完整藏文原文 · 德格版页 当前仅加载第 9 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། ཟས་མཁུར་བ་སྤོ་བར་མི་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ཁམ་ཕྱེད་བཅད་ཅིང་ལྕེའི་གྲྭར་བཞག་སྟེ། ཕན་ཚུན་དུ་སྟོན་ཅིང་སླར་ཡང་མིད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཁ་ཟས་ལ་ལྕེ་
D5.009.0322b01.01ཕྱིར་དབྱུང་བར་མི་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ཟས་ཀྱི་ཁམ་སོས་བཅད་ནས་དེ་དག་ལས་ཁམ་གཅིག་ནི་ཁར། གཉིས་པ་ནི་ལག་པར་གསུམ་པ་ནི་ལྷུང་བཟེད་དུ་འཇོག་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། འབྲུ་རེ་ནས་བསལ་བར་
D5.009.0322b02.01མི་བྱ་བ་དང་། བསྔགས་པ་དང་སྐྱོན་མི་གདགས་པ་དང་། མཁུར་བར་མི་སྤོ་བ་དང་། ལྕེ་མི་དབྱུང་བ་དང་། ཁམ་འཕྲོ་མི་བཅད་པར་ཟས་བཟའ་བར་བསླབ་པར་བྱའོ། །ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ཁ་ཟས་ཡོད་བཞིན་དུ་ལག་པ་ལ་ལྡག་པར་བྱེད་པ་ནས། བཅོམ་
D5.009.0322b03.01ལྡན་འདས་ཀྱིས་བཀའ་སྩལ་པ། ལག་པ་ལ་བལྡག་པར་མི་བྱའོ། །ཞེས་བྱ་བའི་བར་རོ། །དེ་བཞིན་དུ་ལྷུང་བཟེད་བྱོག་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་བྱོག་པར་མི་བྱའོ་ཞེས་བྱ་བའི་བར་རོ། །དེ་ནས་སྦོམ་དགའ་མོ་ཁ་ཟས་ཁར་བཅུག་ནས་
D5.009.0322b04.01ལག་པ་སྤྲུག་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ལག་པ་སྤྲུག་པར་མི་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ཁྱིམ་ཞིག་ཏུ་མགྲོན་དུ་བོས་པ་ན་དེ་ནས་སྦོམ་དགའ་མོས་ཕྱེ་དག་རྙེད་པ་དང་། ལྷུང་བཟེད་བསྐྱམས་ནས་འདི་སྐད་ཅེས་
D5.009.0322b05.01ཁོ་མོའི་ལྷུང་བཟེད་འདི་བླངས་པ་ཡིན་གྱིས་ལུགས་ཤིག་ལུགས་ཤིག་ཅེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་བསྐྱམ་པར་མི་བྱའོ་ཞེས་བྱ་བའི་བར་རོ། །དེ་ནས་ཡང་ཁྱིམ་བདག་ཅིག་གིས་ཁྱིམ་དུ་དགེ་སློང་མའི་དགེ་འདུན་མགྲོན་དུ་བོས་ནས་དེས་
D5.009.0322b06.01བཅའ་བ་དང་བཟའ་བ་བསོད་པ་རབ་ཏུ་མང་པོ་དག་སྟ་གོན་བྱས་སོ། །ཡང་བཅུ་གཉིས་སྡེ་དག་གི་ནང་ན་དགེ་སློང་མ་རབ་ཏུ་བྱུང་བ་རྒན་མོ་ཞིག་འདུག་གོ། །ཁྱིམ་བདག་དེས་ཀྱང་ཐོག་མར་དགེ་སློང་མའི་དགེ་འདུན་ལ་ཞུན་མར་དང་ཕྱེ་དག་བྲིམས་པ་ལས་དེ་ནས་བཅུ་གཉིས་སྡེ་དག་
D5.009.0322b07.01