完整藏文原文 · 德格版页 当前仅加载第 9 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
འཚོའི་བར་དུ་རུང་བ་རྣམས་དང་། ཅི་དང་ཅིས་བྲེལ་བ་དེ་དང་དེས་མི་བྲེལ་བར་བསྙེན་བཀུར་བྱའོ་ཞེས་སྨྲ་བ་ན། ཕུ་ནུ་མོ་གནས་ནས་ཕྱུང་བའི་རྗེས་སུ་ཕྱོགས་པ་དང་། མི་མཐུན་པར་བྱ་བའི་ཕྱིར་སྨྲ་བ་འདི་ལྟ་བུ་འདི་ཐོང་ཤིག་ཅེས་དེ་སྐད་བསྒོ་བར་བྱའོ། །གལ་ཏེ་དགེ་
D5.009.0086b01.01སློང་མ་རྣམས་ཀྱིས་དགེ་སློང་མ་དེ་ལ་འདི་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་གཏོང་བར་མི་བྱེད་ན་གཞི་དེ་གཏང་བར་བྱ་བའི་ཕྱིར་ལན་གཉིས་ལན་གསུམ་གྱི་བར་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་
D5.009.0086b02.01གསུམ་གྱི་བར་དུ་ཡང་དག་པར་བསྒོ། །ཡང་དག་པར་བསྟན་པ་ན་གཞི་དེ་གཏོང་བ་དེ་ལྟ་ན་ལེགས། གལ་ཏེ་གཏོང་བར་མི་བྱེད་ན་དགེ་སློང་མ་དེ་ཡང་གནས་ནས་ཕྱུང་བའི་རྗེས་སུ་འཇུག་པའི་ཕྱིར་ཕས་ཕམ་པར་གྱུར་པ་ཡིན་པས་གནས་པར་མི་བྱའོ། །ཡང་དགེ་
D5.009.0086b03.01སློང་མ་གང་ཞེས་བྱ་བ་ནི་བཅུ་གཉིས་སྡེའོ། །དགེ་སློང་གང་ཞིག་ཅེས་བྱ་བ་ནི་འཐབ་མོ་བྱེད་པ། མི་བདེ་བར་བྱེད་པ་གྲེ་སྐྱེས་སོ། །དགེ་འདུན་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནོ། །གནས་ནས་དབྱུང་བའི་ལས་བྱས་པ་ཞེས་བྱ་བ་ནི་
D5.009.0086b04.01གསོལ་བ་དང་བཞིའི་ལས་ཀྱིས་སོ། །དགེ་སློང་མའི་དགེ་འདུན་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་མའོ། །ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་བ་ཞེས་བྱ་བ་ནི་གསོལ་བ་དང་ལས་གཉིས་ཀྱིས་སོ། །དགེ་སློང་དེ་ཞེས་བྱ་བ་ནི་གྲེ་སྐྱེས་
D5.009.0086b05.01སོ། །སྐྲ་འགྲེང་བར་གྱུར། སྤུ་ལངས་པར་གྱུར་པ་ལས་དགེ་འདུན་ལ་སྤུ་སྙོལ་བར་བྱེད་ཅེས་བྱ་བ་ནས། ཤེས་བཞིན་དུ་ཞེས་བྱ་བ་ནི་བདག་ཉིད་ཀྱིས་མཐོང་བའམ། དེ་ལ་གཞན་གྱིས་སྨྲས་པར་གྱུར་ནས་སོ། །དེ་ལྟ་བས་ན་འཐབ་མོ་བྱེད་པ་མ་བཏང་ཞིག་
D5.009.0086b06.01ཅེས་བྱ་བ་ནི་ཞི་བར་མ་བྱེད་ཅིག་ཅེས་བྱ་བའི་ཐ་ཚིག་གོ། །སྨྲས་ན་ཞེས་བྱ་བ་ནི་ཟེར་ནའོ། །འཕགས་པ་ཁྱོད་ཅེས་བྱ་བ་ནི་སྐྲ་འགྲེང་བ་སྤུ་ལངས་པ་གྲེ་སྐྱེས་སོ། །དགེ་འདུན་ལ་སྤུ་སྙོལ་བར་མ་བྱེད་ཅིག་ཅེས་བྱ་བ་ནས་འཐབ་མོ་བྱེད་པ་མ་བཏང་ཞིག་ཅེས་བྱ་བའི་བར་ནི་དགེ་འདུན་
D5.009.0086b07.01