完整藏文原文 · 德格版页 当前仅加载第 9 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལ་དགེ་འདུན་ལྷག་མའི་ལྟུང་བ་བྱུང་བ་མཐོང་ངོ་ཞེས་སྨྲ་ན་ལྟུང་བྱེད་དོ། །དགེ་སློང་མས་དགེ་སློང་མ་ལ་དགེ་འདུན་ལྷག་མའི་ལྟུང་བ་བྱུང་བ་མཐོང་ལ། དེས་དེ་ལ་ཉེས་བྱས་ཀྱི་ལྟ་བ་ཐོབ་པ་ལས་དེས་འདུ་ཤེས་དང་། བཟོད་པ་དང་། འདོད་པ་དང་།
D5.009.0253a01.01བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་ཁོ་མོས་དགེ་སློང་མ་ལ་དགེ་འདུན་ལྷག་མའི་ལྟུང་བ་བྱུང་བ་མཐོང་ངོ་ཞེས་སྨྲ་ན་ལྟུང་བྱེད་དོ། །དེ་བཞིན་དུ་རིམ་པ་འདིས་དགེ་འདུན་གྱི་ལྷག་མའི་བག་ཙམ་གྱི་བསླབ་པའི་གཞི་ལ་དེ་བཞིན་དུ་རྒྱས་པར་
D5.009.0253a02.01བརྗོད་པར་བྱའོ། །དེ་ལྟ་མོད་ཀྱི་དགེ་སློང་མས་ཇི་ཙམ་ཅུང་ཟད་ཁྲོས་ཤིང་ཞེ་སྡང་ལ་མི་དགའ་བས་གཞི་མེད་པར་དགེ་འདུན་ལྷག་མས་སྐུར་པ་འདེབས་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ལྔ་པའི་བཅུ་གཅིག་པ་རྫོགས་{སྷོ,སོ}།། །།གླེང་གཞི་
D5.009.0253a03.01ནི་མཉན་ཡོད་ནའོ། །དེའི་ཚེ་ཡུལ་ཙམ་པའི་ཐ་ག་པའི་ཁྱེའུ་ཞིག་ཆུང་མ་བླངས་ནས་རིང་པོ་མ་ལོན་པར་དེ་རང་གི་ཆུང་མ་ལ་ཁྲོས་ནས་སླར་ཡང་ཙམ་པར་ཆས་པ་ན་དེའི་ཚེ་སྦོམ་དགའ་མོ་ལམ་ཁ་ན་འདུག་པ་དེས་ཁྱེའུ་དེ་མཐོང་ནས་འདི་སྐད་ཅེས་སྨྲས་སོ། །བཞིན་
D5.009.0253a04.01{བཟངས་,བཟང་}གར་འགྲོ་(དས་,དེས་)འདི་སྐད་ཅེས་སྨྲས་སོ། །ཙམ་པར་མཆིའོ། །དེ་ནས་སྦོམ་དགའ་མོ་དེ་དང་ལྷན་ཅིག་ཆས་པ་དང་། ཐ་ག་པའི་ཆུང་མ་ཁང་ཐོག་ན་འདུག་པ་དེས་ཁྱིམ་ཐབ་དགེ་སློང་མ་ཞིག་དང་འགྲོགས་ཏེ་འགྲོན་ལམ་དུ་ཞུགས་ཏེ་སོང་བ་མཐོང་ངོ་། །མཐོང་
D5.009.0253a05.01ནས་ཀྱང་སྐད་ཆེན་པོར་ཁོ་མོའི་ཁྱིམ་ཐབ་ཀྱིས་དགེ་སློང་མ་ཞིག་ཁྲིད་ནས་བྲོས་སོ་ཞེས་བསྒྲགས་པ་དང་། དེ་ནས་ཐ་ག་པ་རབ་ཏུ་མང་པོས་སྦོམ་དགའ་མོ་བརྡེགས་སོ། །དེ་ནས་མིག་ཕུགས་སྐྲངས་ཤིང་དབྱར་ཁང་དུ་སོང་བ་དང་། དགེ་སློང་མ་རྣམས་ཀྱིས་དྲིས་པ་
D5.009.0253a06.01ལས་དེས་སྐབས་དེ་རྒྱས་པར་སྨྲས་པ་ན། དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་
D5.009.0253a07.01