完整藏文原文 · 德格版页 当前仅加载第 9 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་པའམ། ཚིག་ཏུ་སྨྲ་བར་བྱེད་པའམ་གཉི་ག་ལྡན་པས་ཏེ། སྤང་བའི་ལྟུང་བྱེད་ལས་ཇི་སྐད་འབྱུང་བ་ཡིན་ནོ། །ལྟུང་བྱེད་བཅུ་གསུམ་པའི་གསུམ་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེའི་ཚེ་འཆི་ལྟས་མ་དང་། ཉེ་བའི་འཆི་ལྟས་
D5.009.0278a01.01མ་ཁྲི་གཅིག་ལ་ཉལ་བར་བྱེད་དོ། །དེ་གཉིས་ཁྲི་གཅིག་ལ་ཉལ་བ་ན་དཔེར་ན་སྐྱེས་པ་དང་། བུད་མེད་ལྷན་ཅིག་འཁོད་པ་བཞིན་དུ་དགོད་པ་དང་། འཕྱར་གཡེང་དང་། ལུས་ཀྱིས་རྩབ་ཧྲལ་བྱེད་པ་ན་དོན་ཉུང་བའི་དགེ་སློང་མ་རྣམས་འཕྱ་བར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །
D5.009.0278a02.01དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མ་དང་ལྷན་ཅིག་ཁྲི་གཅིག་ལ་ཉལ་ན་ལྟུང་བྱེད་དོ། །ཡང་གང་ཞེས་བྱ་བ་ནི་འཆི་ལྟས་མ་དང་། ཉེ་བའི་འཆི་ལྟས་མའོ། །ཁྲི་གཅིག་ལ་ཞེས་བྱ་བ་ནི་
D5.009.0278a03.01མལ་གཅིག་ཏུའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མ་དང་ལྷན་ཅིག་ཁྲི་གཅིག་ལ་ཉལ་ན་ཐམས་ཅད་དུ་ལྟུང་བྱེད་དུ་འགྱུར་རོ། །དེ་ནས་ཡང་དགེ་སློང་མ་དག་རྒྱུ་ཞིང་དོང་བ་ན་ཁྲི་ཆེན་པོ་དག་རྙེད་ནས་
D5.009.0278a04.01དེ་དག་རེ་རེ་བཟུང་སྟེ་ཉལ་བ་ན་ལྷག་མ་དག་སྡུག་བསྔལ་བར་གྱུར་པ་དང་། ཁྱིམ་པ་མོ་དག་གིས་འདི་སྐད་ཅེས་སྨྲས་སོ། །འཕགས་མ་དག་ཁྱེད་ཅག་གི་ཁྲི་འདི་ཐམས་ཅད་ཞུགས་ཤིང་ལགས་ན། ཅིའི་སླད་དུ་ཁྱེད་ཅག་རེ་རེ་གཟིམས། དེ་དག་གིས་འདི་སྐད་ཅེས་བཅོམ་ལྡན་འདས་
D5.009.0278a05.01ཀྱིས་བཀག་གོ་ཞེས་སྨྲས་པའི་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལྷག་པར་ངོ་ཚ་བ་དང་། འཛེམ་པ་ཉེ་བར་བཞག་སྟེ་གཏུར་བུ་དང་ལྷུང་བཟེད་ཀྱི་གདུ་བུ་ལ་སོགས་པ་བར་དུ་བཞག་ནས་རང་རང་གི་ལུས་གོས་ཀྱིས་
D5.009.0278a06.01དཀྲིས་ཤིང་ཉལ་བར་བྱ་སྟེ། འདི་ལ་འགྱོད་པར་མི་བྱའོ། །ལྟུང་བྱེད་བཅུ་གསུམ་པའི་བཞི་པ་རྫོགས་{སྷོ,སོ}།། །།དེ་བཞིན་དུ་གདིང་བ་ལ་ཡང་རྒྱས་པར་བརྗོད་པར་བྱའོ། །བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མ་དང་ལྷན་ཅིག་གདིང་བ་
D5.009.0278a07.01