完整藏文原文 · 德格版页 当前仅加载第 9 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཤིང་བལ་འདིང་ངམ། འདིང་དུ་འཇུག་ན་བསྡུས་ན་ལྟུང་བྱེད་དོ། །ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་མའི་དགེ་འདུན་གྱིའོ། །ཁྲི་ཞེས་བྱ་བ་ནི་ཉལ་བའིའོ། །ཁྲིའུ་ཞེས་བྱ་བ་ནི་ཁྲིའུ་ཉིད་དོ། །
D5.009.0264b01.01ཤིང་བལ་ཞེས་བྱ་བ་ལ་ཤིང་བལ་ནི་ལྔ་སྟེ། ལྔ་གང་ཞེ་ན། ཨར་ཀའི་ཤིང་བལ་དང་། ཤལ་མ་ལིའི་ཤིང་བལ་དང་། ཀ་སའི་ཤིང་བལ་དང་། ལུག་གི་བལ་དང་། ལྔ་པ་ཉིད་ནི་ཤ་ནའི་ཤིང་བལ་ལོ། །འདིང་ངམ། འདིང་དུ་འཇུག་ན་ལྟུང་བྱེད་དོ་ཞེས་བྱ་བ་ནི་གོང་མ་
D5.009.0264b02.01བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་འདུན་གྱི་ཁྲིའམ་ཁྲིའུ་ཞེས་བྱ་བ་ནས། འདིང་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །དེ་ལྟ་མོད་ཀྱི་གང་གི་མདུན་དུ་འཆགས་པར་བྱེད་པ་དེས་བསྡུས་སམ། མ་བསྡུས་ཞེས་དྲི་
D5.009.0264b03.01བར་བྱ་སྟེ། གཞན་ནི་སྔ་མ་བཞིན་ནོ། །ལྟུང་བྱེད་བདུན་པའི་དྲུག་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེའི་ཚེ་དགེ་སློང་མ་རྣམས་ལ་འདི་ལྟ་བུའི་གདིང་བ་མང་པོ་བྱུང་སྟེ། གདིང་བ་འདི་ནི་ཧ་ཅང་རིང་ཆེས་སོ་ཞེས་དེ་བོར་ནས་གཞན་བྱེད་དུ་
D5.009.0264b04.01འཇུག་གདིང་བ་འདི་ནི་ཧ་ཅང་ཐུང་ཆེས་སོ་ཞེས་དེ་བོར་ཏེ་གཞན་བྱེད་དུ་འཇུག །དེ་བཞིན་དུ་ཧ་ཅང་རྒྱ་ཆེ་བ་དང་། ཧ་ཅང་ཆུང་བ་སྟེ། དེ་དག་དེ་ལྟ་བུ་བྱེད་པས་བྱ་བ་མང་ཞིང་། བྱེད་པ་མང་བས་ལུང་མནོད་པ་དང་། ཀློག་པ་དང་། ཁ་ཏོན་དང་། རྣལ་འབྱོར་དང་། ཡིད་ལ་བྱེད་
D5.009.0264b05.01པ་དང་། ནང་གི་སེམས་ཀྱི་ཞི་གནས་དག་གཏོང་བ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། དགེ་སློང་མས་གདིང་བ་
D5.009.0264b06.01བྱེད་ན་ཚད་བཞིན་དུ་བྱེད་དུ་གཞུག་གོ། །དེ་ལ་གདིང་བའི་ཚད་ནི་འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་དོའོ་ཞེང་དུ་ཕྱེད་དང་དོའོ། །སྲིད་དུ་མཐོ་གང་གིས་སྲིངས་ཤིག །དེ་ལས་ལྷག་པར་བྱེད་ན་བཅད་ནས་ལྟུང་བྱེད་དོ། །གདིང་བ་ཞེས་བྱ་བ་ནི་གདིང་བའོ། །
D5.009.0264b07.01