完整藏文原文 · 德格版页 当前仅加载第 9 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
སྤང་བའི་ལྟུང་བྱེད་དོ། །གལ་ཏེ་བྱས་པ་རྙེད་ན་ལོངས་སྤྱད་པ་ནི་ལྟུང་བ་མེད་དོ། །སྤང་བའི་ལྟུང་བྱེད་དགུ་པ་རྫོགས་{སྷོ,སོ}།། །།གླེང་གཞི་ནི་རྒྱལ་པོའི་ཁབ་ནའོ། །གང་གི་ཚེ་བཅོམ་ལྡན་འདས་ཀྱིས་གཙུག་ན་ནོར་བུའི་མདོ་ལས་འབྱུང་བའི་ངོ་བོ་ལ་
D5.009.0169b01.01བརྟེན་ནས། གསེར་དང་དངུལ་ལེན་པའི་བསླབ་པའི་གཞི་བཅའ་བ་མཛད་པ་དེའི་ཚེ་ཡང་བཅུ་གཉིས་སྡེ་རྣམས་ཀྱིས་དེའི་ཚེ་གསེར་དང་། དངུལ་རང་གི་ལག་གིས་ལེན་པར་བྱེད། ལེན་དུ་འཇུག་པར་བྱེད་པ་དང་། དགེ་སློང་མ་དོན་ཉུང་བ་དག་སྨོད་པར་བྱེད་
D5.009.0169b02.01པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རང་གི་ལག་གིས་གསེར་དང་། དངུལ་ལེན་པར་
D5.009.0169b03.01བྱེད་དམ་ལེན་དུ་འཇུག་ན་སྤང་བའི་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་སྔ་མ་བཞིན་ནོ། །རང་གི་ལག་གིས་ཞེས་བྱ་བ་ནི་བདག་ཉིད་ཀྱིའོ། །གསེར་དང་དངུལ་ཞེས་བྱ་བ་ནི་དབྱིག་དང་། གསེར་རོ། །ལེན་པར་བྱེད་དམ་ཞེས་བྱ་བ་ནི་བདག་
D5.009.0169b04.01ཉིད་ཀྱིས་སོ། །ལེན་དུ་འཇུག་ན་ཞེས་བྱ་བ་ནི་གཞན་གྱིས་སོ། །སྤང་བའི་ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གཞི་{བཅྭ་,བཅོ་}བརྒྱད་ཀྱིས་ཏེ། འདི་ལོང་ཤིག །འདི་ནས་ལོང་ཤིག །འདི་ཙམ་ལོང་ཤིག་
D5.009.0169b05.01ཅེས་བྱ་བ་དང་། འདི་ཁྱེར་ཏེ་ཤོག །འདི་ནས་ཁྱེར་ཏེ་ཤོག །འདི་ཙམ་ཁྱེར་ཏེ་ཤོག་ཅེས་བྱ་བ་དང་། འདི་ཞོག་ཅིག །འདིར་ཞོག་ཅིག །འདི་ཙམ་ཞོག་ཅིག་ཅེས་བྱ་བ་དང་། དེ་ལོང་ཤིག །དེ་ནས་ལོང་ཤིག །དེ་ཙམ་ལོང་ཤིག་ཅེས་བྱ་བ་དང་།
D5.009.0169b06.01དེ་ཁྱེར་ཤོག །དེ་ནས་ཁྱེར་ཏེ་ཤོག །དེ་ཙམ་ཁྱེར་ཤོག་ཅེས་བྱ་བ་དང་། དེ་ཞོག་ཅིག །དེར་ཞོག་ཅིག །དེ་ཙམ་ཞོག་ཅིག་ཅེས་བྱ་བ་སྟེ། འདི་ལོང་ཤིག་ཅེས་བྱ་བ་ནི་དབྱིག་གམ། གསེར་རོ། །འདི་ནས་ལོང་ཤིག་ཅེས་བྱ་བ་ནི་ལྕགས་ཟངས་ནས་
D5.009.0169b07.01