完整藏文原文 · 德格版页 当前仅加载第 9 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་གཉིས་པ་ཡིན་ནོ། །གཞན་ཡང་དགེ་སློང་དག་འདི་ལ་གང་ཟག་གཅིག་ནི་བདག་ཉིད་མི་ཚངས་པར་སྤྱོད་པ་བྱེད་ལ། གཞན་དག་ལ་ཡང་གཞི་མེད་པར་མི་ཚངས་པར་སྤྱོད་པའི་ཆོས་ཀྱིས་སྐུར་པ་འདེབས་པར་བྱེད་
D5.009.0111b01.01པ་སྟེ། དགེ་སློང་དག་དེ་མ་སྤངས་ན་གང་ཟག་འདི་ནི་ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་གསུམ་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་
D5.009.0111b02.01འདི་སྐད་བཀའ་སྩལ་ཏོ། །སྐྱེས་བུ་སྐྱེས་པའི་ཁ་ནས་ནི། །ངག་གིས་ཚིག་ངན་རྗོད་བྱེད་པའི། །སྟ་རེ་འབྱུང་ཞིང་དེ་ཡིས་ནི། །བདག་ཉིད་གཅོད་པར་བྱེད་པར་འགྱུར། །གང་ཞིག་སྨད་བྱ་སྟོད་བྱེད་ཅིང་། །བསྟོད་བྱ་རྣམས་ལ་སྨོད་བྱེད་པ། །དེ་ཡི་ཁ་
D5.009.0111b03.01ནས་ཕུང་ཁྲོལ་སྐྱེད། །ཕུང་ཁྲོལ་ཅན་གྱིས་བདེ་མི་མྱོང་། །གང་འདིར་ཆོ་ལོས་རང་ནོར་ཟད་བྱེད་པ། །དེ་ནི་ཕུང་ཁྲོལ་ཅུང་ཟད་ཙམ་དུ་ཟད། །གང་ཞིག་བདེ་བར་གཤེགས་ལ་ཡིད་རབ་འཁྲུག །དེ་འདིར་ཕུང་ཁྲོལ་ཤིན་ཏུ་ཆེན་པོ་ཡིན། །གང་ཡིད་འཕགས་
D5.009.0111b04.01པས་སྨད་པའི་སྡིག་གནས་ན། །བྱེ་བ་བརྒྱ་ཕྲག་སྟོང་ཕྲག་དུང་ཕྱུར་ཕྲག །སུམ་བཅུ་དྲུག་དང་ལྔ་པོ་ཇི་སྙེད་པར། །སེམས་དམྱལ་ཆུ་བུར་ཆུ་བུར་རྡོལ་བར་འགྲོ། །གང་གི་ཚེ་དགེ་འདུན་གྱིས་དགེ་སློང་མ་མཛའ་མོ་ནི་རང་གིས་ཁས་བླངས་པས་བསྙིལ།
D5.009.0111b05.01མཛའ་བོ་དང་ས་ལས་སྐྱེས་ལ་ནི་ལེགས་པར་རབ་ཏུ་དྲིས་པ་དེའི་ཚེ། དགེ་སློང་མ་རང་བཞིན་དུ་གནས་པ་རྣམས་ཚེ་དང་ལྡན་པ་གྱད་བུ་ནོར་གྱི་བསྔགས་པ་ནི་སྨྲ་བར་བྱེད། དགེ་སློང་མ་མཛའ་མོ་ལ་ནི་བསྔགས་པ་མ་ཡིན་པ་རྗོད་པར་བྱེད་དོ། །དེ་ནས་དགེ་སློང་
D5.009.0111b06.01མ་མཛའ་མོའི་ཕུ་ནུ་མོ་དགེ་སློང་མ་མཛའ་ཅན་མ་ཞེས་བྱ་བ་དགེ་སློང་མ་མཛའ་མོའི་བསྔགས་པ་མ་ཡིན་པ་བརྗོད་པ་དེའི་ཚེ་དགེ་སློང་མ་རྣམས་ལ་ཁྲོས་འཁྲུགས་རྔམ་པས་དགེ་སློང་མ་རྣམས་ལ་ཡང་གཞི་མེད་པར་ཕས་ཕམ་པར་འགྱུར་བའི་ཆོས་ཀྱིས་སྐུར་པ་འདེབས་ཤིང་
D5.009.0111b07.01