完整藏文原文 · 德格版页 当前仅加载第 9 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་མཉན་ཡོད་ནའོ། །དེ་ནས་བཅུ་གཉིས་སྡེ་དག་ཁྱིམ་བདག་གི་ཆུང་མ་རབ་ཏུ་མང་པོ་དང་ལྷན་ཅིག་སྒྲེན་མོར་བྱུང་ནས་ཁྲུས་བྱེད་པ་དང་། དེ་ནས་སྦོམ་དགའ་མོས་ཁོ་མོའི་རྨོངས་ཀྱི་ཚོགས་ཤིན་ཏུ་གནག་ལ་ལེགས་པར་འཁྱིལ་བ་དཔེར་ན་སྲན་མ་ཤའི་འབྲས་བུ་ལྟར་འདུག་པ་ལ་ལྟོས་
D5.009.0298b01.01ཞེས་སྟོན་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་སློང་མས་ཁྲུས་རས་བཅང་བར་བྱའོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ཀྱིས་ཁྲུས་རས་
D5.009.0298b02.01བཅང་བར་བྱའོ། །ཞེས་བཀའ་སྩལ་པ་དེའི་ཚེ་སྦོམ་དགའ་མོ་མི་ཐོགས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་
D5.009.0298b03.01མཛད་དེ། ཡང་དགེ་སློང་མ་གང་ཁྲུས་རས་མེད་པར་ཁྲུས་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཁྲུས་རས་ཞེས་བྱ་བ་ནི་ཁྲུས་ཀྱི་རས་ཏེ་དེ་མེད་པར་རོ། །ཁྲུས་བྱེད་ན་ཞེས་བྱ་བ་ལ་ཁྲུས་ནི་གཉིས་ཏེ། འཇུག་པའི་ཁྲུས་དང་དབང་བསྐུར་བའི་
D5.009.0298b04.01ཁྲུས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁྲུས་གཉིས་བྱེད་ན་ཁྲུས་ཀྱི་ཁྲུས་རས་མི་འཆང་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་གཅིག་པའི་དང་པོ་རྫོགས་{སྷོ,སོ}།། །།གླེང་
D5.009.0298b05.01གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་མི་གཙང་བས་གོས་པའི་གོས་དག་བཙོ་བླག་མཁན་ལ་འཁྲུར་བཅུག་པ་དང་། །བྲམ་ཟེ་དང་ཁྱིམ་བདག་དག་བདག་ཅག་གི་གོས་ཀྱང་འདིས་ནི་མི་གཙང་བར་འགྱུར་རོ་ཞེས་ཁ་ཟེར་བར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་
D5.009.0298b06.01ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་བཙོ་བླག་མཁན་ལ་གོས་འཁྲུར་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །བཙོ་བླག་
D5.009.0298b07.01