完整藏文原文 · 德格版页 当前仅加载第 9 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བཅོལ་བར་དེའི་འོག་ཏུ་དོང་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་ཆོས་འདི་པའོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་མའི་དགེ་འདུན་གྱིའོ། །གཙུག་ལག་ཁང་ཞེས་བྱ་བ་ནི་གང་དུ་སྤྱོད་ལམ་
D5.009.0216b01.01བཞི་ཤོང་བའོ། །ཁྲི་ཞེས་བྱ་བ་ནི་ཉལ་བའིའོ། །ཁྲིའུ་ཞེས་བྱ་བ་ནི་འདུག་པའིའོ། །སྟན་ནང་ཚངས་ཅན་ཞེས་བྱ་བ་ནི་ཤིང་བལ་ཅན་ནོ། །ལ་བ་ཞེས་བྱ་བ་ནི་ལ་བའོ། །སྔས་ཞེས་བྱ་བ་ནི་སྔས་སུ་གཞུག་པའོ། །གོར་བུ་ཞེས་བྱ་བ་ནི་གྲུ་བཞིའོ། །བླ་གབ་མེད་
D5.009.0216b02.01པར་ཞེས་བྱ་བ་ནི་བར་སྣང་ངོ་། །བཏིང་བ་ཞེས་བྱ་བ་ནི་རང་ཉིད་ཀྱིས་སོ། །འདིང་དུ་བཅུག་པ་ཞེས་བྱ་བ་ནི་གཞན་ནོ། །མ་བསྡུས་སམ་ཞེས་བྱ་བ་ནི་རང་གིས་སོ། །སྡུད་དུ་མ་བཅུག་པར་ཞེས་བྱ་བ་ནི་གཞན་ནོ། །དེའི་འོག་ཏུ་དོང་ན་ཞེས་བྱ་བ་ནི་ཉེན་ཀོར་སྤངས་ནས་
D5.009.0216b03.01སོ། །གནས་མལ་གྱི་ཉེན་ཀོར་གང་ཞེ་ན། བཅོམ་ལྡན་འདས་ཀྱིས་བཀའ་སྩལ་པ། འདོམ་བཞི་བཅུ་རྩ་དགུའོ། །ཕན་ཕུན་དུ་གྱུར་ན་ལྟུང་བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་
D5.009.0216b04.01ཞུས་པ། བཙུན་པ་གནས་མལ་ཕན་ཕུན་དུ་འགྱུར་བ་དུ་མཆིས། ཉེ་བ་འཁོར་གཉིས་ཏེ། གཉིས་གང་ཞེ་ན། ཆར་གྱིས་ཕན་ཕུན་དུ་འགྱུར་བ་དང་། རླུང་གིས་ཕན་ཕུན་དུ་འགྱུར་བའོ། །ཆར་གྱིས་ཕན་ཕུན་དུ་འགྱུར་བ་གང་ཞེ་ན། ཉེ་བ་འཁོར་གལ་ཏེ་ཆར་
D5.009.0216b05.01གྱི་ཆུས་གནས་མལ་རིམ་པ་གཉིས་བརླན་པར་གྱུར་ན་ལྟུང་བྱེད་དུ་འགྱུར་རོ། །མ་བརླན་ན་ཉེས་བྱས་ཏེ་འདི་ནི་ཆར་གྱིས་ཕན་ཕུན་དུ་འགྱུར་བ་ཞེས་བྱའོ། །གལ་ཏེ་རླུང་གིས་རིམ་པ་གཉིས་བཟློག་པར་གྱུར་ན་ལྟུང་བྱེད་དུ་འགྱུར་རོ། །མ་བཟློག་ན་ཉེས་བྱས་སོ། །གལ་ཏེ་
D5.009.0216b06.01ལམ་དུ་ཞུགས་པ་ན་དྲན་ན་དེས་སེམས་བསྐྱེད་པར་བྱ་ཞིང་ཚིག་ཏུ་ཡང་བདག་གིས་གནས་འདི་འདྲ་བ་ཞིག་ཏུ་གནས་མལ་བཞག་པ་ཚངས་པ་མཚུངས་པར་སྤྱོད་པ་རྣམས་ཀྱིས་བརྟུལ་གྲང་ཞེས་བརྗོད་པར་བྱ་ལ། ལྟུང་བ་དེ་ཡང་སླར་ཆོས་བཞིན་བྱའོ། །ལམ་དུ་དགེ་སློང་མ་
D5.009.0216b07.01