完整藏文原文 · 德格版页 当前仅加载第 9 函德格 312a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་དེས་སྐྱེས་པ་ད་ཕྲག་པ་ལ་ཞོན་པ་དང་། དེ་ནས་གཙུག་དགའ་མོས་འདི་སྙམ་དུ་སེམས་ཏེ། བདག་དགེ་སློང་མ་རྣམས་ཀྱི་སྣ་ལ་འགྲོ་བ་གང་ཅི་ཡང་རུང་བ་དེ་ཐམས་ཅད་ནི་ཚུལ་ཁྲིམས་ཙམ་གྱིས་ཡིན་ན། གལ་ཏེ་བདག་དགེ་སློང་མའི་དངོས་པོ་ཞིག་པར་གྱུར་ན་བདག་གིས་
D5.009.0312a01.01ཚིག་ཙམ་ཡང་སྨྲ་བར་ག་ལ་ནུས་ཏེ་ཇི་སྐད་དུ། གཙང་མས་འཇིག་རྟེན་ཟིལ་གནོན་ཏེ། །བཙོག་པས་འཇིག་རྟེན་ཟིལ་མི་གནོན། །ཅེས་ཟེར་བ་ལྟ་བུའོ་སྙམ་དུ་བསམས་ནས། གཙུག་དགའ་མོས་ཁྲོས་ཏེ་འཕགས་མ་ཆོམ་རྐུན་པས་ཁྲིད་དོ་ཞེས་སྨྲས་པ་དང་། སྐྱེས་པ་དེས་ཕྲག་པ་
D5.009.0312a02.01ལས་ས་ལ་མཆོངས་ཏེ། འདི་སྐད་ཅེས་མགོ་རེག་མོ་ངན་པ་རང་གིས་བརྡ་བྱས་ལ་འདི་སྐད་ཅེས་ཆོམ་རྐུན་པས་ཁྲིད་དོ་ཞེས་སྨྲའམ་ཞེས་སྨྲས་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་
D5.009.0312a03.01ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གཅིག་པུ་ཆབ་ཀུང་སར་འགྲོ་ན་ལྟུང་བྱེད་དོ། །ཡང་གང་ཞེས་བྱ་བ་ནི་གཙུག་དགའ་མོའོ། །གཅིག་པུ་ཞེས་བྱ་བ་ནི་གཉིས་པ་ཤོས་མེད་པར་རོ། །ཆབ་ཀུང་སར་འགྲོ་ན་ཞེས་བྱ་བ་ནི་བཤང་བའི་སར་
D5.009.0312a04.01རོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གཅིག་པུ་ཆབ་ཀུང་སར་འགྲོ་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་བརྒྱད་པའི་དང་པོའོ།། །།གླེང་གཞི་ནི་མཉན་ཡོད་ནའོ། །དེ་ནས་བཅུ་གཉིས་སྡེ་དག་པུ་
D5.009.0312a05.01ཤེལ་ཙེས་སྐྲ་འཆོས་ཤིང་མཉམ་པར་འཆང་བ་ན་དགེ་སློང་མ་རྣམས་ཀྱིས་འདི་སྐད་ཅེས་སྨྲས་སོ། །ཕུ་ནུ་མོ་དག་འདི་ཅི་བྱེད། དེ་དག་གིས་འདི་སྐད་ཅེས་སྨྲས་སོ། །སྐྲ་མ་འཛིངས་པར་བསྐྱེད་མོད། དགེ་སློང་མ་རྣམས་ཀྱིས་འདི་སྐད་ཅེས་ཁྱེད་ཅག་དེ་ལྟར་བྱེད་པ་ནི་སྐྲ་མ་ཡིན་གྱི་ཉོན་མོངས་
D5.009.0312a06.01པ་བསྐྱེད་དོ། །ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མས་གང་པུ་ཤེལ་ཙེས་སྐྲ་བྱི་དོར་བྱེད་ན་ལྟུང་བྱེད་དོ། །ཡང་གང་
D5.009.0312a07.01