完整藏文原文 · 德格版页 当前仅加载第 9 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའམ། དེ་ལྟ་མོད་ཀྱི་ཕུ་ནུ་མོ་ཁྱོད་ཚུལ་ཁྲིམས་དང་ལྡན་པ་ལ་མཆིད་སྩལ་བ་ནི་བསོད་ནམས་མ་ཡིན་པ་མང་དུ་བསགས་ནས་བྲན་མོར་གྱུར་པའི་ས་བོན་སྐྱེད་དམ། གཞན་ཡང་ཁྱོད་ཀྱིས་རབ་ཏུ་བྱུང་བ་ཁྱིམ་གྱི་གོ་རེ་ལོང་བྱེད་པ་མཐོང་བའམ་ཐོས་པ་སུ་
D5.009.0305a01.01ཡོད། དེས་འདི་སྐད་ཅེས་སྨྲས་སོ། །སྦོམ་དགའ་མོ་ལགས་སོ། །སྐྱེ་དགུའི་བདག་མོ་ཆེན་མོས་ཀྱང་འདི་སྐད་ཅེས་དེ་ཁོ་ནས་བདག་ཅག་ལ་ཡང་གནས་སྐབས་འདི་བྱུང་ངོ་ཞེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ། བཅོམ་ལྡན་
D5.009.0305a02.01འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་གྱི་གོ་རེ་ལོང་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཁྱིམ་གྱི་གོ་རེ་ལོང་ཞེས་བྱ་བ་ནི་
D5.009.0305a03.01རང་གི་ཁྱིམ་གྱི་བྱ་བ་བྱེད་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁྱིམ་གྱི་གོ་རེ་ལོང་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་བཞི་པའི་དང་པོ་རྫོགས་{སྷོ,སོ}།། །།གླེང་
D5.009.0305a04.01གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་དགེ་སློང་མ་རྣམས་ལ་ལུང་ཀློག་ཏུ་འཇུག་པ་ན་དེའི་ཕྱི་བཞིན་དགེ་སློང་མ་རྣམས་སྟན་སྐྱེད་དུ་བཅུག་ཅིང་འདི་སྐད་ཅེས་ཁྱེར་ལ་གནས་ག་གེ་མོ་ཞིག་ཏུ་ཐོང་ཤིག་ཅེས་སྒོ་བར་བྱེད་པ་དང་། དགེ་སློང་མ་རྣམས་ཀྱིས་ཁྱེད་དགེ་སློང་མ་
D5.009.0305a05.01རྣམས་སྟན་སྐྱེད་དུ་བཅུག་ཅིང་ཉམས་སུ་མྱོང་བར་བྱེད་པ་ན་བསོད་ནམས་མ་ཡིན་པ་མང་དུ་སྐྱེད་དོ། །ཞེས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་
D5.009.0305a06.01བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མ་རྣམས་ལས་སྟན་སྐྱེད་པ་ཉམས་སུ་མྱོང་བར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །དགེ་སློང་མ་རྣམས་ཞེས་བྱ་བ་ནི་ཆོས་འདི་པའོ་ལས་ཞེས་བྱ་བ་ནི་ལས་སོ། །སྟན་ཞེས་བྱ་བ་ནི་ཁྲིའུ་དག་གོ། །
D5.009.0305a07.01