完整藏文原文 · 德格版页 当前仅加载第 9 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མཚམས་ཀྱི་ཕྱི་རོལ་དུ་བྱུང་ན་ཉེས་བྱས་སོ། །དེ་བཞིན་དུ་ཡིད་གཉིས་ཟ་ན་ཉེས་བྱས་སོ། །ལྟུང་བྱེད་ཉི་ཤུ་གསུམ་པའི་གཉིས་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་ཆགས་པས་སྐྱེས་པ་འདོད་ནས་དེ་སྤོས་
D5.009.0303a01.01འཚོང་གི་ཁྱེའུ་ཞིག་གི་དྲུང་དུ་སོང་སྟེ་ཕྱིན་ནས་འདི་སྐད་ཅེས་སྨྲས་སོ། །བཞིན་{བཟངས་,བཟང་}རིག་པ་ཅུང་ཟད་ཀློག་གམ། དེས་འདི་སྐད་ཅེས་སྨྲས་ཏེ་ཀློག་གོ། །སྦོམ་དགའ་མོས་འདི་སྐད་ཅེས་སྨྲས་ཏེ། ཐོན་ཅིག་དང་བཀླག་གོ། །དེས་འདི་སྐད་ཅེས་སར་ཕུ། བི་སི་རི་ཕུ། སི་རི་
D5.009.0303a02.01བི་སྭཱ་ཧཱ། ཞེས་སྨྲས་སོ། །སྦོམ་དགའ་མོས་འདི་སྐད་ཡང་དང་ཡང་དུ་བརྗོད་ཅིག་ཅེས་སྨྲས་པ་དང་། ཇི་ཙམ་ན་ཁྲོས་ནས་མགོ་རེག་མོ་ངན་པ་ཞེས་སྤྱོས་སོ། །ཕྱི་བཞིན་འབྲང་བའི་དགེ་སྦྱོང་མས་འདི་སྐད་ཅེས་སྨྲས་སོ། །འདི་ལྟར་ཁྱོད་ཀྱིས་ཚིག་གཉིས་ཀྱང་མི་ཟིན་ན་ཇི་ལྟར་
D5.009.0303a03.01ཁྱོད་ཀྱིས་སྡེ་སྣོད་གསུམ་བཟུང་། དེས་འདི་སྐད་ཅེས་སྨྲས་སོ། །ཁོ་མོས་བརྗོད་པ་དང་པོ་ལ་བཟུང་ཟིན་མོད་ཀྱི་ཚིག་ཙམ་རང་གིར་བྱེད་དོ། །ཕྱི་བཞིན་འབྲང་བའི་དགེ་སྦྱོང་མས་འདི་སྐད་ཅེས་འཕགས་མ་ཁྱོད་འདོད་ཆགས་ཀྱིས་རབ་ཏུ་མ་འབར་བ་ངོ་མཚར་ཏོ་ཞེས་སྨྲས་པའི་སྐབས་
D5.009.0303a04.01དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་པ་ལས་རིག་པ་ཀློག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་
D5.009.0303a05.01མོའོ། །ཁྱིམ་པ་ལས་ཞེས་བྱ་བ་ནི་ཁྱིམ་ན་གནས་པ་ལས་སོ། །རིག་པ་ཞེས་བྱ་བ་ནི་སེལ་བར་བྱེད་པའོ། །ཀློག་ན་ཞེས་བྱ་བ་ནི་ཀུན་ཆུབ་པར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁྱིམ་
D5.009.0303a06.01པ་ལས་རིག་པ་ཀློག་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་གསུམ་པའི་གསུམ་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་སྐྱེས་པ་ཞིག་རིག་པ་ཀློག་ཏུ་བཅུག་ནས་ཀྱེ་ནང་རྗེ་སི་རི་ཕུ། བི་སི་རི་ཕུ། སི་རི་བི་སི་རི་ཕུ་
D5.009.0303a07.01