལ་མ་འཐུང་བ་རོ་ཁྱོད་ལ་ལྟ་སྨོས་ཀྱང་ཅི་དགོས།
D5.009.0134b07.01